Vishnu Vinyasam Movie : విష్ణు విన్యాసం మూవీ లీక్ - ప్రొడ్యూసర్‌కు బ్లాక్ మెయిల్... శ్రీవిష్ణు ఏం చెప్పారంటే?

Sree Vishnu Reaction : రిలీజ్‌కు ముందే విష్ణు విన్యాసం మూవీ లీక్ కావడం వల్ల చాలా ఇబ్బందులు పడ్డామని యంగ్ హీరో శ్రీవిష్ణు తెలిపారు. తమ ప్రొడ్యూసర్‌ను బ్లాక్ మెయిల్ చేశారని చెప్పారు.

రిలీజ్‌కు ముందే విష్ణు విన్యాసం లీక్

Source : https://www.youtube.com/watch?v=ZW_QF8Gq9SE

Actor Sree Vishnu Reaction On Vishnu Vinyasam Movie Leakage : 'విష్ణు విన్యాసం' మూవీ లీక్ కావడం వల్ల హడావిడిగా వర్క్, ప్రమోషన్స్ కంప్లీట్ చేయాల్సిన పరిస్థితి ఏర్పడిందని చెప్పారు యంగ్ హీరో శ్రీవిష్ణు. తాజాగా నిర్వహించిన ప్రెస్ మీట్‌లో మూవీ లీక్ అయ్యిందని సంచలన విషయాలు బయటపెట్టారు. 

'బ్లాక్ మెయిల్ చేశారు'

మూవీ లీక్ కావడం వల్ల అంతా హడావిడిగా చేయాల్సి వచ్చిందని చెప్పారు శ్రీవిష్ణు. 'మూవీ లీక్ కావడం వల్ల చాలా విషయాలు జరిగాయి. 20 రోజుల పనిని 7 రోజుల్లోనే పూర్తి చేశాం. టీం అంతా పగలు రాత్రి అనే తేడా లేకుండా చాలా సపోర్ట్ చేశారు. అలా చేయడం వల్లే చెప్పిన టైంకు రాగలిగాం. దీని వల్లే నా రెండు సినిమాలు ఒకదాని తర్వాత ఒకటి వచ్చాయి. ఎలాంటి ప్లానింగ్ లేకుండానే ప్రమోషన్స్ కూడా స్టార్ట్ చేయాల్సి వచ్చింది.

చెన్నై నుంచి మూవీ లీక్ అయ్యింది. దీనిపై పోలీసులకు ఫిర్యాదు చేశాం. ప్రస్తుతం కేసు విచారణ నడుస్తోంది. మా ప్రొడ్యూసర్‌ను బ్లాక్ మెయిల్ చేశారు. ఆయన్ను కొందరు బెదిరిస్తూ పెట్టిన మెసేజులు, వీడియోలు, ఛాంబర్‌కు మేము చేసిన ఫిర్యాదులు అన్నీ మా దగ్గర ఉన్నాయి. భవిష్యత్‌లో ఇలాంటి సమస్యలు రాకుండా ఏం చేయాలనే దానిపై చర్చించాలి. ప్రతీ రీల్‌కు నిర్మాతను బ్లాక్ మెయిల్ చేశారు. రిలీజ్ ముందు రోజు వరకూ ఇది జరిగింది. ఈ విషయంలో నిర్మాత చాలా నలిగిపోయారు. అలాగని మమ్మల్ని ఎక్కడా ఒత్తిడికి గురి చేయలేదు.' అని చెప్పారు. ప్రస్తుతం ఈ వీడియో వైరల్ అవుతోంది.

మా యూనిట్ నుంచే...

తమ యూనిట్ నుంచే తెలియకుండా సీన్స్ బయటకు వెళ్లిపోయాయని చెప్పారు ప్రొడ్యూసర్ సుమంత్ నాయుడు. 'మూవీకి సంబంధించిన వీడియోలు వరుసగా నాకు పంపారు. అవి చూడగానే ఒక్కసారిగా షాక్ అయిపోయా. కళ్ల ముందు ఒక్కసారిగా భవిష్యత్ కదిలింది. మాకు సినిమా క్లిప్స్ పంపిన నెంబర్‌ను వెంటనే ట్రేస్ చేశాం. ఆ తర్వాత ఛాంబర్‌లో కంప్లైంట్ చేశాం. ఆదివారం కావడంతో వెంటనే యాక్షన్ తీసుకోవడం సాధ్యం కాలేదు.

అలా రోజూ సినిమాకు సంబంధించిన వీడియోలు పంపేవారు. బ్లాక్ మెయిల్ చేసే వారు. దీంతో చాలా మానసిక క్షోభ అనుభవించారు. పరిస్థితి పూర్తిగా అదుపు తప్పడంతో ఇక మిగిలిన మూవీని త్వరగా పూర్తి చేసేశాం. దీంతో వెంటనే తీసుకు రావాల్సి వచ్చింది. అంతే తప్ప 'మృత్యుంజయ్' మూవీకి పోటీగా దీన్ని విడుదల చేయాలన్న ఉద్దేశం మాకు లేదు. ఆ చిత్ర నిర్మాత నా పరిస్థితి అర్థం చేసుకుని నన్ను క్షమించాలని కోరుకుంటున్నా.' అని చెప్పారు.

ఇక శుక్రవారం ప్రేక్షకుల ముందుకు వచ్చిన 'విష్ణు విన్యాసం' మిక్స్‌డ్ టాక్ సొంతం చేసుకుంది. ఫస్ట్ డే ఇండియావ్యాప్తంగా రూ.2 కోట్ల నెట్ కలెక్షన్స్ సాధించినట్లు తెలుస్తోంది. యదునాథ్ మారుతీరావు దర్శకత్వం వహించిన ఈ మూవీలో నయన్ సారిక హీరోయిన్‌గా నటించారు.

మరిన్ని చదవండి

మోహన్ బాబు @ వెంకటప్పయ్య నాయుడు - శ్రీనివాస మంగాపురంలో పవర్ ఫుల్ లుక్