Vishnu Vinyasam Box Office Collection : విష్ణు విన్యాసం ఫస్ట్ డే కలెక్షన్స్ - శ్రీవిష్ణు కామెడీ ఎంటర్టైనర్ ఎంత కలెక్ట్ చేసిందంటే?

Vishnu Vinyasam Day 1 Collections : యంగ్ హీరో శ్రీవిష్ణు లేటెస్ట్ కామెడీ ఎంటర్టైనర్ 'విష్ణు విన్యాసం' ఫస్ట్ డే డీసెంట్ కలెక్షన్స్ సాధించింది. వీకెండ్ కావడంతో మరింత పెరగొచ్చని అంచనా వేస్తున్నారు.

విష్ణు విన్యాసం ఫస్ట్ డే కలెక్షన్స్

Source : https://www.instagram.com/p/DVQkp4yD8Ep/?hl=en

Sree Vishnu's Vishnu Vinyasam First Day Box Office Collections : టాలీవుడ్ కింగ్ ఆఫ్ ఎంటర్టైన్మెంట్ శ్రీవిష్ణు లేటెస్ట్ కామెడీ ఎంటర్టైనర్ 'విష్ణు విన్యాసం' శుక్రవారం ప్రేక్షకుల ముందుకు వచ్చింది. కామెడీకి మంచి మార్కులే పడినా బాక్సాఫీస్ వద్ద మిక్స్‌డ్ టాక్ సొంతం చేసుకుంది. ఫస్డ్ డే కలెక్షన్స్ డీసెంట్ కలెక్షన్స్ సొంతం చేసుకుంది.

ఫస్ట్ డే కలెక్షన్స్ ఎంతంటే?

'విష్ణు విన్యాసం' ఇండియావ్యాప్తంగా ఫస్ట్ డే రూ.2 కోట్ల నెట్ కలెక్ట్ చేసినట్లు ప్రముఖ ట్రేడ్ ఎనలిస్ట్ వెబ్ సైట్ 'సాక్నిల్క్' (Sacnilk) వెల్లడించింది. వరల్డ్ వైడ్‌గా రూ.2.35 కోట్ల గ్రాస్ వసూలు చేసినట్లు టాక్ వినిపిస్తోంది. కలెక్షన్స్‌పై మూవీ టీం అఫీషియల్‌గా రియాక్ట్ కావాల్సి ఉంది. తొలి రోజు మొత్తం థియేటర్స్ ఆక్యుపెన్సీ 25.65 శాతం ఉన్నట్లు సమాచారం. వీకెండ్ కావడంతో కలెక్షన్స్ మరింత పెరగొచ్చని సినీ విశ్లేషకులు భావిస్తున్నారు.

మూవీలో శ్రీవిష్ణు సరసన నయన్ సారికలతో పాటు సత్య, మురళీ శర్మ, బ్రహ్మాజీ, ప్రవీణ్, సత్యం రాజేశ్, శ్రీకాంత్ అయ్యంగార్, గోపరాజు రమణ. శ్రీనివాస్ వడ్లమాని తదితరులు కీలకపాత్రలు పోషించారు. రాధన్ మ్యూజిక్ అందించగా... హేమ, షాలిని సమర్పణలో శ్రీ సుబ్రహ్మణ్యేశ్వర సినిమాస్ బ్యానర్‌పై సుమంత్ నాయుడు జి ప్రొడ్యూస్ చేస్తున్నారు.

స్టోరీ ఏంటంటే?

కాలేజీలో జూనియర్ లెక్చరర్‌గా వర్క్ చేస్తున్న విష్ణు (శ్రీవిష్ణు)కు జాతకాల పిచ్చి. ఏ పని చేసినా వాస్తు, న్యూమరాలజీ ఫాలో అవుతూ ఉంటాడు. ఈ క్రమంలో 30 ఏళ్లు వచ్చినా పెళ్లి కాకుండానే ఒంటరిగా మిగిలిపోతాడు. తన కాలేేజీలో మనీషా (నయన్ సారిక) అనే లెక్చరర్ కింద ఏడాది పాటు వర్క్ చేయాల్సి వస్తుంది. తొలి చూపులోనే విష్ణును చూసి ఇష్టపడుతుంది మనీషా. ఆమెది కూడా విష్ణు లాగా ఓ చిత్రమైన సమస్య. దీంతో పదేళ్లుగా ఏ సంబంధం చూసినా పెళ్లి కాదు.

తొలుత మనీషా పద్ధతి చూసి ఓకే చెప్పేందుకు సందేహించిన విష్ణు ఆ తర్వాత జాతకాలు కలవడంతో ఆమె లవ్‌కు గ్రీన్ సిగ్నల్ ఇస్తాడు. ఇద్దరూ పెళ్లి చేసుకుందామనుకునే టైంలో సరిగ్గా మనీషాకు ఉన్న సమస్య బయటపడుతుంది. దీంతో విష్ణు ఒక్కసారిగా షాక్ అవుతాడు. అసలు మనీషాకు ఉన్న సమస్య ఏంటి? విష్ణు ఆ సమస్యను ఎలా అర్థం చేసుకున్నాడు? ఫైనల్‌గా వీరి ప్రేమ పెళ్లి వరకూ వెళ్లిందా? అనేది తెలియాలంటే మూవీ చూడాల్సిందే.

మరిన్ని చదవండి

ఓటీటీలోకి మూకీ మూవీ 'గాంధీ టాక్స్' - ఆ ప్లాట్ ఫామ్‌లో స్ట్రీమింగ్... స్మాల్ ట్విస్ట్ ఏంటంటే?