Naa Saami Ranga song: నా సామి రంగ - మాసీ & క్యాచీ సాంగ్‌తో వచ్చిన నాగార్జున

Yettukelli Povalanipisthunde full song out now: నాగార్జున హీరోగా విజయ్ బిన్ని దర్శకత్వంలో శ్రీనివాస చిట్టూరి నిర్మిస్తున్న 'నా సామి రంగ'లో ఫస్ట్ సింగిల్ 'ఎత్తుకెళ్లి పోవాలనిపిస్తుంది' విడుదలైంది. 

'నా సామి రంగ'లో ఫస్ట్ సింగిల్ 'ఎత్తుకెళ్లి పోవాలనిపిస్తుంది'లో నాగార్జున, ఆషికా రంగనాథ్

Akkineni Nagarjuna's Naa Saami Ranga movie songs: కింగ్ నాగార్జున అక్కినేని కథానాయకుడిగా రూపొందుతోన్న తాజా సినిమా 'నా సామి రంగ'. దీంతో ప్రముఖ కొరియోగ్రాఫర్ విజయ్ బిన్ని దర్శకుడిగా పరిచయం అవుతున్నారు. మాస్ యాక్షన్ ఎంటర్‌టైనర్‌ సినిమాగా తెరకెక్కిస్తున్నారు. శ్రీనివాసా సిల్వర్ స్క్రీన్‌ అధినేత, ప్రముఖ నిర్మాత శ్రీనివాస చిట్టూరి భారీ నిర్మాణ వ్యయంతో ప్రతిష్టాత్మకంగా నిర్మిస్తున్నారు. పవన్ కుమార్ చిత్ర సమర్పకులు. లేటెస్ట్ అప్డేట్ ఏమిటంటే... ఈ సినిమాలో ఫస్ట్ సాంగ్ ఈ రోజు విడుదల చేశారు. 

ఆస్కార్ విజేతల నుంచి...
ఎత్తుకెళ్లి పోవాలనిపిస్తుంది!
Naa Saami Ranga actress name: 'నా సామి రంగ' సినిమాలో అక్కినేని నాగార్జున సరసన కన్నడ భామ ఆషికా రంగనాథ్ నటిస్తున్నారు. తెలుగు ఆమెకు రెండో చిత్రమిది. నందమూరి కళ్యాణ్ రామ్ 'అమిగోస్'తో తెలుగు తెరకు ఆమె పరిచయం అయ్యారు.

Etthukelli Povaalanipisthunde Song from Naa Saami Ranga Movie: 'నా సామి రంగ' సినిమాలో నాగార్జున, ఆషికాపై తెరకెక్కించిన 'ఎత్తుకెళ్లి పోవాలనిపిస్తుంది' పాటను ఇవాళ విడుదల చేశారు. ఆస్కార్ అవార్డు విజేత ఎంఎం కీరవాణి అందించిన బాణీకి మరో ఆస్కార్ విజేత చంద్రబోస్ (Chandrabose) సాహిత్యం అందించారు. సెన్సేషనల్ సింగర్ రామ్ మిరియాల పాటను ఆలపించారు. దర్శకుడు విజయ్ బిన్నీతో పాటు మ్యాగీ ఈ పాటకు కొరియోగ్రఫీ అందించారు.

''బెల్లం సెరుకు సూపుల దానా...
అల్లం మిరప మాటల దానా...
బొండు మల్లి నడుము దానా...
బండెడు సోకుల ఓ నెరజానా...
నువ్వట్టా పోతుంటే ఓఓఓఓ...
నిన్నిట్టా సూత్తుంటే ఓఓఓఓ...
ఎత్తుకెళ్లి పోవాలనిపిస్తుందే పిల్లా 
ఎత్తుకెళ్లి పోవాలనిపిస్తుంది''
అంటూ సాగిందీ గీతం! లిరికల్ వీడియో చూస్తుంటే... కలర్ ఫుల్ గా పిక్చరైజ్ చేసినట్లు అర్థం అవుతోంది. 'నా సామి రంగ'లో వరలక్ష్మి పాత్రలో ఆషికా రంగనాథ్ నటిస్తున్నారు. ఇటీవల ఆమె ఫస్ట్ లుక్ విడుదల చేశారు. 

'ఎత్తుకెళ్లి పోవాలనిపిస్తుంది' పాటలో నాగార్జున గెటప్ చూస్తుంటే... ఆయన రైతుగా  కనిపించనున్నారని అర్థం అవుతోంది. ఆల్రెడీ విడుదల చేసిన ప్రచార చిత్రాల్లో వ్యవసాయ భూమిలో ట్రాక్టరుపై కాలు వేసి బీడీ కాలుస్తూ మాస్ లుక్కులో కింగ్ అలరించారు. ఈ సినిమాలో అన్ని పాటలకు చంద్రబోస్ సాహిత్యం అందిస్తున్నారు. 

సంక్రాంతికి 'నా సామి రంగ' విడుదల
Naa Saami Ranga release on Sankranti 2024: ప్రస్తుతం హైదరాబాద్‌లో 'నా సామి రంగ' చిత్రీకరణ శరవేగంగా జరుగుతోంది. మరో వైపు ప్రొడక్షన్ పనులు చివరి దశకు చేరుకున్నాయి. సంక్రాంతి కానుకగా జనవరిలో సినిమాను ప్రేక్షకుల ముందుకు తీసుకు రానున్నారు. బ్లాక్ బస్టర్ రైటర్ ప్రసన్న కుమార్ బెజవాడ ఈ చిత్రానికి కథ, మాటలు అందించారు.

నాగార్జున, ఆషికా రంగనాథ్ జంటగా నటిస్తున్న ఈ సినిమాలో 'పలాస' దర్శకుడు  కరుణ కుమార్ ఓ ప్రధాన పాత్ర పోషిస్తున్నారు. ఈ చిత్రానికి కథ, మాటలు: ప్రసన్న కుమార్ బెజవాడ, సాహిత్యం: చంద్రబోస్, సంగీతం: ఎంఎం కీరవాణి, సమర్పణ: పవన్ కుమార్, నిర్మాత: శ్రీనివాస చిట్టూరి. నిర్మాణ సంస్థ: శ్రీనివాస సిల్వర్ స్క్రీన్, దర్శకత్వం: విజయ్ బిన్నీ.