Sai Pallavi: సాయి పల్లవి సినిమా ఫ్లాపే... అంగీకరించిన హీరో

Junaid Khan on Ek Din Flop: సాయి పల్లవి బాలీవుడ్ డెబ్యూ 'ఏక్ దిన్' ఫ్లాప్ అని హీరో జునైద్ ఖాన్ అంగీకరించారు. అంతే కాదు... రిజల్ట్ తర్వాత ఆమిర్ ఖాన్ ఎంతో బాధ పడ్డారని పేర్కొన్నారు.

'రామాయణ'లో సీతగా నటిస్తున్న సాయి పల్లవి... ఆ సినిమా కంటే ముందు 'ఏక్ దిన్'తో హిందీ ప్రేక్షకులను పలకరించారు. అయితే ఆ మూవీ డిజాస్టర్ అయ్యింది. 

Source : https://www.instagram.com/saipallavi.senthamarai/

'ఏక్ దిన్' సినిమాతో బాలీవుడ్ ఇండస్ట్రీకి సాయి పల్లవి (Sai Pallavi) ఇంట్రడ్యూస్ అయ్యారు. అయితే... బాక్స్ ఆఫీస్ దగ్గర బోల్తా కొట్టిందీ ప్రేమ కథ. విడుదలకు ముందు బాలీవుడ్ మిస్టర్ పెర్ఫెక్షనిస్ట్ ఆమిర్ ఖాన్ చేసిన ప్రచారం కారణంగా హైప్ వచ్చింది. కానీ, కలెక్షన్స్ రాలేదు. డిజాస్టర్ అనిపించుకుంది. ఇప్పుడీ ఫ్లాప్ మీద హీరో జునైద్ ఖాన్ స్పందించారు. 

సినిమా ఫ్లాపే... అంగీకరించిన హీరో!
'ఏక్ దిన్'లో సాయి పల్లవి హీరోయిన్ అయితే ఆమిర్ ఖాన్ తనయుడు జునైద్ ఖాన్ హీరో. బాక్స్ ఆఫీస్ బరిలో సినిమా ఘోరంగా ఫెయిల్ కావడంతో తన తండ్రి ఆమిర్ తీవ్రంగా ఆవేదన చెందినట్లు జునైద్ తెలిపారు.

''ఏక్ దిన్' ఆశించిన స్థాయిలో ఆడకపోవడంతో ఆమిర్ ఖాన్ మానసికంగా చాలా కుంగిపోయారరు. ఏ సినిమా అయినా సరే, ముఖ్యంగా తనకు నచ్చిన సినిమా పరాజయం పాలైతే మా నాన్నగారు వ్యక్తిగతంగా తీసుకుంటారు. నా సినిమా ఫెయిల్యూర్ ఇప్పటికీ ఆయన్ను చాలా బాధ పెడుతోంది'' అని జునైద్ వివరించారు.

చిత్రసీమలో ఇన్నేళ్ల అనుభవం ఉన్నప్పటికీ... ఒక సినిమా ఫ్లాప్ అయితే ఇప్పటికీ ఆమిర్ ఖాన్ కలత చెందుతారని, ఆ బాధ నుంచి బయట పడటం కోసం తనను తాను పనిలో నిమగ్నం అయ్యేలా చేస్తారని తెలిపారు. ఇక 'ఏక్ దిన్' ఫ్లాప్ గురించి జునైద్ ఖాన్ మాట్లాడుతూ... ''మా చిత్ర బృందం సినిమాపై చాలా ఆశలు పెట్టుకుంది. కానీ, ఫలితం ఆశించినట్లు రాలేదు. వ్యక్తిగతంగా నాకు ఈ సినిమా చాలా ఇష్టం. ప్రేక్షకులలో కొందరికి నచ్చినప్పటికీ... మెజారిటీ జనాలను ఆకట్టుకోలేదు'' అని అంగీకరించారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Aamir Khan Productions (@aamirkhanproductions)

'ఏక్ దిన్' చిత్రానికి సునీల్ పాండే దర్శకత్వం వహించగా... ఆమిర్ ఖాన్ ప్రొడక్షన్స్ నిర్మించింది. సినిమా ప్రీమియర్ షోలో ఆమిర్ ఖాన్ కన్నీళ్లు పెట్టుకున్న వీడియో వైరల్ అయ్యింది. థాయ్ సినిమా 'వన్ డే' (2016)కి ఇది రీమేక్. మే 1న థియేటర్లలో విడుదలైన ఈ సినిమా మొదటి రోజు కేవలం కోటి రూపాయలు మాత్రమే వసూలు చేసింది. ఆ తర్వాత ప్రపంచ వ్యాప్తంగా 11 రోజుల్లో 5.44 కోట్ల రూపాయలు వసూలు చేసి, బాక్సాఫీస్ దగ్గర భారీ డిజాస్టర్‌గా నిలిచింది. దీనికి ముందు ప్రదీప్ రంగనాథన్ 'లవ్ టుడే'ను హిందీలో 'లవ్ యాపా'గా రీమేక్ చేశారు జునైద్. ఆ సినిమా కూడా ఫ్లాప్ అయ్యింది.