Meenakshi Chaudhary: అటు మహేష్.. ఇటు ప్రభాస్.. అబ్బో ఈ బ్యూటీ డిమాండ్ మాములుగా లేదుగా.. 

మొదటి సినిమాతోనే ప్లాప్ అందుకున్న ఏ హీరోయిన్ కి కూడా ఇంత డిమాండ్ ఉండదు. రెండో సినిమాకి ఛాన్స్ రావడమే గొప్ప. కానీ కొందరు హీరోయిన్లకు మాత్రం అదృష్టం కలిసొస్తుంటుంది.

అబ్బో ఈ బ్యూటీ డిమాండ్ మాములుగా లేదుగా.. 

తెలుగులో సుశాంత్ నటించిన 'ఇచ్చట వాహనములు నిలుపరాదు' సినిమాతో హీరోయిన్ గా ఎంట్రీ ఇచ్చింది మీనాక్షి చౌదరి(Meenakshi Chaudhary). ఈ సినిమా పెద్దగా ఆడలేదు. అయినప్పటికీ రిజల్ట్ తో సంబంధం లేకుండా మీనాక్షికి వరుస అవకాశాలు రావడం విశేషం. 2018లో మిస్ ఇండియా అయిన ఈ నార్త్ బ్యూటీ మొదటి సినిమాలో నటిస్తోన్న సమయంలోనే రవితేజ సరసన 'ఖిలాడి' సినిమాలో రెండో హీరోయిన్ గా ఎంపికైంది. ఆ తరువాత అడివి శేష్ సరసన 'హిట్2' సినిమాలో హీరోయిన్ గా ఛాన్స్ దక్కించుకుంది. ఇవి రెండూ కూడా క్రేజీ సినిమాలే కావడం విశేషం. 

నిజానికి మొదటి సినిమాతోనే ప్లాప్ అందుకున్న ఏ హీరోయిన్ కి కూడా ఇంత డిమాండ్ ఉండదు. రెండో సినిమాకి ఛాన్స్ రావడమే గొప్ప. కానీ కొందరు హీరోయిన్లకు మాత్రం అదృష్టం కలిసొస్తుంటుంది. మీనాక్షి కూడా అదే కోవలోకి వస్తుంది. ఇప్పటికే రెండు సినిమా అవకాశాలు అందుకున్న ఈ బ్యూటీకి ఇప్పుడు మరో రెండు క్రేజీ ప్రాజెక్ట్ లలో నటించే ఛాన్స్ వచ్చినట్లు సమాచారం. అవి ప్రభాస్, మహేష్ సినిమాలు కావడం విశేషం. 

ప్రభాస్ హీరోగా ప్రశాంత్ నీల్ రూపొందిస్తోన్న 'సలార్' సినిమాలో ఓ ప్రత్యేక పాత్ర కోసం మీనాక్షిని ఎన్నుకున్నారట. ఇందులో ఆమెది హీరోయిన్ రోల్ కానప్పటికీ ఆమె పాత్రకు ప్రాధాన్యత ఉంటుందని సమాచారం. ఇందులో ప్రభాస్ సరసన శృతిహాసన్ హీరోయిన్ గా కనిపించనుంది. ఈ సినిమాతో పాటు మహేష్ బాబు హీరోగా త్రివిక్రమ్ శ్రీనివాస్ రూపొందించబోయే సినిమాలో కూడా మీనాక్షిని ఒక హీరోయిన్ గా తీసుకుంటున్నారని టాక్. కానీ ఈ విషయంలో స్పష్టం లేదు. ఈ వార్తలు గనుక నిజమైతే మీనాక్షి కెరీర్ కి ఇక ఢోకా ఉండదు. ఫ్యూచర్ లో స్టార్ హీరోయిన్ స్టేటస్ అందుకోవడం ఖాయం. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి