Kiran Abbavaram: 'బ్రహ్మాస్త్ర'కి పోటీగా యంగ్ హీరో - పెద్ద సాహసమే!

'నేను మీకు బాగా కావాల్సినవాడిని' సినిమాను సెప్టెంబర్ 9న ప్రపంచ వ్యాప్తంగా అత్యంత భారీగా విడుదల చేయనున్నారు.

By: ABP Desam | Updated at : 13 Jul 2022 06:40 PM (IST)

'బ్రహ్మాస్త్ర'కి పోటీగా యంగ్ హీరో - పెద్ద సాహసమే!

యంగ్ హీరో కిరణ్ అబ్బవరం హీరోగా కోడి రామ‌కృష్ణ గారి ప్రథమ కుమార్తె కోడి దివ్య దీప్తి నిర్మాత‌గా త‌న ప్రొడ‌క్ష‌న్ నెం 1 గా కోడి దివ్య ఎంట‌ర్‌టైన్‌మెంట్స్ బ్యాన‌ర్ లో చేస్తున్న సినిమా 'నేను మీకు బాగా కావాల్సినవాడిని'. 'S R కళ్యాణమండపం' లాంటి సూపర్ హిట్ చిత్రం తర్వాత.. అదే కాంబినేషన్లో వస్తున్న ఈ సినిమాపై అంచనాలు భారీగా ఉన్నాయి. 'రాజావారి రాణిగారు', 'ఎస్ఆర్ క‌ళ్యాణ‌మండ‌పం' లాంటి సినిమాలతో తనకంటూ ఓ ప్రత్యేక గుర్తింపు సంపాదించుకున్న కిరణ్ అబ్బ‌వ‌రం.. ఇందులో చాలా కొత్తగా కమర్షియల్ గా కనిపిస్తున్నారు.

ఈ మధ్యే విడుదలైన సినిమా టీజర్ కు అద్భుతమైన రెస్పాన్స్ వస్తుంది. ఇప్పటికే విడుదలైన పాటలకు మంచి రెస్పాన్స్ వచ్చింది. ఈ చిత్రానికి మెలోడీ బ్ర‌హ్మ మ‌ణిశ‌ర్మ అద్బుత‌మైన సంగీతాన్ని అందిస్తున్నారు. ఈ ఆడియోని ల‌హ‌రి ద్వారా మార్కెట్ లోకి తీసుకు వస్తున్నారు. ఎమోషనల్ ఫ్యామిలీ ఎంటర్టైనర్ గా నేను మీకు బాగా కావాల్సినవాడిని సినిమా వస్తోంది. కిర‌ణ్ అబ్బ‌వ‌రం మాస్ లుక్ లో అంద‌ర్ని ఆక‌ట్టుకుంటున్నాడు.

ఈ సినిమాను సెప్టెంబర్ 9న ప్రపంచ వ్యాప్తంగా అత్యంత భారీగా విడుదల చేయనున్నారు. ఈ విషయాన్ని అధికారికంగా ప్రకటించారు. అయితే అదే రోజున బాలీవుడ్ సినిమా 'బ్రహ్మాస్త్ర' విడుదల కానుంది. రణబీర్ నటిస్తోన్న ఈ సినిమాను భారీ బడ్జెట్ తో నిర్మించారు. తెలుగులో 'బ్రహ్మాస్త్ర'ను రాజమౌళి సమర్పిస్తున్నారు. ప్రస్తుతం ఈ సినిమా సైలెంట్ గా ఉన్నా త్వరలోనే ప్రమోషన్స్ మొదలుపెట్టనుంది. అప్పటికి సినిమాపై హైప్ రావడం ఖాయం. ఇలాంటి సినిమాకి పోటీగా కిరణ్ అబ్బవరం తన సినిమాను రిలీజ్ చేయడం సాహసమనే చెప్పాలి. మరేం జరుగుతుందో చూడాలి!

Also Read: నితిన్ పాటకు మహేష్ బాబు స్టెప్పులు - వీడియో వైరల్

Also Read: రామ్ 'ది వారియర్' సినిమా - తమిళ రిలీజ్‌కి చిక్కులు!