Ennenno Janmalabandham: ‘ఎన్నెన్నో జన్మల బంధం’ సీరియల్: యష్, వేద, మధ్యలో ఓ దొంగోడు - దొంగతో కామెడీ చేసిన యష్

యష్, వేదాలు కలిసిపోవాలని వాళ్ళకి ప్రైవసీ ఇవ్వాలని ఖుషి వసంత్ తో కలిసి ప్లాన్ చేసి వాళ్ళిద్దరూ ఇంట్లో ఉండేలాగా చేస్తుంది. ఈరోజు ఎపిసోడ్ లో ఏం జరిగిందంటే..

image credit: Disney Plus Hotstar/ Star Maa

యష్ ఆకలేస్తుంది అనేసరికి వేద వంట చేసేందుకు కూరగాయలు కట్ చేస్తుంటే తన వేలు తెగుతుంది. అది చూసి యష్ అల్లాడిపోతాడు. వేలుకి దెబ్బ తగలడంతో వేద వంట చెయ్యడానికి ఇబ్బంది పడటంతో యష్ సాయం చేస్తాడు. కరెంట్ పోవడంతో యష్, వేద కలిసి క్యాండిల్ లైట్ డిన్నర్ చేస్తారు. ఎందుకో ఈ మధ్య ఈయనతో ఉంటే నాకు చాలా ఫ్రీ గా అనిపిస్తుంది. టైమే తెలియడం లేదు అని వేద మనసులో అనుకుంటుంటే యష్ కూడా ఎందుకో ఈ మధ్య వేదతో ఉంటే తెలియకుండానే హ్యాపీనెస్ గా అనిపిస్తుంది. మనసుకు హాయిగా అనిపిస్తుంది ఇంతక ముందు ఎప్పుడు ఇలా లేదే అని యష్ మనసులో అనుకుంటాడు. ఇద్దరి మధ్య ‘చల్లగాలి తాకుతున్న మేఘమైనది మనసిలా’.. అనే పాట వేసి మంచి రొమాంటిక్ మూడ్ క్రియేట్ చేశారు.

ఏమైనా చెప్పాలా అని యష్ వేదని అడుగుతాడు. మీరు నాతో ఏమైనా చెప్పాలని అనుకుంటున్నారా అని వేద తిరిగి అడుగుతుంది. యష్ నిద్ర వస్తుందని చెప్పి పడుకుంటే చెమట పట్టి ఇబ్బంది పడుతూ ఉంటాడు. అది చూసి వేద తన చీర కొంగుతో విసురుతూ హ్యాపీగా ఫీల్ అవుతుంది. యష్ లేచి ఏంటి ఇది వద్దులే అంటాడు కానీ వేద మాత్రం పర్లేదు గాలి రావడం లేదు కదా అందుకే ఇలా ఏం కాదు పడుకోమని చెప్తుంది. యష్ కి ఇసురుతూనే వేద కూడా సోఫా మీద తల పెట్టి నిద్రపోతుంది. అప్పుడే యష్ కి మెలుకువ వచ్చి తనని చూసుకుని మురిసిపోతాడు. తన చీర కొంగుతో యష్ వేదకి ఇసురుతాడు. అలా విసురుతూ తెలియకుండానే నిద్రపోతాడు. ఇక నిద్రలో వేద యష్ భుజం మీద తల పెట్టి నిద్రపోతూ ఉంటుంది.

అప్పుడే ఇంట్లోకి ఒక దొంగ వచ్చి యష్ పక్కన కూర్చుంటాడు. యష్ కి మెలుకువ వచ్చి వాడిని చూస్తూ ఉంటాడు. వాడు యష్ ని చూసి ఆ.. అని గట్టిగా అరుస్తాడు. ఆ అరుపుకి వేద నిద్ర లేచి తను కూడా ఆ.. అని అరుస్తుంటే దొంగోడు మాత్రం దొంగ దొంగ అని అరుస్తాడు విచిత్రంగా. దొంగా గవంగా ఎక్కడా పట్టుకోండి అని అరుస్తూ ఉండేసరికి వేద అక్కడి నుంచి పారిపోతుంది. ఒరేయ్ నువ్వే దొంగవి మళ్ళీ దొంగా దొంగా అని అరుస్తావెంటీ అని యష్ అంటాడు. సారీ సర్ మీరు ఇక్కడ ఉంటారని తెలియక అని యష్ కాళ్ళు నొక్కుతూ ఉంటాడు. మీరు నాకు బాగా నచ్చారు సర్ బాగా మాట్లాడుతున్నారని దొంగ అనడంతో పెళ్ళాంతోనే మంచిగా మాట్లాడతంటే ఇంక దొంగతో మాట్లాడటం ఏముందయ్య అని యష్ కామిడీ చేస్తాడు. వేద దొంగోడిని కొట్టేందుకు క్రికెట్ బ్యాట్ తీసుకుని వస్తే యష్ ఆపేస్తాడు. మీ వైఫ్ ఏంటి సార్ ఇంత వైలెంట్ గా ఉంది అనేసరికి వేద వాడిని కొట్టేందుకు పరుగు తీస్తుంది. వాడు పరిగెడుతూ కాపాడండి సార్ అని అరుస్తాడు. నేను మాట్లాడుతున్న కదా చిన్నపిల్లాడిని చంపేస్తావా ఏంటి అని యష్ అంటాడు. పాపం కళాకారుడు కళ చూపించుకోవడానికి వచ్చాడు.. చూపించుకోనివ్వు అని యష్ అంటాడు. నువ్వు ఎప్పుడైనా నాకు ఇలా సేవ చేశావా వాడు చూడు వచ్చిన దగ్గర నుంచి నాకు కాళ్ళు నొక్కుతూనే ఉన్నాడని అంటాడు. ఆ దొంగతో ముచ్చట పెట్టేసి కాసేపు కామిడీ పండించాడు యష్.

తరువాయి భాగంలో..

వేద కర్టెన్ ఇరుక్కుపోయిందని దాన్ని లాగుతూ ఉండేసరికి అది ఊడిపోతుందని గమనించిన యష్ వేద అని అరుస్తూ తనని పక్కకి లాగుతాడు. కర్టెన్ మీద పడి ఇద్దరి బెడ్ మీద పడిపోతారు. అప్పుడే మాలిని, కాంచన, రత్నం ఇంట్లోకి వచ్చి ఆశ్చర్యంగా చూస్తారు.