Robot Movie : ‘రోబో‘ ఫస్ట్ ఛాయిస్ రజనీకాంత్, ఐశ్వర్య రాయ్ కాదా? శంకర్ తన నిర్ణయాన్ని ఎందుకు మార్చుకున్నారు?
Shankar Robot Movie : శంకర్ దర్శకత్వంలో తెరకెక్కిన బ్లాక్ బస్టర్ మూవీ ‘రోబో‘. 2010లో విడులైన ఈ చిత్రం బాక్సాఫీస్ దగ్గర సంచలన విజయాన్ని అందుకుంది. అయితే ఈ సినిమాకు రజనీ, ఐశ్వర్య మొదటి ఛాయిస్ కాదట.
Rajinikanth-Aishwarya Rai Not First Choices For Robot : తమిళ సూపర్ స్టార్ రజనీకాంత్ నటించిన సూపర్ డూపర్ హిట్ మూవీ ‘రోబో‘. శంకర్ దర్శకత్వం వహించిన ఈ సినిమా బాక్సాఫీస్ దగ్గర రికార్డుల మోత మోగించింది. వసూళ్ల సునామీ సృష్టించింది. ఇండియన్ సినిమా రేంజిని అమాంతం అతర్జాతీయ స్థాయికి తీసుకెళ్లింది. 2010లో విడుదలైన ఈ సినిమా రజనీకాంత్ కెరీర్ లో అతిపెద్ద హిట్ గా నిలిచింది. భారతీయ సినీ పరిశ్రమలో ఏ చిత్రం సాధించని వసూళ్లను అందుకుంది.
రజనీ, ఐశ్వర్య ఫస్ట్ ఛాయిస్ కాదట!
వాస్తవానికి ఈ సినిమాను 2000 సంవత్సరం నుంచే శంకర్ ప్లాన్ చేశారు. అయితే ముందుగా హీరో రజనీకాంత్ ను అనుకోలేదట. విశ్వనటుడు కమల్ హాసన్ తో చేయాలి అనుకున్నారట. హీరోయిన్ గా ఐశ్వర్యాయ్ కాకుండా ప్రీతి జింటాను సెలెక్ట్ చేసుకున్నారట. అంతేకాదు, కమల్ హాసన్, ప్రీతిజింటాకు సంబంధించి ఫోటో షూట్ కూడా నిర్వహించారు. ఓ పాటను కూడా చిత్రీకరించారు. అప్పట్లో ఈ ఫోటోలు సంచలనం అయ్యాయి. ఫోటో షూట్ తో సినిమాపై భారీగా అంచనాలు పెరిగాయి. సినిమా షూటింగ్ మొదలు పెట్టాలని శంకర్ ప్రయత్నాలు చేశారు. కానీ అనుకున్న బడ్జెట్ సరిపోకపోవడంతో ఆయన ఈ సినిమాను నిలిపివేశారు. ఆ తర్వాత బాలీవుడ్ స్టార్ హీరో షారుఖ్ ఖాన్ తో ‘రోబో’ సినిమా చేయాలనుకున్నారు. అదీ ముందుకు సాగలేదు. చివరకు రజనీకాంత్, ఐశ్వర్యరాయ్ హీరో, హీరోయిన్లుగా ఈ సినిమా తెరకెక్కింది.
బాక్సాఫీస్ దగ్గర కలెక్షన్ల మోత
శంకర్ తెరకెక్కించిన ‘రోబో’ సినిమా వసూళ్ల పరంగా సత్తా చాటింది. ఏ ఇండియన్ సినిమా సాధించని కలెక్షన్లు సాధించింది. ఈ చిత్రం 2010లోనే ఏకంగా రూ. 320 కోట్లకు పైగా వసూళ్లను అందుకుంది. ఏ బాలీవుడ్ స్టార్ హీరోకు సాధ్యం కాని, రికార్డులను రజనీకాంత్ దక్కించుకున్నారు. ఈ సినిమాకు సీక్వెల్ గా ‘రోబో 2.0’ ప్రేక్షకుల ముందుకు వచ్చింది. ఇందులో రజనీకాంత్ హీరోగా నటించగా, బాలీవుడ్ స్టార్ హీరో అక్షయ్ కుమార్ విలన్ పాత్ర పోషించారు. అమీ జాక్సన్ హీరోయిన్ గా కనిపించింది. అయితే, ఈ సినిమా అనుకున్న స్థాయిలో సక్సెస్ అందుకోలేకపోయింది.
ప్రతిష్టాత్మక చిత్రాలతో శంకర్ బిజీ బీజీ
ప్రస్తుతం శంకర్ ‘గేమ్ ఛేంజర్’తో పాటు ‘ఇండియన్ 2’ సినిమా పనుల్లో బిజీగా ఉన్నారు. రామ్ చరణ్ హీరోగా నటిస్తున్న ‘గేమ్ ఛేంజర్’ పాన్ ఇండియన్ మూవీగా రూపొందుతోంది. తెలుగులో శంకర్ నేరుగా తెరకెక్కిస్తున్న తొలి తెలుగు సినిమా ఇదే కావడం విశేషం. దిల్ రాజు నిర్మాతగా వ్యవహరిస్తున్న ఈ సినిమాలో బాలీవుడ్ హీరోయిన్ కియారా అద్వానీ.. రామ్ చరణ్ సరసన నటిస్తోంది. అటు కమల్ హాసన్ తో కలిసి ‘ఇండియన్ 2’ సినిమా చేస్తున్నారు. ‘భారతీయుడు’ సినిమాకు సీక్వెల్ గా ఈ చిత్రం రూపొందుతోంది. ప్రీ ప్రొడక్షన్ పనులు జరుపుకుంటున్న ఈ సినిమాలు త్వరలో ప్రేక్షకుల ముందుకు రానున్నాయి.
Read Also: 25 ఏళ్లుగా ఇండస్ట్రీలో ఉన్న నన్ను ఇంత దారుణంగా అవమానిస్తారా? కరణ్ జోహార్ ఆవేదన
టాప్ హెడ్ లైన్స్
ట్రెండింగ్ వార్తలు
