Gruhalakshmi January 23rd: తులసి అవతారమెట్టిన లాస్య, వాట్ ఏ కామెడీ- జరిగింది తలుచుకుని వణికిపోతున్న దివ్య

లాస్య నిజస్వరూపం బయటపడటంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

తనని వదిలేయమని దివ్య తన ఫ్రెండ్ కార్తీక్ ని బతిమలాడుతుంది. అటు నందు తన పోలీస్ ఫ్రెండ్ రామారావుని కలిసి విషయం చెప్తాడు. దివ్య ఫోన్ నెంబర్ ద్వారా తన లొకేషన్ ఎక్కడో ట్రేస్ చేస్తాను ఫాలో అవు అని పోలీస్ చెప్తాడు. తులసి, ప్రేమ్ దివ్య ఉన్న ఇంటికి వస్తారు. వాళ్ళని చూసి చేతన్ అక్కడి నుంచి పారిపోబోతుంటే ప్రేమ్ వాడిని పట్టుకుని కొడతాడు. తులసి లోపలికి వెళ్ళి కార్తీక్ ని కొట్టి దివ్యని కాపాడుకుంటుంది. అబద్ధం చెప్పి పార్టీకి వచ్చాను తప్ప ఏ తప్పు చేయలేదని దివ్య ఏడుస్తూ చెప్తుంది. నా కూతురి మీద నమ్మకం ఉంది నువ్వు ఏ తప్పు చేయలేదని తులసి తనకి ధైర్యం చెప్తుంది. ప్రేమ్ వచ్చి వాళ్ళని కొడతాడు. మత్తు మంది ఇచ్చి ఇక్కడికి తీసుకొచ్చారని ఎంత బతిమలాడిన పంపించలేదని దివ్య ఏడుస్తూ చెప్తుంది.

నందు పోలీసాఫీసర్ తో కలిసి అక్కడికి వచ్చి వాళ్ళని కొడతాడు. కేసు పెడితే తమ భవిష్యత్ నాశనం అవుతుందని కార్తీక్ అడుగుతాడు కానీ తులసి మాత్రం అందుకు ఒప్పుకోదు. ఆడపిల్లల గురించి కాసేపు క్లాస్ తీసుకుంటుంది. బాయ్స్ ఎంత అడిగినా కూడా తులసి వాళ్ళని అరెస్ట్ చేయిస్తుంది. దివ్య పేరు మాత్రం బయటకి రాకూడదని పోలీస్ ని అడుగుతుంది. ఇంట్లో అందరూ దివ్య కోసం కంగారుగా ఎదురు చూస్తూ ఉండగా తులసి వాళ్ళు వస్తారు. దివ్యని చూసి అందరూ ఊపిరి పీల్చుకుంటారు. అనసూయ దివ్య అని పిలిచి వెళ్లబోతుండగా భయపడి వణికిపోతుంది. తులసిని పట్టుకుని ఎవరి దగ్గరకి వెళ్ళకుండా గదిలోకి వెళ్ళిపోతుంది.

దివ్య ఏడుస్తూ ఉంటే తులసి ధైర్యం చెప్తుంది. తప్పు చేశాను అబద్ధం చెప్పి అందరినీ బాధపెట్టాను నన్ను చంపేయ్ అని దివ్య ఏడుస్తుంది. జరిగింది అంతా ఒక పీడకల అని మర్చిపో, మేము ఏం అడగం, నువ్వు ఏం చెప్పొద్దు అని అంటుంది. సమయానికి నువ్వు రాకపోయి ఉంటే ఏమై పోయి ఉండేదని దివ్య ఏడుస్తుంది. జరిగిన విషయం గురించి ఎవరూ దివ్యతో డిస్కస్ చేయవద్దని తులసి ఇంట్లో అందరికి చెప్తుంది. తర్వాత తులసి లాస్యకి వార్నింగ్ ఇస్తుంది. నా పిల్లల జోలికి వస్తే వదిలిపెట్టను తాచుపాములా పడగవిప్పుతా, ప్రమాదం నుంచి దివ్య బయటపడింది కాబట్టి నువ్వు బతికిపోయావ్, తనకి ఏదైనా అయితే ఇంకొక తులసిని చూసేదానివి అని వార్నింగ్ ఇస్తుంది.

తులసి దివ్యకి భోజనం తీసుకొచ్చి తినిపిస్తుంది. దివ్య తన గురించి ఏమనుకుంటుందో అడుగుతుంది. బయటకి వెళ్ళినప్పుడు ప్రతిక్షణం ఫోన్ చేసి ఎక్కడ ఉన్నావ్ అని అడగటానికి కారణం ఏంటో ఈరోజైన అర్థం అయ్యిందా. అది తల్లిగా తన జాగ్రత్త అని తులసి అంటుంది. కాసేపు దివ్యకి క్లాస్ పీకుటుంది.

తరువాయి భాగంలో..

రాములమ్మ దివ్య మొహాన నీళ్ళు కొట్టి మరీ నిద్ర లేపుతుంది. తర్వాత లాస్య తులసిలా మారి ఇల్లు తుడుస్తూ ఉంటుంది. తనని వెనుక నుంచి చూసి పనిమనిషి రాములమ్మ అనుకుని కాఫీ తీసుకురమ్మని నందు అడిగేసరికి లాస్య బిత్తరపోతుంది.