Tom Cruise Stunt: వామ్మో, ప్రాణాలు పోతే? హాలీవుడ్ హీరో టామ్ క్రూజ్ డేరింగ్, సినిమా చరిత్రలోనే అత్యంత ప్రమాదకర స్టంట్!

టామ్ క్రూజ్ నటించిన ‘మిషన్: ఇంపాజిబుల్-7’ 2023లో ప్రేక్షకుల ముందుకు రాబోతోంది. ఈ సినిమాకు సంబంధించిన ట్రైలర్ ఇప్పటికే విడుదల కాగా, తాజాగా ఇందులోని కీలక ‘స్టంట్’ మేకింగ్ వీడియోను రిలీజ్ చేశారు.

Photo@Tom Cruise/twitter

‘మిషన్ ఇంపాజిబుల్’ సినిమా సిరీస్ కు ప్రపంచ వ్యాప్తంగా భారీ సంఖ్యలో అభిమానులున్నాయి. ఈ సినిమాల్లో టామ్ క్రూజ్ చేసే సాహస విన్యాసాలు రోమాలు నిక్కబొడుచుకునేలా చేస్తాయి. ఉత్కంఠ బరితమైన సీన్లు ప్రేక్షకులకు ఓ రేంజిలో ఆకట్టుకుంటాయి. ‘మిషన్ ఇంపాజిబుల్’ ఏడో సిరీస్ జులై 14, 2023న థియేటర్‌లలో విడుదల   కాబోతోంది. ‘మిషన్ ఇంపాజిబుల్: డెడ్ రెకనింగ్- పార్ట్ వన్’ పేరుతో అలరించబోతోంది. ఇప్పటికే ఈ చిత్రానికి సంబంధించిన ట్రైలర్ విడుదల కాగా, ప్రేక్షకులను ఎంతో ఆకట్టుకుంటోంది.

సినిమా చరిత్రలోనే అతి ప్రమాదకరమైన స్టంట్!

60 ఏండ్ల వయసున్న టామ్ క్రూజ్.. ఈ సినిమాలో చేసిన స్టంట్స్ చూస్తే అబ్బురపడాల్సిందే. కుర్ర హీరోలకు సైతం సాధ్యంకాని రీతిలో ఆయన సాహసాలు ఉంటాయి. ప్రాణాలకు తెగించిన ఆయన చేసే సీన్లు చూస్తుంటే ఆశ్చర్యం కలగకమానదు. ఈ సినిమాలోని యాక్షన్ సీన్లు అందరినీ ఊపిరి బిగపట్టుకునేలా చేస్తాయి. ఈ సినిమాలో ట్రైలర్   చివరిలో బైకుతో సహా ఎత్తైన కొండపై నుంచి లోయలోకి దూకే సీన్ చూస్తే ప్రాణాలు పోయిన ఫీలింగ్ కలుగుతోంది. తాజాగా ఈ సీన్ షూటింగ్ కు సంబంధించిన మేకింగ్ వీడియోను చిత్ర నిర్మాణ సంస్థ విడుదల చేసింది. ప్రపంచ సినీ చరిత్రలోనే అతిపెద్ద సాహసోపేతమైన సీన్ గా గుర్తింపు పొందింది.

So excited to share what we’ve been working on. #MissionImpossible pic.twitter.com/rIyiLzQdMG

— Tom Cruise (@TomCruise) December 19, 2022

అరుదైన స్టంట్ కు వేదికైన నార్వే  

నార్వేలో ఈ సీన్ ను షూట్ చేశారు. ఒక కొండపై నుంచి లోయలో దూకే ఈ సన్నివేశాన్ని షూట్ చేయడాని చిత్ర బృందం ఎంత కష్టపడిందో తాజాగా విడుదల చేసిన మేకింగ్ విజువల్స్ లో కనిపించింది.  ‘మిషన్: ఇంపాజిబుల్ - డెడ్ రెకనింగ్ పార్ట్ వన్‌’ లో పెట్టిన ఈ సీన్ ప్రపం యాక్షన్ సినిమాల్లో అత్యంత ప్రమాదకరమైన, సాహసోపేతమైన స్టంట్ గా నిలిచింది.  పారామౌంట్ పిక్చర్స్, క్రూజ్ రూపొందించిన సినిమాల్లో ఇదే మోస్ట్ డేంజరస్ సీన్ గా చిత్ర బృందం తెలిపింది. నార్వే  హెలెసిల్ట్‌ లోని ఓ కొండపైన అరిష్ట ఓవర్‌హెడ్ షాట్ రోలింగ్‌ తో మేకింగ్ వీడియో మొదలవుతోంది. కొండపై నిర్మించిన పొడవైన ర్యాంప్ మీది నుంచి క్రూజ్ బైక్ తో వెళ్తూ లోయలోకి దూకుతాడు.  ఈ సీన్ తన కెరీర్ లోనే అత్యంత ప్రమాదకరమైనది అభివర్ణించాడు టామ్ క్రూజ్. ఒకటి కాదు రెండు కాదు.. ఈ సీన్ బాగా రావాలని టామ్ ఆరుసార్లు ఆ ప్రమాదకర స్టంట్ చేశాడు. ఆయన సాహసానికి సినిమా బృందం స్టాండింగ్ ఒవేషన్ ఇచ్చింది.    

‘టాప్ గన్: మావెరిక్’ పైటర్ జెట్ నడిపిన క్రూజ్

టామ్ కు సాహసాలు చేయడం ఇదేమీ కొత్తకాదు. గతంలోనూ అత్యంత కిష్ణమైన స్టంట్స్ చేశారు. ‘టాప్ గన్: మావెరిక్’ సినిమాలో యుద్ధ విమానాలు నడిపి ఆశ్చర్యపరిచారు. F/A-18 సూపర్ హార్నెట్ ఫైటర్ జెట్‌ ను అమెరికా నేవీ నుంచి అద్దెకు తీసుకుని మరీ ఈ సినిమా కోసం ఉపయోగించారు. ఈ జెట్ విమానాలు నింగిలోకి రాకెట్‌ లా దూసుకుపోతాయి. శత్రువుల ఊహక అందకుండా దాడి చేస్తాయి. బాంబులు, మిసైల్స్ దాడి నుంచి చాకచక్యంగా తప్పించుకునే సత్తా ఉంటుంది. సాధారణ విమానాలతో పోల్చితే వీడిని నడపడం అంత సులువు కాదు. కానీ, క్రూజ్ వీటిని నడిపేందుకు ప్రత్యేక శిక్షణ తీసుకున్నాడు. ట్రైనింగ్ పొందిన కొద్ది రోజుల్లోనే జెట్ విమానాన్ని నడిపి ఆశ్చర్యపరిచారు.    

1996 నుంచి ‘మిషన్ ఇంపాజిబుల్’ సిరీస్ షురూ

ఇక హాలీవుడ్ లో  ‘మిషన్ ఇంపాజిబుల్’ సినిమాకు మంచి ప్రేక్షకాదరణ ఉంది. 1996లో ‘మిషన్ ఇంపాజిబుల్’  మూవీ సీరిస్ షురూ అయ్యింది. ఇప్పటి వరకు 6 సిరీస్ లు విడుదల అయ్యాయి. ఇప్పుడు ‘మిషన్ ఇంపాజిబుల్: డెడ్ రెకనింగ్’ పేరుతో ఏడో సిరీస్ ప్రేక్షకుల ముందుకు రాబోతోంది. క్రిస్టోఫర్ మెక్‌ క్వారీ ఈ సినిమాకు దర్శకత్వం వహిస్తున్నారు.  సైమన్ పెగ్, రెబెక్కా ఫెర్గూసన్, వింగ్ రేమ్స్, వెనెస్సా కిర్బీ, హేలీ అట్‌ వెల్, పోమ్ క్లెమెంటీఫ్, క్యారీ ఎల్వెస్, ఇందిరా వర్మ, షియా విఘమ్, రాబ్ డి మోరల్స్ సహా పలువురు నటించారు.