Telugu OTT Movies: ‘మోస్ట్ ఎలిజిబుల్ బ్యాచిలర్’ to ‘గనీ’.. అన్నీ ahaలోనే అట.. థియేటర్లో విడుదలకు ముందే..

దసరా నుంచి సంక్రాంతి వరకు మొత్తం 12 వారాలలో అంటే 90 రోజుల్లో.. 20 కొత్త సినిమాలు, షోలను అందించబోతున్నట్లు ప్రకటించింది 'ఆహా' సంస్థ. 

Image Credit: aha

తెలుగులో తొలి ఓటీటీ సంస్థ 'ఆహా'. అతి తక్కువ సమయంలోనే టాప్ ప్లేస్‌లో చోటు దక్కించుకుంది. ఓటీటీలో సరికొత్త కార్యక్రమాలతో అలరిస్తూ ప్రేక్షకులకు ఆకట్టుకునే ప్రయత్నం చేస్తోంది 'ఆహా'. కేవలం సినిమాలకు మాత్రమే పరిమితం కాకుండా ఒరిజినల్ వెబ్ సిరీస్‌లు షోలతో ప్రేక్షకులను మెప్పిస్తోంది. ఇప్పుడు నాన్ స్టాప్ ఎంటర్టైన్మెంట్ తో అలరించడానికి సిద్ధమవుతోంది. ఇందులో భాగంగా దసరా నుంచి సంక్రాంతి వరకు మొత్తం 12 వారాలలో అంటే 90 రోజుల్లో.. 20 కొత్త సినిమాలు, షోలను అందించబోతున్నట్లు ‘ఆహా’ ప్రకటించింది. థియేటర్లో విడుదల కంటే ముందే.. ‘ఆహా’ త్వరలో ఆ చిత్రాలు తమ ఓటీటీలో వస్తాయని ప్రోమోలో ప్రకటించడం గమానర్హం. సాధారణంగా థియేటర్లో విడులైన కొద్ది రోజుల తర్వాత ఓటీటీలు ఆ విషయాన్ని ప్రకటిస్తాయి. అయితే, ‘ఆహా’ మాత్రం థియేటర్లో విడుదలకు సిద్ధంగా ఉన్న ‘మోస్ట్ ఎలిజిబుల్ బ్యాచిలర్’ నుంచి ‘గని’ సినిమా వరకు తమ ఓటీటీలో వచ్చేస్తాయని ప్రకటించింది.

ఇంకా విడుదల కాని సినిమాలను కూడా 'ఆహా' ఈ మూడు నెలల్లో ప్రేక్షకుల కోసం తీసుకురాబోతుంది. ఈ పండగకి అందిస్తోన్న సినిమాల్లో 9 వరల్డ్ డిజిటల్ ప్రీమియర్స్ సినిమాలు ఉన్నట్లు ప్రకటించింది. త్వరలో 'ఆహా'లో రాబోతున్న ముఖ్యమైన సినిమాల్లో 'మోస్ట్ ఎలిజిబుల్ బ్యాచిలర్', 'లవ్ స్టోరీ', 'లక్ష్య', 'మంచు రోజులు వచ్చాయి', 'డీజే టిల్లు', 'రొమాంటిక్', 'అనుభవించు రాజా', 'పుష్పక విమానం', 'గని' వంటి సినిమాలు ఉన్నాయి. 

వీటితో పాటు ఆహా ఒరిజినల్స్ 'సేనాపతి', 'భామా కలాపం', 'త్రీ రోజెస్', 'అన్యాస్ ట్యుటోరియల్', 'అడల్టింగ్', 'ఇట్స్ నాటే ఏ లవ్ స్టోరీ', 'సేఘు టాకీస్', 'ఇంటింటి రామాయణం', 'కబుల్ హై', 'సర్కార్‌' లతో పాటు నందమూరి బాలకృష్ణ హోస్ట్ గా వ్యవహరించనున్న 'అన్‌స్టాబబుల్‌ విత్‌ ఎన్‌బీకే' అనే షో కూడా ఉంది. ఇలా సినిమాలు, వెబ్ సిరీస్ లు, టాక్ షోలతో 'ఆహా' అలరించడానికి సిద్ధమవుతోంది. 

12 వారాలు... 90 రోజులు... 20 కొత్త సినిమాలు, షోలు! 🎥
ఈ దసరా నుండి సంక్రాంతి వరకు అదిరిపోయే నాన్ స్టాప్ 100% తెలుగు వినోదాల పండగ, మీ అహలో!🧡 సిద్ధమా!!!https://t.co/whilkXuvEA#CelebrateWithAHA🥳 pic.twitter.com/TTbmVrS3OG

— ahavideoIN (@ahavideoIN) October 10, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి