SwathiMuthyam Release Update: 'స్వాతిముత్యం' ప్రేక్షకుల ముందుకు వచ్చేది ఎప్పుడంటే?

'భీమ్లా నాయక్' సినిమాతో సితార ఎంట‌ర్‌టైన్‌మెంట్స్‌ సంస్థ ఈ ఏడాది భారీ విజయం అందుకుంది. వేసవి తర్వాత మరో సినిమాను విడుదల చేయడానికి సన్నాహాలు చేస్తోంది. ప్రముఖ నిర్మాత బెల్లంకొండ సురేష్ రెండో కుమారుడు, హీరో సాయి శ్రీనివాస్ తమ్ముడు గ‌ణేష్‌ను హీరోగా పరిచయం చేస్తూ... సితార ఎంట‌ర్‌టైన్‌మెంట్స్‌ సంస్థ నిర్మిస్తున్న సినిమా 'స్వాతిముత్యం'. ఫ్యామిలీ ఎంట‌ర్‌టైన‌ర్‌గా రూపొందిస్తున్నారు.

జూలైలో 'స్వాతిముత్యం' సినిమాను విడుదల చేయనున్నట్టు ఉగాది సందర్భంగా సితార ఎంట‌ర్‌టైన్‌మెంట్స్‌ తెలిపింది. లక్ష్మణ్ కె కృష్ణ దర్శకుడిగా పరిచయం చేస్తూ... పీడీవీ ప్రసాద్ సమర్పణలో సూర్యదేవర నాగవంశీ నిర్మిస్తోన్న చిత్రమిది. ఇందులో వర్ష బొల్లమ్మ హీరోయిన్. ఉగాది సందర్భంగా సినిమాలో హీరో హీరోయిన్స్ కొత్త స్టిల్ విడుదల చేశారు.

'స్వాతి ముత్యం'లో బాలమురళి పాత్రలో బెల్లంకొండ గణేష్, భాగ్యలక్ష్మి పాత్రలో వర్ష బొల్లమ్మ నటించారు. జీవితం, ప్రేమ, పెళ్లి వంటివాటిపై యువత ఆలోచనలు, అభిప్రాయాలు ఎలా ఉన్నాయి? వాటి మధ్య ఓ యువకుడి జీవిత ప్రయాణం ఎలా సాగిందన్నది చిత్ర కథాంశం.

Also Read: ఉగాదికి రాముడొచ్చాడు - స్టయిలిష్‌గా సూపర్ కాప్

సీనియర్ నటుడు నరేష్ వీకే, రావు రమేష్, సుబ్బరాజు, 'వెన్నెల' కిషోర్, సునయన, దివ్య శ్రీపాద తదితరులు నటిస్తున్న ఈ చిత్రానికి మహతి స్వర సాగర్ సంగీతం అందిస్తున్నారు. కథ, సన్నివేశాలు అన్ని వర్గాల ప్రేక్షకుల్ని అలరించేలా ఉంటాయని తెలుస్తోంది. 

Also Read: అనుష్కా శెట్టి - నవీన్ పోలిశెట్టి - మూడు రోజుల్లో మళ్ళీ మొదలు!

 

 

 

 

 

View this post on Instagram

 

 

 

 

 

 

 

 

 

 

 

A post shared by Sithara Entertainments (@sitharaentertainments)