![ABP Premium](https://cdn.abplive.com/imagebank/Premium-ad-Icon.png)
Prabhas: హను రాఘవపూడి సినిమాలో ప్రభాస్ రోల్ అదేనా - ఎన్టీఆర్, బన్నీ తర్వాత ఆ లిస్టులోకి రెబల్ స్టార్!?
Prabhas Fauji Update: ప్రభాస్ హీరోగా హను రాఘవపూడి దర్శకత్వంలో ఓ పాన్ ఇండియా లవ్ స్టోరీ తెరకెక్కనున్న సంగతి తెలిసిందే. అందులో ఆయన క్యారెక్టర్ గురించి ఇంట్రెస్టింగ్ న్యూస్ వినబడుతోంది.
![Prabhas: హను రాఘవపూడి సినిమాలో ప్రభాస్ రోల్ అదేనా - ఎన్టీఆర్, బన్నీ తర్వాత ఆ లిస్టులోకి రెబల్ స్టార్!? Interesting Buzz On Prabhas Role In Hanu Raghavapudi Fauji movie Prabhas: హను రాఘవపూడి సినిమాలో ప్రభాస్ రోల్ అదేనా - ఎన్టీఆర్, బన్నీ తర్వాత ఆ లిస్టులోకి రెబల్ స్టార్!?](https://feeds.abplive.com/onecms/images/uploaded-images/2024/07/23/a74c4ddeb316838e360adbcd3d4fe9f61721730115380313_original.jpg?impolicy=abp_cdn&imwidth=1200&height=675)
తెలుగు చిత్ర పరిశ్రమలోని దర్శకులలో ప్రేమ కథలు తెరకెక్కించడంలో యువ దర్శకుడు హను రాఘవపూడి (Hanu Raghavapudi)ది ప్రత్యేక శైలి. తొలి సినిమా 'అందాల రాక్షసి' నుంచి పాన్ ఇండియా హిట్ 'సీతా రామం' వరకు ఆయన తీసిన ప్రతి ప్రేమ కథా చిత్రం, అందులో హీరో హీరోయిన్ల మధ్య సన్నివేశాలు ప్రేక్షకులు అందరినీ ఆకట్టుకున్నాయి. ఇప్పుడు రెబల్ స్టార్ ప్రభాస్ (Prabhas) హీరోగా ఓ పాన్ ఇండియా లవ్ స్టోరీని ఆయన తెరకెక్కించనున్న సంగతి తెలిసిందే. ఆ సినిమాలో హీరో క్యారెక్టర్ గురించి ఓ ఇంట్రెస్టింగ్ న్యూస్ చక్కర్లు కొడుతోంది.
బ్రాహ్మణ యువకుడిగా కనిపించనున్న ప్రభాస్!
Prabhas Role In Fauji Movie: ప్రభాస్, హను రాఘవపూడి సినిమాకు 'ఫౌజి' టైటిల్ ఖరారు చేసినట్లు సమాచారం. అయితే... ఇంకా ఆ టైటిల్ అధికారికంగా అనౌన్స్ చేయలేదు అనుకోండి. లేటెస్ట్ ఇంట్రెస్టింగ్ అప్డేట్ ఏమిటంటే... ఈ సినిమాలో ప్రభాస్ బ్రాహ్మణ యువకుడి పాత్రలో కనిపించనున్నారట. ఓ పూజారి తనయుడిగా ఆయన పాత్ర ఉంటుందని యూనిట్ సన్నిహిత వర్గాల సమాచారం.
జూనియర్ ఎన్టీఆర్, అల్లు అర్జున్ తర్వాత ఆ రోల్!
యువ కథానాయకులలో బాహ్మణ యువకుడి క్యారెక్టర్లు అంటే ప్రేక్షకులు అందరికీ ముందుగా గుర్తుకు వచ్చే పేరు మ్యాన్ ఆఫ్ మాసెస్, యంగ్ టైగర్ ఎన్టీఆర్ (Jr NTR). 'అదుర్స్' సినిమాతో బ్రాహ్మణ యువకుడి క్యారెక్టర్లకు ఆయన ఒక బెంచ్ మార్క్ సెట్ చేశారు. ఆ తర్వాత 'డీజే దువ్వాడ జగన్నాథం' సినిమాలో ఐకాన్ స్టార్ అల్లు అర్జున్ సైతం బ్రాహ్మణ యువకుడి పాత్ర చేశారు. వాళ్లిద్దరి తర్వాత ఆ లిస్టులో చేరుతున్న హీరో ప్రభాస్.
హను రాఘవపూడి సినిమా అంటే సెటిల్డ్ హ్యూమర్ ఉంటుంది. సో... 'అదుర్స్', 'డీజే' టైపులో హీరో నుంచి కామెడీ ఆశించలేం. పైగా, కథా నేపథ్యం మన దేశానికి స్వాతంత్య్రం రాకముందు కాలంలో ఉంటుందట. అందువల్ల, ఇటీవల తెరపై చూసిన పాత్రలకు ప్రభాస్ పాత్ర పూర్తి భిన్నంగా ఉంటుందని చెప్పవచ్చు.
ప్రభాస్ సరసన పాకిస్తాన్ హీరోయిన్ నటిస్తుందా?
ప్రభాస్, హను రాఘవపూడి సినిమా హీరోయిన్ గురించి రెండు మూడు రోజులుగా ఓ వార్త చక్కర్లు కొడుతోంది. ఇందులో కథానాయికగా పాకిస్తాన్ నటి సజల్ అలీని ఎంపిక చేశారని! అతిలోక సుందరి శ్రీదేవి ప్రధాన పాత్రలో తెరకెక్కిన 'మామ్' సినిమాలో ఆవిడ నటించింది. ఇప్పుడు ప్రభాస్ జోడీగా హను రాఘవపూడి ఆమెను ఎంపిక చేశారని టాక్. అయితే... 'సీతా రామం'తో తెలుగు తెరకు పరిచయమై, అతి తక్కువ కాలంలో ఎక్కువ క్రేజ్ తెచ్చుకున్న మృణాల్ ఠాకూర్ పేరు కూడా బలంగా వినబడుతోంది. మరి, ఆ ఇద్దరిలో ఎవరిని ఎంపిక చేస్తారో?
Also Read: మెగా ఫ్యామిలీ అంతా ఒక్కటే, అల్లు అర్జున్ మీద ట్రోల్స్ ఆపేయాలి - హైపర్ ఆది సెన్సేషనల్ కామెంట్స్
ఆగస్టు నెలాఖరు నుంచి లేదా అక్టోబర్ నుంచి హను రాఘవపూడి సినిమాను సెట్స్ మీదకు తీసుకు వెళ్లాలని ప్రభాస్ భావిస్తున్నారట. ఇది కాకుండా ఆయన చేతిలో 'సలార్ 2', మారుతి దర్శకత్వంలో 'రాజా సాబ్', సందీప్ రెడ్డి వంగా దర్శకత్వంలో 'స్పిరిట్', ఇంకా 'కల్కి 2' ఉన్నాయి.
Also Read: కంగువ ఫస్ట్ సాంగ్... ఎక్స్ప్రెషన్స్తో సూర్య, మ్యూజిక్తో డీఎస్పీ కుమ్మేశారంతే!
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)