Vishwak Sen: మరోసారి డైరెక్టర్‌గా విశ్వక్ సేన్ - కొత్త యాక్టర్స్‌తో మాస్ కా దాస్ 'కల్ట్'

Cult Movie: మాస్ కా దాస్ విశ్వక్ సేన్ డైరెక్షన్‌లో న్యూ థ్రిల్లర్ మూవీ 'కల్ట్' రాబోతోంది. హైదరాబాద్ రామానాయుడు స్టూడియోలో ఈ మూవీ పూజా కార్యక్రమం ఆదివారం జరిగింది.

విశ్వక్ డైరెక్టర్‌గా కల్ట్ మూవీ ప్రారంభం

Source : https://x.com/VanmayeCreation/

Vishwak Sen's New Movie Cult Started: మాస్ కా దాస్ విశ్వక్ సేన్ మరోసారి మెగా ఫోన్ పట్టనున్నారు. ఆయన డైరెక్షన్‌లో వచ్చిన 'ఫలక్‌నుమా దాస్', 'దాస్ కా దమ్కీ' చిత్రాలు ఆడియన్స్‌ను అలరించాయి. హీరోగా, దర్శకుడిగా, నిర్మాత, రచయితగా తనకంటూ ఓ స్పెషల్ క్రేజ్ సంపాదించుకున్నారు విశ్వక్.

కొత్త మూవీ 'కల్ట్'

విశ్వక్ (Vishwak) డైరెక్షన్‌లో మూడో చిత్రంగా '#కల్ట్' (Cult) తెరకెక్కనుంది. హైదరాబాద్ రామానాయుడు స్టూడియోలో ఆదివారం ఈ మూవీకి సంబంధించి పూజా కార్యక్రమం జరిగింది. ఈ వేడుకకు మూవీ టీంతో సహా పలువురు సెలబ్రిటీలు హాజరయ్యారు. రెగ్యులర్ షూటింగ్ కూడా నేటి నుంచే ప్రారంభం కానుంది. వాస్తవ సంఘటనల ఆధారంగా పార్టీ థ్రిల్లర్ జానర్‌లో యూత్‌ను ఎంటర్‌టైన్ చేసే విధంగా ఈ మూవీ తెరకెక్కనుంది. ఈ చిత్రానికి విశ్వక్ స్టోరీ అందించడమే కాకుండా దర్శకత్వం కూడా వహించనున్నారు.

40 మంది కొత్త యాక్టర్స్‌తో..

40 మంది కొత్త నటీనటులతో ఈ మూవీని విశ్వక్ తెరకెక్కిస్తున్నారు. మేక ముసుగు ధరించి విధంగా ఉన్న పోస్టర్ మూవీపై ఆసక్తి పెంచేస్తోంది. తారక్ సినిమాస్ వనమాయి క్రియేషన్స్ బ్యానర్‌పై కరాటే రాజు, సందీప్ కాకర్ల ఈ మూవీని నిర్మిస్తున్నారు. కేజీఎఫ్, సలార్ మూవీస్ ఫేం రవి బ్రసూర్ సంగీతం అందిస్తున్నారు. తరుణ్ భాస్కర్ డైలాగ్స్ ఇస్తున్నారు. తెలుగుతో పాటు హిందీ, జపనీస్, ఇంగ్లీష్, స్పానిష్ భాషల్లో ఈ మూవీ రిలీజ్ కానుంది.

Mass Ka Das #VishwakSen coming up this time with his third directorial, a wild new-age PARTY THRILLER🔥#CULT ❤️‍🔥❤️‍🔥❤️‍🔥
Shoot begins today with a grand pooja ceremony 💥

Written and Directed by @VishwakSenActor
Produced by #TarakCinemas @VanmayeCreation pic.twitter.com/iuZQZzJ1IF

— VanmayeCreations (@VanmayeCreation) May 11, 2025

'కల్ట్' చిత్రానికి పని చేసే టీంను ఓసారి చూస్తే.. డైరెక్టర్ ఆఫ్ ఫోటోగ్రఫీ: అరవింద్ విశ్వనాథన్, ఎడిటర్: రవితేజ గిరిజాల, ఆర్ట్ డైరెక్టర్: అరవింద్ ములే, కొరియోగ్రాఫర్: వశ్వంత్ మాస్టర్, కాస్ట్యూమ్ డిజైనర్: అన్నపూర్ణ, యాక్షన్ డైరెక్టర్: కరుణాకర్.

హీరోగా చేస్తూనే డైరెక్షన్

విశ్వక్ ఓ వైపు హీరోగా చేస్తూనే మరోవైపు 'కల్ట్' మూవీకి దర్శకత్వం వహించనున్నారు. ఆయన ప్రస్తుతం జాతిరత్నాలు ఫేం అనుదీప్ దర్శకత్వంలో 'ఫంకీ' అనే మూవీని చేస్తున్నారు. విశ్వక్ డ్యూయల్ రోల్‌లో నటించిన లాస్ట్ మూవీ 'లైలా' నిరాశపరిచింది. ఎన్నో అంచనాలతో  ప్రేక్షకుల ముందుకు వచ్చినా అనుకున్నంత సక్సెస్ కాలేదు.

వరసు పరాజయాలపై ఆయన అప్పట్లో ఓ లేఖ సైతం విడుదల చేశారు. ఇక నుంచి ప్రేక్షకులు మెచ్చేలా సినిమాలు తీస్తానని.. క్లాస్ అయినా మాస్ అయినా అసభ్యత అనేది ఉండదని స్పష్టం చేశారు. ఈ క్రమంలో ఆయన తర్వాత మూవీలో డిఫరెంట్‌గా కొత్త స్టోరీతో ప్రేక్షకుల ముందుకు రాబోతున్నట్లు తెలుస్తోంది. దీంతో పాటే థ్రిల్లర్ మూవీ డైరెక్షన్‌తో ప్రేక్షకులకు మరింత దగ్గరయ్యేందుకు చూస్తున్నారు.

మరిన్ని చదవండి

రెండో రోజు కూడా 'సింగిల్' జోరు - బాక్సాఫీస్ వద్ద రికార్డు కలెక్షన్లు