Film Chamber: సీఎం రేవంత్ రెడ్డి ఆగ్రహంతో స్పందించిన సినీ పరిశ్రమ!
సీఎం రేవంత్ రెడ్డి ఆగ్రహంతో సినీ పెద్దలు స్పందించారు. ఈ మేరకు 'గద్దర్ అవార్డ్స్' అంశాన్ని సీఎం రేవంత్‌రెడ్డి చర్చించామని, ప్రతి ఏటా అవార్డు ఇవ్వడానికి గ్రీన్‌ సిగ్నల్‌ ఇచ్చారని పేర్కొంది.
Telugu Film Chamber of Commerce on Gaddar Awards: తెలంగాణ ముఖ్యమంత్రి రేవంత్ రెడ్డితో సినీ పెద్దలు భేటీ అయ్యారు. ఈ సందర్భంగా గద్దర్ అవార్డ్స్ గురించి ఆయనతో చర్చించినట్టు ఫిలిం ఛాంబర్ వెల్లడించింది. ఈ మేరకు తెలుగు ఫిలిం ఛాంబర్ ఆఫ్‌ కామర్స్‌(Telugu Film Chamber of Commerce) తాజాగా పత్రిక ప్రకటన ఇచ్చింది. "తెలంగాణ రాష్ట్రంలో ఫిలిం ఇండస్ట్రీ మరింత అభివృద్ధికి తొడ్పడుతున్న గౌరవ ముఖ్యమంత్రి రేవంత్ రెడ్డి గారికి, సినిమాటోగ్రఫీ శాఖా మంత్రి కోమటిరెడ్డి వెంకటరెడ్డి గారికి కృతజ్ఞతలు తెలియచేయుచున్నాము. ఈ సందర్భంగా సీఎంను కలిసి ఇండస్ట్రీకి చెందిన విషయాల గురించి వివరముగా చర్చించాము.
ఈ మేరకు ఎన్నో ఏళ్లుగా పెండింగ్‌లో ఉన్న గద్దర్ అవార్డ్స్‌పై ఆయన స్పందించారు. ప్రతి ఏడాది గద్దర్ అవార్డ్స్ రాష్ట్ర ప్రభుత్వం నుంచి ఇవ్వగలమని ఆయన హామి ఇచ్చారు. రాష్ట్ర ప్రభుత్వం నిర్ణయంపై తెలుగు ఫలిం ఇండస్ట్రీ హర్షం వ్యక్తం చేసింది. అంతేకాదు ఈ అవార్డులపై తెలుగు చలన చిత్ర నిర్మాతల మండలి వారు ప్రత్యేకంగా ఓ కమిటీని నియమించి సదరు విధి విధానాలను తయారు చేసి, ఆ రిపోర్టును తెలంగాణ రాష్ట్ర ఫిలిం డెవలప్‌మెంట్‌ కార్పోరేషన్‌ ద్వారా ముఖ్యమంత్రి రేవంత్ రెడ్డి గారికి అతి త్వరలోనే అందజేయడం జరుగుతందని తెలియజేస్తున్నాం" అంటూ ఫిలిం ఛాంబర్ ప్రకటన విడుదల చేసింది.
కాగా కొద్ది రోజులుగా ఇండస్ట్రీలో గద్దర్ అవార్డ్స్ అంశం హాట్‌టాపిక్‌గా నిలిచింది. తెలుగు ఫిలిం ఇండస్ట్రీ తెలంగాణ కాంగ్రెస్ ప్రభుత్వాన్ని లెక్క చేయడం లేదని, తాము గద్దర్ అవార్డ్స్ ఇచ్చేందుకు సిద్దంగా ఉన్న, సినీ ఇండస్ట్రీ ఆసక్తి చూపించడం లేదు సీఎం రేవంత్‌రెడ్డి అసహనం వ్యక్తం చేశారు. దీంతో స్వయంగా మెగాస్టార్‌ చిరంజీవి స్పందించారు. ఈ మేరకు ఆయన ట్వీట్‌ చేస్తూ.. "సీఎం రేవంత్ రెడ్డి చొరవ తీసుకుని, సినిమా అవార్డులను పునరుద్ధరిస్తూ సినీపరిశ్రమలోని ప్రతిభావంతులకు, ప్రజా కళాకారులు గద్దర్ గారి పేరు మీదు ప్రతియేటా 'గద్దర్ అవార్డ్స్'తెలంగాణ ప్రభుత్వం ఇస్తుందని ప్రకటించిన తరువాత, తెలుగు పరిశ్రమ తరపున, ఫిలిం ఛాంబర్, ప్రొడ్యూసర్ కౌన్సిల్ ఈ ప్రతిపాదనను ప్రతిష్టాత్మకంగా ముందుకు తీసుకువెళ్లేలా బాధ్యత తీసుకోవాలి" అని ఆయన కోరిన సంగతి తెలిసిందే.
తెలంగాణ రాష్ట్ర ముఖ్యమంత్రి
— Chiranjeevi Konidela (@KChiruTweets) July 30, 2024
శ్రీ రేవంత్ రెడ్డి గారు చొరవ తీసుకుని,
సినిమా అవార్డులను పునరుద్ధరిస్తూ
సినీపరిశ్రమలోని ప్రతిభావంతులకు,
ప్రజా కళాకారుడు గద్దర్ గారి పేరు మీదుగా ప్రతియేటా 'గద్దర్ అవార్డ్స్'
తెలంగాణ ప్రభుత్వం ఇస్తుందని
ప్రకటించిన తరువాత, తెలుగు పరిశ్రమ తరపున,… pic.twitter.com/vpOuec2T5H
Also Read: సినీ ఇండస్ట్రీపై రేవంత్ ఆగ్రహం - వెంటనే స్పందించిన చిరంజీవి - ఏమన్నారంటే ?
టాప్ హెడ్ లైన్స్
ట్రెండింగ్ వార్తలు
