అన్వేషించండి

GodFather: చిరంజీవి సినిమాలో నయనతార... హీరోయిన్‌గా కాదు కానీ!

చిరంజీవి సినిమాలో మరోసారి నయనతార నటిస్తున్నారు. అయితే... ఈసారి హీరోయిన్‌గా కాదు. కానీ, కీలక పాత్ర చేస్తున్నారు. నయనతార పుట్టినరోజు సందర్భంగా ఈ రోజు అధికారికంగా ఆ విషయాన్ని ప్రకటించారు.

By : ABP Desam | Updated at : 18 Nov 2021 06:24 PM (IST)

నయనతార

మెగాస్టార్ చిరంజీవి, సౌతిండియన్ స్టార్ హీరోయిన్ నయనతార 'సైరా నరసింహా రెడ్డి' సినిమాలో నటించారు. వాళ్లిద్దరూ జంటగా నటించిన తొలి సినిమా అది. ఇప్పుడు మరోసారి వీరిద్దరూ కలిసి నటించనున్నారు. అయితే... ఈసారి చిరంజీవి సరసన కథానాయికగా నయనతార నటించడం లేదు. సినిమాలోని కీలక పాత్రలో నటించనున్నారు.
మెగాస్టార్ చిరంజీవి కథానాయకుడిగా మోహన్ రాజా దర్శకత్వంలో కొణిదెల ప్రొడక్షన్స్, సూపర్ గుడ్ ఫిల్మ్స్ సంయుక్తంగా 'గాడ్ ఫాదర్' సినిమా నిర్మిస్తున్న సంగతి తెలిసిందే. మలయాళంలో మోహన్ లాల్ హీరోగా నటించిన హిట్ సినిమా 'లూసిఫర్'కు రీమేక్ ఇది. అయితే... తెలుగు నేటివిటీకి తగ్గట్టు కొన్ని మార్పులు చేశారు. హై ఇంటెన్స్ పొలిటికల్ యాక్షన్ డ్రామాగా తెరకెక్కుతోన్న ఈ సినిమాలో చిరంజీవి రాజకీయ నాయకుడిగా కనిపించనున్నారు. ఆయనకు సోదరిగా నయన్ నటించనున్నారని సమాచారం. నయన్ పుట్టినరోజు సందర్భంగా ఈ విషయాన్ని అధికారికంగా ప్రకటించారు. ఆమెకు పుట్టినరోజు శుభాకాంక్షలు తెలిపారు.

Team #Godfather wishes Nayanthara a Very Happy Birthday!!

MegaStar @Kchirutweets @jayam_mohanraja @alwaysramcharan #RBChoudary @ProducerNVP @KonidelaPRO @SuperGoodFilms_@MusicThaman @sureshsrajan pic.twitter.com/vM0NluAuNw
— Konidela Pro Company (@KonidelaPro) November 18, 2021