Mahesh Babu:‘ఎవరు మీలో కోటీశ్వరుడు’లో యంగ్ టైగర్‌తో మహేష్ బాబు, అభిమానులకు పండగే

ఎవరు మీలో కోటీశ్వరుడు షోకు సూపర్ స్టార్ మహేష్ బాబు ఈసారి గెస్ట్ గా అలరించబోతున్నాడు.

(Image credit: Gemini)

టాలీవుడ్లో ఇద్దరు సూపర్ స్టార్లను తెలుగు ప్రేక్షకులు ఒకేతెరపై చూడబోతున్నారు. ప్రిన్స్ మహేష్, యంగ్ టైగర్ ఎన్టీఆర్ మంచి స్నేహితులని అందరికీ తెలిసిందే. త్వరలో వీరిద్దరూ ఒకే వేదికపై అలరించబోతున్నారు. ‘ఎవరు మీలో కోటీశ్వరుడు’షోకు ఎన్టీఆర్ హోస్టు చేస్తున్న సంగతి తెలిసిందే. ఆ షోకు ప్రతివారం ఒక గెస్టును పిలుస్తారు. గతంలో సమంత, రామ్ చరణ్ కూడా హాజరయ్యారు. ఇప్పుడు మహేష్ బాబు గెస్టుగా వచ్చారు. ఆ ఎపిసోడ్ షూటింగ్ పూర్తయింది. దీనికి సంబంధించిన కొన్ని ఫోటోలు సోషల్ మీడియాలో వైరల్ అవుతున్నాయి. అలాగే ఎపిసోడ్ త్వరలో రాబోతోందంటూ జెమిని ఛానెల్ వాళ్లు కూడా ప్రకటించారు. 

Koo App

#TMSRUpdates ఎవరు మీలో కోటీశ్వరులు | జెమినీ టీవీ త్వరలో జెమినీ టీవీలో దశాబ్దపు ఎపిసోడ్‌ని చూడటానికి సిద్ధంగా ఉండండి. #JrNTR #MaheshBabu #GeminiTV #PoonakaalaEpisodeLoading #EMKbyNTRonGeminiTV #EvaruMeeloKoteeswaruluOnGeminiTV #EvaruMeeloKoteeswarulu #మన_టీవీ

View attached media content

- TMSR Updates (@TMSRUpdates) 20 Nov 2021నిజానికి మహేష్ బాబు ఎపిసోడ్ ఎప్పుడో షూటింగ్ జరిగినా కూడా ఇప్పటివరకు ప్రసారం చేయాలేదని టాక్ వినిపించింది. సెప్టెంబరు చివరివారంలోనే ఆ ఎపిసోడ్ షూటింగ్ జరిగినట్టు సమాచారం. ఆ ఎపిసోడ్ ను దసరా లేదా దీపావళికి ప్రసారం చేస్తారని అనుకున్నారంతా. కానీ ఛానెల్ వారు ప్రసారం చేయలేదు. దీంతో ఆశగా చూసిన అభిమానులు నిరాశ చెందారు. అయితే ఇప్పుడు మాత్రం త్వరలో ప్రసారం చేయబోతున్నట్టు జెమిని ఛానెల్ అధికారికంగా ప్రకటించింది. దీనికి సంబంధించి ఓ పోస్టర్ ను విడుదల చేశారు నిర్వాహకులు.  ఈ ఫొటోలో ఎన్టీఆర్ హోస్ట్ గా సూటు బూటు ధరించి ఉండగా.. మహేష్ ట్రెండీ కాస్ట్యూమ్స్ లో స్టైలిష్ గా ఉన్నారు. ప్రస్తుతం ఈ పిక్ నెట్టింట వైరల్ గా మారింది. వీరిద్దరూ కలిసి ఓ మల్టీస్టారర్ చేస్తే బాగుంటుందని నెటిజన్స్ కామెంట్స్ చేస్తున్నారు.

వీరిద్దరి ఎపిసోడ్ కు ఓ రేంజ్లో టీఆర్పీ రేటింగ్ వచ్చే అవకాశం ఉంది. ఈ షోలో మహేష్ బాబు పాతిక లక్షలు గెలుచుకున్నట్టు సమాచారం. మహేష్‌కు చదివే అలవాటు ఉండడం వల్లే ఆయన పాతిక లక్షలు గెలచుకున్నారు. తాను గెలుచుకున్న మొత్తాన్ని ఓ స్వచ్చంద సంస్థకు విరాళంగా ఇచ్చేశారట ప్రిన్స్. అభిమానులు ఈ ఎపిసోడ్ చాలా ఆతృతగా ఎదురుచూస్తున్నారు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి