Trisha Mansoor Ali Khan : మన్సూర్‌ది వక్రబుద్ధి... త్రిషకు అండగా మెగాస్టార్ చిరంజీవి

Chiranjeevi condemns Mansoor Ali Khan comments on Trisha : కథానాయిక త్రిషపై హేయమైన కామెంట్స్ చేసిన నటుడు మన్సూర్ అలీ ఖాన్ వ్యాఖ్యలను మెగాస్టార్ చిరంజీవి ఖండించారు.

త్రిష, చిరంజీవి, నితిన్

Chiranjeevi reacts on Mansoor Ali Khan comments on Trisha: కథానాయిక త్రిష పరువుకు భంగం కలిగించే విధంగా నటుడు మన్సూర్ అలీ ఖాన్ వివాదాస్పద వ్యాఖ్యలు చేశారు. తోటి మహిళా నటిపై ఆయన అనుచిత, హేయమైన వ్యాఖ్యలు చేయడం ద్వారా సమాజంలో మహిళల పట్ల ఆయనకు ఎటువంటి అభిప్రాయం ఉందనేది ఆ వ్యాఖ్యల ద్వారా అర్థం అవుతోంది. 

దళపతి విజయ్ హీరోగా లోకేష్ కనగరాజ్ దర్శకత్వం వహించిన 'లియో' సినిమాలో త్రిష కథానాయిక. మన్సూర్ అలీ ఖాన్ ఓ ప్రధాన పాత్రలో నటించారు. అయితే... ఆ సినిమాలో తనకు, త్రిషకు మధ్య రేప్ సన్నివేశం లేకపోవడం పట్ల అసంతృప్తి వ్యక్తం చేశారు మన్సూర్. గతంలో ఎంతో మంది హీరోయిన్లతో రేప్ సీన్లు చేశానని, త్రిషతో కూడా ఉంటుందని అనుకున్నానని ఆయన అనుచిత వ్యాఖ్యలు చేశారు. వాటిని మెగాస్టార్ చిరంజీవి ఖండించారు. 

వక్ర బుద్ధితో కొట్టుమిట్టాడుతున్నాడు! - చిరంజీవి
త్రిష గురించి మన్సూర్ అలీ ఖాన్ చేసిన వ్యాఖ్యలు తన దృష్టికి వచ్చాయని మెగాస్టార్ చిరంజీవి ఈ రోజు ఉదయం సోషల్ మీడియా 'ఎక్స్' (X / twitter)లో పేర్కొన్నారు. ''మన్సూర్ అలీ ఖాన్ వ్యాఖ్యలు మహిళలను అగౌరవపరిచే విధంగా ఉన్నాయి. నటీమణులకు మాత్రమే కాదు... మహిళలు ఎవరికైనా అసహ్యాన్ని కలిగిస్తాయి. అతను వక్రబుద్ధితో కొట్టుమిట్టాడుతున్నాడు'' అని మన్సూర్ వ్యాఖ్యలను చిరంజీవి తీవ్రంగా ఖండించారు. త్రిషకు అండగా నిలబడుతున్నట్లు ఆయన తెలియజేశారు. త్రిషకు మాత్రమే కాదని, ఇటువంటి వ్యాఖ్యలు ఎదుర్కొనే మహిళలు అందరికీ తాను అండగా ఉంటానని చిరంజీవి పేర్కొన్నారు. 

My attention was drawn to some reprehensible comments made by actor Mansoor Ali Khan about Trisha.

The comments are distasteful and disgusting not just for an Artiste but for any woman or girl. These comments must be condemned in the strongest words. They reek of perversion.…

— Chiranjeevi Konidela (@KChiruTweets) November 21, 2023

త్రిషకు అండగా నితిన్ సైతం... 
''త్రిషపై మన్సూర్ అలీ ఖాన్ చేసిన నీచమైన, కించపరిచే వ్యాఖ్యలను నేను బలంగా ఖండిస్తున్నాను. పురుషాహంకారానికి ఈ సమాజంలో చోటు లేదు. మన చలన చిత్ర పరిశ్రమలో మహిళలపై జరుగుతున్న ఇటువంటి వ్యాఖ్యలకు వ్యతిరేకంగా నిలబడాలని నేను అందరికీ విజ్ఞప్తి చేస్తున్నాను'' అని నితిన్ సోమవారం ట్వీట్ చేశారు.

I strongly condemn Mr. Mansoor Ali Khan's vile and vulgar statement against @trishtrashers.

Chauvinism has no place in our society. I urge everyone to stand up against such remarks against women in our industry.. https://t.co/k8WdzRS422

— nithiin (@actor_nithiin) November 20, 2023

మన్సూర్ అలీ ఖాన్ వ్యాఖ్యలను జాతీయ మహిళా కమిషన్ (National Commission for Women) సుమోటో కేసుగా స్వీకరించింది. మన్సూర్ మీద ఐపీసీ 509బి, ఇతర సెక్షన్స్ కింద కేసు నమోదు చేసి చర్యలు తీసుకోవాలని పోలీసులను ఆదేశించింది. 'లియో' దర్శకుడు లోకేష్ కనగరాజ్, కథానాయికలు మాళవికా మోహనన్, మంజిమ మోహన్, గాయని చిన్మయి సహ పలువురు నటీనటులు మన్సూర్ అలీఖాన్ చేసిన అసభ్యకరమైన వ్యాఖ్యలపై అగ్రహాన్ని వ్యక్తం చేశారు. 

The National Commission for Women is deeply concerned about the derogatory remarks made by actor Mansoor Ali Khan towards actress Trisha Krishna. We're taking suo motu in this matter directing the DGP to invoke IPC Section 509 B and other relevant laws.Such remarks normalize…

— NCW (@NCWIndia) November 20, 2023