Pushpa 2 Item Song: శ్రద్ధా కపూర్, సమంత కాదు... అల్లు అర్జున్ 'పుష్ప 2' ఐటమ్ సాంగ్ చేసేది ఈ అమ్మాయే!

Allu Arjun's Pushpa 2 Update: 'పుష్ప' సినిమాలో 'ఊ అంటావా మావ ఊఊ అంటావా మావ' దేశాన్ని ఊపేసింది. ఇప్పుడు 'పుష్ప 2'లో సాంగ్ ఎలా ఉంటుంది? ఎవరు చేస్తారు? అని ఆడియన్స్ వెయిట్ చేస్తున్నారు.

ఐకాన్ స్టార్ అల్లు అర్జున్

Source : https://x.com/alluarjun

'పుష్ప' సినిమా పాన్ ఇండియా సక్సెస్ సాధించింది. అందులో ఐకాన్ స్టార్ అల్లు అర్జున్ క్యారెక్టర్, ఆ పాత్రలో ఆయన నటనకు ఎంతో మంది ప్రేక్షకులు ఫిదా అయ్యారు. ఆయనకు నేషనల్ అవార్డు వచ్చింది. 'తగ్గేదే లే' మేనరిజం వరల్డ్ వైడ్ పాపులర్ అయింది. అలాగే, అందులో ఐటమ్ సాంగ్ కూడా! అందుకే 'పుష్ప 2' ఐటమ్ సాంగ్ గురించి ఎక్కువ చర్చ జరుగుతోంది. మరి ఆ సాంగ్ ఎవరు చేస్తున్నారో తెలుసా?

శ్రద్ధా కపూర్ కాదు... సమంత లేదు!
'ఊ అంటావా మావ ఉ ఊ అంటావా మావ' పాటలో అల్లు అర్జున్, సమంత స్టెప్పులు వేశారు. ఆ పాట యావత్ దేశాన్ని ఒక ఊపు ఊపింది.‌ 'పుష్ప 2' సినిమాలో కూడా ఐటమ్ సాంగ్ సమంత చేస్తారని ఒక దశలో ప్రచారం జరిగింది. అయితే ఆవిడ చేయడం లేదని ఆ మధ్య క్లారిటీ వచ్చింది. ఆ తర్వాత బాలీవుడ్ హీరోయిన్ల పేర్లు వినిపించాయి. 

'పుష్ప 2' ఐటమ్ సాంగ్ విషయంలో ఎక్కువగా వినపడిన పేరు శ్రద్ధా కపూర్.‌ హారర్ కామెడీ సినిమా 'స్త్రీ 2'తో శ్రద్ధా కపూర్ భారీ హిట్ తన ఖాతాలో వేసుకున్నారు. బాక్స్ ఆఫీస్ దగ్గర ఆల్మోస్ట్ 800 కోట్లు ఆ సినిమా కలెక్ట్ చేసింది. దేశవ్యాప్తంగా ఆమెకు మంచి క్రేజ్ ఉంది. పైగా, శ్రద్ధా కపూర్ మంచి డాన్సర్ కూడా. అందుకని 'పుష్ప 2' దర్శక నిర్మాతలు ఐటమ్ సాంగ్ చేసేందుకు ఆవిడను సంప్రదించారట. 

ప్రస్తుతం శ్రద్ధా కపూర్ షెడ్యూల్ చాలా బిజీ. దానికి తోడు ఆవిడ భారీ అమౌంట్ డిమాండ్ చేయడంతో ఒక్క సాంగ్ కోసం అంత రెమ్యూనరేషన్ ఇవ్వడం అవసరమని 'పుష్ప 2' దర్శక నిర్మాతలు వెనక్కి తగ్గినట్లు టాలీవుడ్ ఫిలింనగర్ సమాచారం.‌ శ్రద్ధా కపూర్ చేయడం లేదు, సమంత లిస్టులో లేదు.. మరి సినిమా సాంగ్ ఎవరు చేస్తున్నారు? 

బన్నీతో స్టెప్పులేసే ఛాన్స్ కొట్టేసిన శ్రీ లీల
'పుష్ప 2' సినిమాలో ఐటెం సాంగ్ చేసే ఛాన్స్ శ్రీ లీలకు దక్కిందని ఫిలింనగర్ విశ్వసనీయ వర్గాల ద్వారా సమాచారం అందింది.‌ బన్నీతో ఇంతకు ముందు ఒక యాడ్ చేసిన అనుభవం శ్రీ లీలకు ఉంది. ఇప్పుడు ఆవిడ 'పుష్ప 2' స్పెషల్ సాంగ్ చేయనున్నారని సమాచారం.

 

 

 

 

 

View this post on Instagram

 

 

 

 

 

 

 

 

 

 

 

A post shared by Sreeleela (@sreeleela14)

శ్రీ లీల డాన్సింగ్ స్కిల్స్ గురించి ప్రత్యేకంగా చెప్పాల్సిన అవసరం లేదు. సూపర్ స్టార్ మహేష్ బాబు సరసన ఆవిడ 'గుంటూరు కారం' సినిమాలో 'కుర్చీ మడత పెట్టి' పాటలో ఆవిడ చేసిన డాన్స్ గురించి ఎంత చెప్పినా తక్కువే. అల్లు అర్జున్ అంటే డాన్స్ ముందు గుర్తొస్తుంది. ఇప్పుడు వాళ్ళిద్దరి కలయికలో ఐటమ్ సాంగ్ అంటే డాన్స్ ఏ రేంజ్ లో ఉంటుందో ఊహించుకోవచ్చు. 

అల్లు అర్జున్ సరసన రష్మిక మందన్న కథానాయిక నటించిన 'పుష్ప 2' సినిమాకు సుకుమార్ దర్శకత్వం వహిస్తున్నారు. మైత్రి మూవీ మేకర్స్ పతాకం మీద నవీన్ ఎర్నేని, రవిశంకర్ ఎలమంచిలి ప్రొడ్యూస్ చేస్తున్న ఈ సినిమా డిసెంబర్ 5వ తేదీన థియేటర్లలోకి రానుంది. ఈ చిత్రానికి దేవి శ్రీ ప్రసాద్ సంగీత దర్శకుడు.