అన్వేషించండి

Lakshya: డిసెంబర్ బరిలో మరో యంగ్ హీరో.. డేట్ లాక్ చేసేసుకున్నాడు..

'వరుడు కావలెను' తరువాత నాగ శౌర్య నుంచి 'లక్ష్య' అనే సినిమా రాబోతుంది. తాజాగా ఈ సినిమా విడుదల తేదీని ప్రకటిస్తూ పోస్టర్ ను వదిలారు.

By : ABP Desam | Updated at : 24 Nov 2021 06:25 PM (IST)

డిసెంబర్ బరిలో మరో యంగ్ హీరో..

యంగ్ హీరో నాగ శౌర్య కెరీర్‌లో లాండ్ మార్క్‌గా రాబోతోన్న 20వ చిత్రం లక్ష్యం విడుదల తేదీని ప్రకటించారు. సంతోష్ జాగర్లపూడి దర్శకుడిగా పరిచయం కాబోతోన్న ఈ స్పోర్ట్స్ డ్రామా డిసెంబర్ 10న విడుదల కానుంది. 'వరుడు కావలెను' తరువాత నాగ శౌర్య నుంచి 'లక్ష్య' అనే సినిమా రాబోతుంది. విడుదల తేదీని ప్రకటిస్తూ రిలీజ్ చేసిన పోస్టర్‌లో నాగ శౌర్య లుక్, ఆ హెయిర్ స్టైల్, బాణాన్ని ఎక్కు పెట్టిన తీరు అందరినీ ఆకట్టుకునేలా ఉంది. ఓ పక్క వర్షం కూడా పడుతున్నట్టు కనిపిస్తోంది.

ఈ చిత్రానికి సంబంధించిన పోస్ట్ ప్రొడక్షన్ పనులు పూర్తయ్యాయి. ఇక సినిమా మీదున్న అంచనాలకు తగ్గట్టుగా ప్రమోషనల్ కార్యక్రమాలను కూడా పెంచేందుకు చిత్రయూనిట్ సిద్దమైంది. విలు విద్యలో ప్రత్యేక శిక్షణ తీసుకున్న నాగ శౌర్య.. ఇది వరకు ఎన్నడూ కనిపించని కొత్త అవతారంలో కనిపించబోతోన్నారు. ఈ సినిమాలో నాగ శౌర్య రెండు విభిన్నమైన గెటప్స్‌లో కనిపిస్తారు. ఈ చిత్రంలో కేతిక శర్మ హీరోయిన్‌గా నటిస్తున్నారు.
సోనాలి నారంగ్ సమర్ఫణలో శ్రీవెంకటేశ్వర సినిమాస్ ఎల్ఎల్‌పి, నార్త్ స్టార్ ఎంటర్టైన్మెంట్ ప్రై. లి. బ్యానర్లపై నారాయణ్ దాస్ కే నారంగ్, పుస్కర్ రామ్ మోహన్ రావు, శరత్ మరార్ సంయుక్తంగా నిర్మిస్తున్నారు. విభిన్న కథా నేపథ్యంతో సంతోష్ జాగర్లపూడి ప్రేక్షకులను అలరించబోతున్నారు. కాళ భైరవ ఈ సినిమాకి సంగీతం అందిస్తున్నారు.

నిజానికి డిసెంబర్ డిసెంబర్ లో చాలా సినిమాలు విడుదలవుతున్నాయి. ముందుగా 'అఖండ'తో మొదలైతే.. ఆ తరువాత కీర్తి సురేష్ 'గుడ్ లక్ సఖీ', అల్లు అర్జున్ 'పుష్ప', నాని 'శ్యామ్ సింగరాయ్' సినిమాలు విడుదల కాబోతున్నాయి. వీటితో పాటు కొన్ని చిన్న సినిమాలు కూడా రిలీజ్ కాబోతున్నాయి. వీటన్నింటి మధ్యలో నాగశౌర్య 'లక్ష్య' కూడా రాబోతుంది.

The Target is Set🎯
Pardhu will meet you in theatres from this December 10th.#Lakshya #LakshyaonDec10th #KetikaSharma @IamJagguBhai @SVCLLP @nseplofficial @Santhosshjagar1 @kaalabhairava7 @AsianSuniel @sharrath_marar @RaamDop @adityamusic pic.twitter.com/L2awtfy0LW
— Naga Shaurya (@IamNagashaurya) November 24, 2021