Sameera Reddy: గోవాలో సెటిలైన రెడ్డిగారి అమ్మాయి... మళ్ళీ బాలీవుడ్లోకి!
Sameera Reddy Comeback: తెలుగులో మెగాస్టార్ చిరంజీవి 'జై చిరంజీవా', ఎన్టీఆర్ 'అశోక' సినిమాల్లో నటించిన రెడ్డిగారి అమ్మాయి సమీరా. పెళ్లయ్యాక సినిమాలకు దూరమైన ఆవిడ, మళ్ళీ రీ ఎంట్రీ ఇస్తున్నారు.
సమీరా రెడ్డి... తెలుగు మూలాలు ఉన్న ముంబై మహిళ. ఆమె తండ్రి చింతపోలి రెడ్డి తెలుగు వ్యక్తి. ఆయన ముంబైలో సెటిలయ్యారు. సమీరా రెడ్డి ముంబై సిటీలో జన్మించడంతో పాటు అక్కడ పెరిగారు. అయితే... కథానాయికగా తెలుగు తెరపై మెరిశారు. మ్యాన్ ఆఫ్ మాసెస్ ఎన్టీఆర్ 'నరసింహుడు'తో టాలీవుడ్ ఇండస్ట్రీలో అడుగు పెట్టారు. అంతకు ముందు మూడు హిందీ సినిమాలు చేశారు. ఆ తర్వాత మెగాస్టార్ చిరంజీవి 'జై చిరంజీవా', ఎన్టీఆర్ 'అశోక' సినిమాలు చేశారు. పెళ్లి తర్వాత సినిమాలకు దూరం అయ్యారు. ఇప్పుడు ఆమె రీ ఎంట్రీ ఇవ్వడానికి రెడీ అయ్యారు.
సంజయ్ దత్ సినిమాలో సమీరా రెడ్డి
Sameera Reddy Returns To Bollywood: 'కృష్ణం వందే జగద్గురుమ్' (2012)లో దగ్గుబాటి వెంకటేష్, రానాతో కలిసి స్పెషల్ సాంగ్లో స్టెప్పులు వేశారు సమీరా రెడ్డి. ఆ తర్వాత కన్నడలో ఓ సినిమా, హిందీలో మరో సినిమా చేశారంతే. వ్యాపారవేత్త అక్షయ్ వర్డేతో వివాహమైన తర్వాత సినిమాల్లో నటించడం మానేశారు. పెళ్లయ్యాక గోవాలో సెటిల్ అయ్యారు. అత్తగారితో కలిసి వీడియోలు చేస్తూ సోషల్ మీడియాలో పాపులర్ అయ్యారు.
Also Read: Rakul Preet Singh: పెళ్లి అయ్యింది కానీ... రకుల్ భర్త జాకీ సెన్సేషనల్ కామెంట్స్
View this post on Instagram
ఇప్పుడు సమీరా రెడ్డి వయసు 47 ఏళ్ళు. పిల్లలు పెద్దవాళ్ళు అయ్యారు. దాంతో మళ్ళీ సినిమాల్లోకి వస్తున్నారు. బాలీవుడ్ సినిమాతో సిల్వర్ స్క్రీన్ రీ ఎంట్రీ ఇస్తున్నారు. సంజయ్ దత్ 'ఆఖరి సవాల్' సినిమాలో నటిస్తున్నారు. అందులో ఆమె రోల్ ఏమిటి? ఎంత సేపు ఉంటుంది? అనేది ప్రస్తుతానికి సస్పెన్స్.
Also Read: Allu Arjun New House: అల్లు అర్జున్ కొత్తిల్లు @ 100 కోట్లు - ఫీచర్స్ ఏమిటో తెలుసా?
View this post on Instagram
ఒకానొక దశలో సమీరా రెడ్డి బరువు పెరిగారు. పెళ్లి అయ్యాక, పిల్లలు పుట్టిన తర్వాత మహిళ శరీరంలో మార్పులు రావడం సహజం అని ప్రజల్లో అవగాహన కల్పించే వీడియోలు సైతం కొన్ని చేశారు. ఇటీవల ఆమె బరువు తగ్గారు. బహుశా సినిమాల కోసం అయ్యి ఉంటుంది. పెర్ఫార్మన్స్ స్కోప్ ఉన్న రోల్స్ వస్తే హిందీతో పాటు తెలుగు, తమిళ సినిమాలు చేయడానికి సమీరా రెడ్డి సిద్ధంగా ఉన్నారట.
Also Read: Balakrishna: బాలకృష్ణ క్యాంపులో ఎన్టీఆర్ స్నేహితుడు - సినిమా ఎలా ఓకే అయ్యిందబ్బా?
View this post on Instagram
టాప్ హెడ్ లైన్స్
ట్రెండింగ్ వార్తలు
