Guppedantha Manasu ఫిబ్రవరి 14 ఎపిసోడ్: వసుధార నాకు చాలా ప్రత్యేకం-మరి నేను తనకో, బయటపడిన రిషి ప్రేమ, గుప్పెడంతమనసు సోమవారం ఎపిసోడ్

గుప్పెడంత మనసు సీరియల్ ఇంట్రెస్టింగ్ గా సాగుతోంది. లైబ్రరీలో రిషి-వసుధార ఉండిపోవడం చూసి..ఇలాంటి అవకాశం నాకు రాలేదే అని బాధపడతాడు గౌతమ్. ఫిబ్రవరి 14 సోమవారం ఎపిసోడ్ లో ఏం జరిగిందంటే..

Guppedantha Manasu February 14th Episode 373 (Image Credit: Star Maa/Hot Star)

గుప్పెడంత మనసు (Guppedantha Manasu ) ఫిబ్రవరి 14 సోమవారం ఎపిసోడ్

లైబ్రరీ డోర్స్ లాక్ తీసిన గౌతమ్..లోపలున్న వసుని చూసి షాక్ అవుతాడు. నువ్వేంటి ఇక్కడ అనేలోగా లోపల నుంచి రిషి బయటకు వస్తాడు. చూసుకోవాలి కదా ఇంకెవరైనా ఉండిపోయి ఉంటే పెద్ద హడావుడి జరిగేది..లాక్స్ వేసేటప్పుడు ఓసారి చూసుకోండి అంటాడు. నన్ను-వసుని లోపలుంచి తాళాలు వేసి ఉండాల్సింది అనుకుంటాడు గౌతమ్. భయపడ్డావా వసుధార అంటే.. సార్ ఉండగా నాకేంటి అంటుంది. ఆ మాటలు విన్న రిషి.. తను అప్పుడే భయపడినట్టు ఉంటుంది, అప్పుడే ధైర్యంగా ఉంటుంది..నాపై తనకు ఎంత నమ్మకమో... తను నాకు ప్రత్యేకం.. మరి నేనో అని ఆలోచిస్తాడు. ఇంతసేపు లోపలున్నారంటే ఏం మాట్లాడుకుని ఉంటారు అని గౌతమ్ ఆలోచిస్తాడు. నువ్వు నాకెందుకు కాల్ చేయలేదని రిషిని గౌతమ్ అడగ్గా..చెబితే రచ్చ చేస్తావని చెప్పలేదని క్లారిటీ ఇస్తాడు. నువ్వు MD ( మిత్రద్రోహి) అని మనసులో అనుకుంటాడు గౌతమ్. 

వసుధారని అద్దంలోంచి చూస్తూ కార్ డ్రైవ్ చేస్తుంటాడు రిషి. వీడికి లక్ బావుంది, ఇంత మంచి గోల్డెన్ ఛాన్స్ నాకు రాలేదేంటి, అసలు లోపల ఏం జరిగి ఉంటుందని ఆలోచిస్తాడు గౌతమ్. అదృష్టం, దురదృష్టం అని రెండుంటాయి..కొందరికి అదృష్టం చూయింగ్ గమ్ లా అంటుకుంటుంది ఏం చేస్తాం అంటాడు. సడెన్ గా ఈ అదృష్టం, దురదృష్టం గురించి మాట్లాడుతున్నావేంటి అన్న రిషితో...ఏమోలో అని నిట్టూరుస్తాడు. వసుధారతో లైబ్రరీ ఇష్యూ గురించి మాట్లాడాలనుకున్న గౌతమ్ కి తొడపాసం పెడతాడు రిషి. అంత గట్టిగా అరిచారేంటి అన్న వసు ప్రశ్నకి ... అప్పుడప్పుడు నేను గట్టిగా అరుస్తుంటా అని సమాధానం చెబుతాడు. ఇంతకుముందు ఇలా అరిచే అలవాటు లేదుకదా ఎప్పటినుంచి స్టార్ట్ అయిందని రిషి కౌంటర్ వేయడంతో, ఇప్పుడే మొదలైందంటాడు గౌతమ్. తొడపాసం పెట్టిన బాధకన్నా వీళ్లిద్దరూ లైబ్రరీలో ఉండిపోయిన బాధే ఎక్కువ ఉందనుకుంటాడు. నాక్కూడా ఎప్పుడో అప్పుడు ఇలాంటి ఛాన్స్ ఇవ్వు దేవుడా అని నమస్కారం పెట్టుకుంటాడు. 

జగతికి కాల్ చేసిన మహేంద్ర.. ఇక్కడ నాకు వెలితిగా ఉందని బాధపడతాడు. ఇదే ఫీలింగ్ చాలా ఏళ్లుగా నేను అనుభవిస్తున్నానంటుంది జగతి. పండుగ వచ్చింది వెళ్లింది..మళ్లీ వస్తుంది.. నేను వచ్చాను వెళ్లాను..మళ్లీ రాను అని చెబుతుంది జగతి. అక్కడకు వస్తానన్న మాటలకు అడ్డుపడిన జగతి.. వద్దు అటు ఇటు తిరిగి అలసిపోవద్దు, రిషి బాధపడతాడు అని చెప్పి కాల్ కట్ చేస్తుంది. వసుధారని ఇంటిముందు దించేసి వెళ్లిపోతారు రిషి, గౌతమ్. కట్ చేస్తే ఇంట్లో సోఫాలో కూర్చున్న మహేంద్ర, ఫణీంద్రని చూసి ఇద్దరూ బిజీగా ఉన్నారు కానీ రిషి ఇంకా రాలేదని గమనించారా అని అడుగుతుంది దేవయాని. రిషి చిన్నపిల్లాడు కాదు వస్తాడు అని రిప్లై ఇస్తాడు మహేంద్ర. మీరేం మాట్లాడరేంటని ఫణీంద్రను రెట్టిస్తుంది, మహేంద్ర ఎలాగూ రిషిని పట్టించుకోవడం లేదు, మీరు కూడా పట్టించుకోకుంటే ఎలా అంటుంది. దేవయాని అస్తమానం ఏదో టాపిక్ తీసుకొచ్చి నీ ధోరణిలో నువ్వు మాట్లాడుతావ్ అని కోప్పడతాడు ఫణీంద్ర. అక్కడకు వచ్చిన ధరణితో రిషి ఏమైనా కాల్ చేశాడా అంటే లేదు మావయ్యగారు అని రిప్లై ఇస్తుంది. ఇంతలో అక్కడకు వచ్చిన రిషితో..నువ్వు కొంచెం లేటయ్యే సరికి పెద్దమ్మ నాకు క్లాస్ ఇస్తోందంటాడు ఫణీంద్ర. షార్ట్ ఫిలిం గురించి డిస్కస్ చేద్దామా అన్న మహేంద్రతో..ఇప్పుడే వచ్చాడుకదా అప్పుడే పని మొదలెట్టారా , రెస్ట్ ఇవ్వండి అని దేవయాని, బాగా చెప్పారు పెద్దమ్మా అనేసి రిషి వెళ్లిపోతాడు. 

ఈ టైమ్ లో నేను చేయాల్సింది చేసేస్తా అని చెప్పి గౌతమ్ బయటకు వెళతాడు. వసుధార ఆ లైబ్రరీ ఇన్సుడెంట్ అలా జరగాల్సింది కాదు బ్యాడ్ లక్ అని గౌతమ్ మాట్లాడుతుంటాడు. భయపడ్డావా అంటే రిషి సార్ ఉన్నారు కదా అంటుంది ( వాడున్నాడు కాబట్టే నా భయం) అనుకుంటాడు. ఇంతలో అక్కడకు వచ్చిన జగతిని చూసి మేడం మీరెప్పుడు వచ్చారని అడుగుతుంది. ఫోన్లో ఎవరు రిషినా అంటే గౌతమ్ గారు అంటుంది..అటు వైపు గౌతమ్..జగతి మేడంకి ఫోన్ ఇవ్వమంటాడు. వసు, రిషి ఇద్దరూ లైబ్రరీలో ఇరుక్కుపోయిన విషయం మొత్తం చెప్పేస్తాడు. అదెలా అంటే.. వాళ్లిద్దరూ లోపల ఉండగా లైబ్రేరియన్ బయట నుంచి లాక్ చేసుకుని వెళ్లిపోయాడంట..ఆ విషయంలో వసుధార భయపడిందేమో అని ధైర్యం చెప్పేందుకు కాల్ చేశానంటాడు. ఓకే గౌతమ్ అని ఫోన్ వసుధారకి ఇచ్చేస్తుంది జగతి. కాలేజీ లైబ్రరీలో ఏం జరిగిందని జగతి అడుగుతుంది. మొత్తం చెబుతుంది వసుధార. రిషి సార్ ఉంటే నాకు భయమే ఉండదు, ధైర్యంగా ఉంటుందన్న వసుతో ఓసారి రిషికి కాల్ చేయి అంటుంది.  వసుకాల్ చేస్తోందేంటి అనుకుని లిఫ్ట్ చేసిన రిషి..నేను జగతిని మాట్లాడుతున్నా అనే గొంతువిని ఆగిపోతాడు. మీకు థ్యాంక్స్ చెప్పాలని కాల్ చేశాను, థ్యాంక్యూ వెరీమచ్ అంటుంది. ఎందుకు అన్న రిషితో..లైబ్రరీలో జరిగిన సంఘటన గురించి అని క్లారిటీ ఇస్తుంది. వసుధారకి ఏం చెప్పాలో ఏం చెప్పకూడదో తెలియదా అని అనుకుంటాడు రిషి. 

రేపటి ( మంగళవారం) ఎపిసోడ్ లో
లైబ్రరీ మేటర్ ఎందుకు చెప్పావ్, ఏది చెప్పాలో ఏం చెప్పకూడదో తెలియదా అంటే నేను చెప్పలేరు సార్ అంటుంది వసుధార. ఇందుకే కదా నిన్ను హాస్టల్ కి ( గతంలో వసుని హాస్టల్ కి పంపించమని జగతికి చెప్పిన సీన్ ప్లే అవుతుంది) అనేసి తడబడతాడు. ఆ తర్వాత కాలేజీలో షార్ట్ ఫిలిం వర్క్ అయిపోయినట్టేనా, మిగిలిన వర్క్ ఉంటే వసు నువ్వు చూసుకో అని చెబుతాడు. అంతా వెళ్లండి అంటూనే మేడం మీతో మాట్లాడాలి అని ఉండమంటాడు.