Devatha September 7th Update: దేవి మీద ప్రేమ పెంచుకుంటున్న చిన్మయి- అయోమయంలో రుక్మిణి, ఆదిత్యపై సత్య అనుమానం

దేవికి ఆదిత్యని దూరం చేయాలని మాధవ్ మరో ప్లాన్ వేస్తాడు. ఈరోజు ఎపిసోడ్లో ఎం జరిగిందంటే..

image credit: Disney Plus Hotstar/ Star Maa

ఆదిత్య మాట్లాడుతుంటేనే రాధ నా మాట వినడం లేదు ఇప్పుడు అత్తగారు కూడా మాట్లాడారు అంటే రాధ బయటకి వెళ్లిపోవళి అనే ఆలోచనకి బలం పెరుగుతుంది. ఒక వేళ తాను వెళ్లలేకపోతే దేవిని అయిన ఈ ఇంటి నుంచి పంపించేస్తుంది. నేను తనని ఈ ఇంటి గడప దాటకుండా ఎంత ట్రై చేస్తున్నానో రాధకి ఆ ఇంటితో అనుబంధం అంతకంతకూ పెరిగిపోతుంది. ఇలాగే వదిలేస్తే రాధ నాకు దూరం అయిపోవడం ఖాయం. కానీ అలా జరగనివ్వను. రాధ విషయంలో నేను తొందరపడాలి’ అని మాధవ టెన్షన్ పడుతూ ఆలోచిస్తూ ఉంటాడు. చిన్మయి అన్నం తింటూ నేను దేవి నీ పిల్లలమే కదా మరి నాకు నాన్న మాట తీరు దేవికి నీ మాట తీరు వచ్చిందేంటి అమ్మా అని అడుగుతుంది. అదేమీ లేదని రాధ కవర్ చేస్తుంది.

దేవుడమ్మ ఇంట్లో దేవి రుక్మిణితో ఆడుకుంటూ ఉంటుంది. దేవుడమ్మ వచ్చి దేవి కొలతలు తీసుకుంటూ ఉంటుంది. పండగ కదా నీకు కొత్త బట్టలు కుట్టి ఇస్తాను అని చెప్తుంది. నీకు మిషన్ కుట్టడం కూడా వచ్చా అని దేవి దేవుడమ్మని అడుగుతుంది. వచ్చని చెప్తుంది దేవుడమ్మ. ఇద్దరు కాసేపు నవ్వుతూ మాట్లాడుకుంటారు. నీ నవ్వుతో మాయ చేస్తావే అని దేవుడమ్మ అంటే నువ్వు నవ్వుతుంటే చాలా బాగుంటావని దేవి దేవుడమ్మ బుగ్గలు గిల్లుతుంది. అది చూసి ఆదిత్య మురిసిపోతాడు. చిన్మయి నిద్రపోతు దేవి అని ఒక్కసారిగా అరిచి నిద్రలో లేస్తుంది. నాకు చెల్లి కావాలి నేను దేవి దగ్గరకి వెళ్తాను అని రాధని అడుగుతుంది. దేవి లేకపోతే నాకు ఏదోలా ఉంది, నేను కూడా ఆఫీసర్ సారు ఇంటికి వెళ్తాను లేదంటే చెల్లిని తీసుకుని రా అని అడుగుతుంది. సరే అని చెప్పి రాధ చిన్మయిని పడుకోబెడుతుంది.

దేవుడమ్మ దేవి కోసం బట్టలు కుడుతూ ఉంటుంది. దేవికి డ్రెస్ కుట్టించాలని నీకు ఎందుకు అనిపించిదని ఆదిత్య అడుగుతాడు. ఏమో తెలియదు కానీ డబ్బులు పెట్టి కొనివ్వొచు కాని నా చేతులతో కుడితేనే ఆనందం అని అంటుంది. ఆదిత్య కూడా అక్కడే ఉంది దేవిని చూస్తూ నిలబడిపోవడం సత్య గమనిస్తుంది. దేవి అంటే ఆదిత్యకి ఎందుకంత అభిమానం అని సత్య ఆలోచిస్తుంది. ‘ఆంటీ దేవి మీద ప్రేమ చూపిస్తుంది అంటే పిల్లలు లేరని బాధ ఉంది. ఇన్నాళ్ళూ చెరదీసిన పిల్ల అని అభిమానం చూపిస్తున్నారు అందులే తప్పేమీ కనిపించడం లేదు కానీ ఆదిత్య ఎందుకు దేవి గురించి ఇంతగా ఆలోచిస్తున్నాడు, దేవిని రెండు రోజులు ఉంచుకుంటాను అంటే అక్కడ అక్క కూడా ఒప్పుకుంది, అలా ఎలా ఒప్పుకుంది అసలేం జరుగుతుంది, నాకేమీ అర్థం కావడం లేడు’ అని సత్య అనుకుంటుంది. రాధ చిన్మయికి చీర కత్తి అందంగా ముస్తాబు చేస్తుంది. అది చూసి రామూర్తి దంపతులు సంతోషిస్తారు.

చిన్మయిని దగ్గరకి తీసుకుని జానకి చాలా సంతోషంగా ముద్దు పెట్టుకుంటుంది. మా బంగారం రాధమ్మలా తయారైంది అని రామూర్తి అంటాడు. చీర కడితే పుత్తడి బొమ్మలా ఉన్నావ్ అని జానకి అంటుంది. అయినా నా మూడ్ బాగోలేదు దేవి ఇక్కడ లేకపోతే నాకు ఏమి బాగోలేదమ్మా అని చిన్మయి మళ్ళీ అంటుంది.