అన్వేషించండి

RRR Trailer NTR: ముంబయిలో RRR టీమ్.. ఎయిర్‌పోర్ట్‌లో భీమ్ సందడి

'RRR' ట్రైలర్ లాంచ్ ఈవెంట్ లో భాగంగా మూవీ టీమ్ ముంబైలో సందడి చేసింది. ఈ మేరకు యంగ్ టైగర్ ఎన్టీఆర్ ఎయిర్ పోర్ట్ విజువల్స్ సోషల్ మీడియాలో వైరల్ అవుతున్నాయి...

By : ABP Desam | Edited By: RamaLakshmibai | Updated at : 09 Dec 2021 01:20 PM (IST)

RRR Trailer Launch

సినీ ప్రియులు ఎంతో ఆసక్తిగా ఎదురుచూస్తోన్న ఆర్ ఆర్ ఆర్ ట్రైలర్ వచ్చేసింది. దర్శకధీరుడు రాజమౌళి ప్రతిష్టాత్మకంగా తెరకెక్కిస్తున్న బిగ్గెస్ట్ యాక్షన్ డ్రామా ''ఆర్.ఆర్.ఆర్'' (రౌద్రం రుధిరం రణం)లో యంగ్ టైగర్ ఎన్టీఆర్ - మెగా పవర్ స్టార్ రామ్ చరణ్ నటించారు. ఈ భారీ మల్టీస్టారర్ పై అంచనాలు ఏ రేంజ్ లో ఉన్నయో చెప్పుకోవాల్సిన అవసరం లేదు. ఆ అంచనాలు ఏమాత్రం తగ్గకుండా ఉంది ట్రైలర్. 'బాహుబలి' తో తెలుగు సినిమా ఖ్యాతిని ప్రపంచ వ్యాప్తంగా చాటిచెప్పిన జక్కన్న మరో విజువల్ వండర్ ని తెరపై ఆవిష్కరించాడని 'RRR' ట్రైలర్ చూస్తే అర్థం అవుతోంది. అల్లూరి సీతారామరాజు - కొమురం భీమ్ నిజ జీవిత పాత్రల ఆధారంగా అద్భుతమైన ఫిక్షనల్ పీరియాడికల్ డ్రామాగా ఈ సినిమా రూపొందింది. రామరాజుగా రామ్ చరణ్.. భీమ్ గా తారక్ నటన గురించి మాటల్లేవ్. ట్రైలర్ లో ఎన్టీఆర్, రామ్ చరణ్ స్నేహం, ఇంట్రడక్షన్ సీన్, బ్యాక్ గ్రౌండ్ మ్యూజిక్ అంచనాలకు మించి ఉన్నాయంటున్నారంతా. ఈ ట్రైలర్ విడుదలతోనే సరికొత్త రికార్డులు సృష్టిస్తూ ఈ ఏడాది టాలీవుడ్ లోని భారీ సినిమాల్లో లాంగెస్ట్ ట్రైలర్ గా రికార్డు క్రియేట్ చేసింది. అయితే ఈ ట్రైలర్ లాంచ్ కోసం RRR టీమ్ మొత్తం ముంబైకి చేరింది. యంగ్ టైగర్ ఎన్టీఆర్ ఎయిర్ పోర్టులో దిగిన విజువల్స్, ఫొటోస్ సోషల్ మీడియాలో సందడి చేస్తున్నాయి.

Young Tiger #NTR @tarak9999 spotted at Mumbai airport to attend #RRRTrailer launch event.#RRRMovieTrailer #RRRMovie #RRRMovieCelebrations pic.twitter.com/FQzvfGy6s5
— Sai Satish PRO (@TheSaiSatish) December 9, 2021

బాలీవుడ్ స్టార్లు అజయ్ దేవగన్, అలియా భట్, కోలీవుడ్ నటుడు సముద్రఖని, శ్రియ, హాలీవుడ్ నటులు ఒలివియా మోరిస్, రే స్టీవెన్సన్, అలిసన్ డూడీ కీలక పాత్రలు పోషిస్తున్నారు. “ఆర్ఆర్ఆర్”ను డివివి దానయ్య నిర్మిస్తున్నారు. ఈ చిత్రాన్ని జనవరి 7న ప్రపంచ వ్యాప్తంగా గ్రాండ్‌గా విడుదల చేసేందుకు సన్నాహాలు చేస్తున్నారు.