Drishyam 3 OTT : దృశ్యం 3 ఓటీటీ రిలీజ్ డేట్ - ఎప్పటి నుంచి స్ట్రీమింగ్ కావొచ్చంటే?
Drishyam 3 OTT Platform : మలయాళ స్టార్ మోహన్ లాల్ రీసెంట్ సస్పెన్స్ థ్రిల్లర్ దృశ్యం 3 ఓటీటీ రిలీజ్ డేట్పై అందరిలోనూ ఆసక్తి నెలకొంది. జూన్ లాస్ట్ వీక్లో స్ట్రీమింగ్ కానున్నట్లు తెలుస్తోంది.
Mohanlal's Drishyam 3 OTT Release Date : సూపర్ హిట్ సీక్వెల్, టాప్ ట్రెండింగ్ సస్పెన్స్ థ్రిల్లర్ అంటే మనకు గుర్తొచ్చేది 'దృశ్యం'. తెలుగులో విక్టరీ వెంకటేశ్ నటించిన దృశ్యం, దృశ్యం 2 రెండూ హిట్గా నిలిచాయి. మలయాళ స్టార్ మోహన్ లాల్ (Mohanlal) హీరోగా జీతూ జోసెఫ్ దర్శకత్వంలో వచ్చిన మూవీస్కు ఇది రీమేక్. ఇటీవలే మోహన్ లాల్ దృశ్యం 3 ప్రేక్షకుల ముందుకు వచ్చింది.
దీన్ని తెలుగులో రీమేక్ చేయలేదు కానీ డైరెక్ట్గానే రిలీజ్ చేశారు. మే 21న థియేటర్లలోకి వచ్చిన 'దృశ్యం 3' (Drishyam 3) మిక్స్డ్ టాక్ తెచ్చుకున్నా కలెక్షన్స్ పరంగా మంచి నెంబర్స్ సాధించింది. వరల్డ్ వైడ్గా రూ.230 కోట్లకు పైగా కలెక్షన్స్ సాధించింది. ఇప్పుడు ఈ సినిమా ఓటీటీపై అందరిలోనూ ఆసక్తి నెలకొంది.
ఎప్పుడు, ఎందులో స్ట్రీమింగ్ అంటే?
దృశ్యం 3 డిజిటల్ రైట్స్ ప్రముఖ ఓటీటీ 'అమెజాన్ ప్రైమ్ వీడియో' (Amazon Prime Video) సొంతం చేసుకోగా... ఓటీటీ రిలీజ్ డేట్ సోషల్ మీడియాలో వైరల్ అవుతోంది. 6 నుంచి 8 వారాల గ్యాప్ ఈ మూవీకి వర్తించనుండగా... జూన్ చివరి వారంలో అంటే జూన్ 18 లేదా 25 తేదీల్లో ఈ మూవీ అందుబాటులోకి వచ్చే ఛాన్స్ ఉన్నట్లు తెలుస్తోంది. మలయాళంతో పాటు తెలుగులోనూ స్ట్రీమింగ్ అయ్యే అవకాశం ఉంది. దీనిపై మేకర్స్ నుంచి అఫీషియల్ అనౌన్స్మెంట్ రావాల్సి ఉంది.
జీతూ జోసెఫ్ దర్శకత్వం వహించిన మూవీలో మోహన్ లాల్, మీనాలతో పాటు అన్సీబా హాసన్, ఎస్తర్ అనిల్, సిద్ధిఖీ, బిజూ మేనన్ తదితరులు కీలకపాత్రలు పోషించారు. ఆశీర్వాద్ సినిమాస్ బ్యానర్పై నిర్మించగా... అనిల్ జాన్సన్ మ్యూజిక్ అందించారు.
Also Read : Ramani Kalyanam OTT : ఓటీటీలోకి రీసెంట్ రొమాంటిక్ డ్రామా - 3 వారాల్లోపే స్ట్రీమింగ్... ఎందులో చూడొచ్చంటే?
స్టోరీ ఏంటంటే?
దృశ్యం 2 ఎక్కడైతే ముగిసిందో అక్కడి నుంచి దృశ్యం 3 కథ స్టార్ట్ అవుతుంది. హైకోర్టులో వరుణ్ మర్డర్ కేసును కొట్టేయడంతో జార్జ్ (మోహన్ లాల్) ఫ్యామిలీకి గొప్ప రిలీఫ్ దొరుకుతుంది. పాత చేదు జ్ఞాపకాలను మర్చిపోయి వారంతా హ్యాపీగా ఉంటారు. కొన్నాళ్లకు తమ కథనే దృశ్యం పేరుతో సినిమాగా తీసిన జార్జ్ నిర్మాతగా బిగ్ సక్సెస్ అందుకుంటాడు. ఇదే టైంలో పెద్ద కూతురు అంజు (అన్సీబా హాసన్) పెళ్లి చేయాలని ప్రయత్నిస్తుంటాడు.
అయితే, కుదిరిన ప్రతీ మ్యాచ్ కూడా లాస్ట్ మినిట్లో క్యాన్సిల్ అవుతుండడంతో జార్జ్లో అనుమానం స్టార్ట్ అవుతుంది. దీనిపై డెప్త్గా ఆరా తీస్తే కొందరు శత్రువులు తన కుమార్తె పెళ్లి కానీయకుండా చేయాలని... ఆపై ఆమెను జైలుకు పంపే ఉద్దేశంతో కుట్ర చేస్తున్నారని అర్థమవుతుంది. అసలు ఆ కుట్ర చేస్తుంది ఎవరు? దీనికి వరుణ్ ఫ్యామిలీకి ఏమైనా సంబంధం ఉందా? ఈ కుట్రను పోలీసులు ఎలా వాడుకున్నారు? ఈసారి తన ఫ్యామిలీని కాపాడుకునేందుకు జార్జ్ ఏం చేశాడు? అనేది తెలియాలంటే మూవీ చూడాల్సిందే.
Also Read : Kevin Kunta Dance : చికిరి చికిరి పాటకు కెవిన్ కుంట స్టెప్పులు - రామ్ చరణ్ బాడీగార్డ్ సిగ్నేచర్ షాట్
Before You Go
Dharmendra Receives Padma Vibhushan Award | ధర్మేంద్రకు పద్మవిభూషణ్ అవార్డు
టాప్ హెడ్ లైన్స్
ట్రెండింగ్ వార్తలు
