Jana Nayagan : దళపతి విజయ్ లాస్ట్ మూవీ 'జన నాయగన్' - బాలయ్య 'భగవంత్ కేసరి'కి రీమేకా!... ఫస్ట్ సాంగ్తో...
Thalapathy Vijay : కోలీవుడ్ స్టార్ విజయ్ 'జన నాయగన్' నుంచి ఫస్ట్ సాంగ్ కచేరీ విడుదలై ట్రెండ్ అవుతోంది. ఈ మూవీ బాలకృష్ణ 'భగవంత్ కేసరి'కి రీమేక్ అంటూ నెట్టింట ప్రచారం సాగుతోంది.
Vijay Jana Nayagan Movie Kacheri Song Released : కోలీవుడ్ స్టార్ దళపతి విజయ్ హీరోగా వస్తోన్న లేటెస్ట్ పొలిటికల్ యాక్షన్ థ్రిల్లర్ 'జన నాయగన్'. ఇటీవలే విజయ్ టీవీకే (తమిళగ వెట్రి కళగం) పార్టీ స్థాపించి పొలిటికల్ ఎంట్రీ ఇచ్చారు. దీంతో ఇదే ఆయన చివరి సినిమా అని తెలుస్తోంది. హెచ్. వినోద్ దర్శకత్వం వహిస్తున్న ఈ మూవీ నుంచి ఇప్పటికే రిలీజ్ అయిన లుక్స్ హైప్ క్రియేట్ చేయగా... తాజాగా సాంగ్ రిలీజ్ చేశారు మేకర్స్.
ట్రెండింగ్లో 'కచేరీ' సాంగ్
ప్రస్తుతం తమిళ వెర్షన్ సాంగ్ రిలీజ్ కాగా... త్వరలోనే తెలుగులోనూ రిలీజ్ కానుంది. 'కచేరీ' విజయ్ సినీ కెరీర్ గురించి ప్రస్తావించేలా ఉన్న సాంగ్ అదిరిపోయింది. హీరోయిన్స్ మమితా బైజు, పూజా హెగ్డే సైతం విజయ్తో స్టెప్పులేశారు. అనిరుధ్ రవిచందర్ మ్యూజిక్ అందించగా... అనిరుధ్, విజయ్, అరివు కలిసి పాట పాడారు. అరివు లిరిక్స్ అందించారు.
ఫ్యాన్స్ ఎమోషన్
ఈ పాటను చూసిన దళపతి ఫ్యాన్స్ ఎమోషన్ అవుతున్నారు. ఆయన కెరీర్లోనే ఎన్నో బెస్ట్ మూవీస్, రోల్స్ చేశారని... ఐకానిక్ పాత్రలను ప్రతిబింబించేలా ఈ పాట ఉందంటూ కామెంట్స్ చేస్తున్నారు. అనిరుధ్ మ్యూజిక్ వేరే లెవల్ అంటూ ప్రశంసిస్తున్నారు. ఇది విజయ్ 69వ సినిమా కాగా... పొలిటికల్ ఎంట్రీ తర్వాత లాస్ట్ మూవీ కావడంతో 'ఇదే లాస్ట్ డ్యాన్స్', 'ఆయన్ను చాలా మిస్ అవుతాం' అంటున్నారు.
Also Read : ముంబయిలో కూల్... వైజాగ్లో ట్రెడిషనల్ - ఆమె నుంచి తెలుగు నేర్చుకోవాలి... శోభితపై చై ప్రశంసలు
భగవంత్ కేసరికి రీమేకా?
మరోవైపు... ఈ మూవీ తెలుగులో గాడ్ ఆఫ్ మాసెస్ బాలకృష్ణ, స్టార్ డైరెక్టర్ అనిల్ రావిపూడి కాంబో బిగ్గెస్ట్ హిట్ 'భగవంత్ కేసరి'కి రీమేక్ అంటూ సోషల్ మీడియాలో ఓ కొత్త చర్చ తెరపైకి వచ్చింది. గత కొంతకాలంగా ప్రచారం సాగుతున్నా... ఫస్ట్ సాంగ్ 'కచేరి'లో కొన్ని పోలికలు ఉన్నాయంటూ కొందరు కామెంట్స్ చేస్తున్నారు. విజయ్, పూజా హెగ్డే డ్యాన్స్ చూస్తుంటే బాలయ్య, కాజల్ను చూస్తున్నట్లు ఉందంటున్నారు. ఇక అప్పట్లో రిలీజ్ చేసిన టీజర్లో విజయ్ను పోలీస్ ఆఫీసర్ గెటప్లో చూపించడం ఈ వార్తలకు మరింత బలం చేకూరుస్తోంది.
అయితే, 'భగవంత్ కేసరి' సినిమాలో ఒక మెయిన్ పాయింట్ తీసుకుని మాత్రమే దర్శకుడు వినోద్ మార్పులు చేశారంటూ కోలీవుడ్ ఇండస్ట్రీ ఇన్ సైడ్ టాక్. ప్రస్తుత రాజకీయాలకు అనుగుణంగా పొలిటికల్ టచ్ కూడా ఇచ్చినట్లు తెలుస్తోంది. మరి ఇది ఆ మూవీకి రీమేక్ లేదా అనేది తెలియాలంటే రిలీజ్ వరకూ ఆగాల్సిందే.
సంక్రాంతికి రిలీజ్
ఈ మూవీలో విజయ్ సరసన పూజా హెగ్డే హీరోయిన్గా నటిస్తుండగా... మమితా బైజు, ప్రియమణి, బాబీ డియోల్, గౌతమ్ వాసుదేవ్ మీనన్, నరైన్, ప్రకాష్ రాజ్ తదితరులు కీలక పాత్రలు పోషిస్తున్నారు. కేవీఎన్ ప్రొడక్షన్స్ బ్యానర్పై వెంకట్ కె నారాయణ నిర్మిస్తున్నారు. జగదీష్ పళనిసామి, లోహిత్ ఎన్కే సహ నిర్మాతలుగా వ్యవహరిస్తున్నారు. వచ్చే ఏడాది సంక్రాంతికి మూవీ ప్రేక్షకుల ముందుకు రానుంది.
టాప్ హెడ్ లైన్స్
ట్రెండింగ్ వార్తలు
