Rules Ranjann: ‘రూల్స్ రంజన్’ ఓటీటీ అప్డేట్ - ఎప్పుడు, ఎక్కడ రిలీజ్ అంటే?
కిరణ్ అబ్బవరం హీరోగా నటించిన చివరి చిత్రం ‘రూల్స్ రంజన్’ ఓటీటీలో రిలీజ్ అవ్వడానికి డేట్, టైమ్ ఫిక్స్ అయ్యింది.
కిరణ్ అబ్బవరం హీరోగా నటించిన ‘రూల్స్ రంజన్’ నవంబరు నెలాఖరికి ఓటీటీలో స్ట్రీమింగ్ అయ్యేందుకు సిద్ధమవుతోంది. ఈ సినిమా షూటింగ్ పూర్తి చేసుకున్న తర్వాత చాలాకాలం సరైన రిలీజ్ డేట్ దొరకక ప్రేక్షకుల ముందుకు రాలేకపోయింది. ఇక అన్నీ ఓకే అనుకొని రిలీజ్ డేట్‌ను అనౌన్స్ చేసిన తర్వాత మళ్లీ పలు కారణాల వల్ల పోస్ట్‌పోన్ అయ్యింది. ఫైనల్‌గా అక్టోబర్ 6న థియేటర్లలో విడుదలయ్యి ప్రేక్షకుల ముందుకు వచ్చింది. ఇక థియేటర్లో విడుదలయ్యి ఇన్నాళ్లయినా ‘రూల్స్ రంజన్’ ఇంకా ఓటీటీలోకి రావడం లేదని ఎదురుచూసిన మూవీ లవర్స్‌కు మూవీ టీమ్ అప్డేట్ ఇచ్చింది.
‘సమ్మోహనుడా’తో మెప్పించిన ‘రూల్స్ రంజన్’..
కిరణ్ అబ్బవరం, నేహా శెట్టి హీరోహీరోయిన్లుగా జ్యోతీ కృష్ణ అలియాస్ రత్నం కృష్ణ దర్శకత్వంలో తెరకెక్కిన చిత్రమే ‘రూల్స్ రంజన్’. టైటిల్‌కు తగినట్టుగానే ఈ సినిమాలో కిరణ్.. అన్ని రూల్స్‌ను పాటించే ఒక మిడిల్ క్లాస్ అబ్బాయిగా కనిపించాడు. ఈ మూవీకి సంబంధించిన టీజర్, ట్రైలర్‌ కంటే పాటలే సినిమాకు ఎక్కువగా హైప్‌ను తెచ్చిపెట్టాయి. ముఖ్యంగా ‘సమ్మోహనుడా’ పాట చార్ట్‌బస్టర్ అయ్యింది. ఈ పాటలో నేహా గ్లామర్‌కు యూత్ మరోసారి ఫిదా అయ్యారు. అంతే కాకుండా నేహా వేసిన స్టెప్పులను ఇమిటేట్ చేస్తూ చాలామంది సోషల్ మీడియాను షేక్ చేశారు. ఇక ఈ పాటను ఓటీటీలో చూసే సమయం వచ్చేసింది.
ఓటీటీలో ఎప్పుడంటే..
నవంబర్ 30న ‘రూల్స్ రంజన్’ సినిమా ఓటీటీలోకి వస్తున్నట్టు మూవీ టీమ్ ప్రకటించింది. కిరణ్ అబ్బవరం మునుపటి సినిమాలలాగానే ఈ మూవీ కూడా ఆహాలోనే స్ట్రీమ్ అవ్వనుంది. నవంబర్ 30న సాయంత్రం 6 గంటలకు ‘రూల్స్ రంజన్’ ఓటీటీ రిలీజ్‌కు ముహూర్తం ఖరారు అయ్యింది. స్టార్‌లైట్ ఎంటర్టైన్మెంట్ బ్యానర్‌పై దివ్యాంగ్‌ లవానియా, మురళి కృష్ణ వేమూరి నిర్మించిన ‘రూల్స్ రంజన్’ థియేటర్లలో పెద్దగా వసూళ్లను సాధించలేకపోయింది. దీంతో ఓటీటీలో అయినా ఈ మూవీని ప్రేక్షకులు ఆదరిస్తారని మూవీ టీమ్ ఆశిస్తోంది.
View this post on Instagram
బ్యాక్ టు బ్యాక్ సినిమాలతో దండయాత్ర..
2023లో కిరణ్ అబ్బవరం మూడు సినిమాలతో ప్రేక్షకుల ముందుకు రాగా.. అందులో చివరిదే ‘రూల్స్ రంజన్’. ముందుగా ‘వినరో భాగ్యము విష్ణు కథ’తో వచ్చిన కిరణ్.. ఆ సినిమాతో క్లీన్ హిట్‌ను అందుకున్నాడు. కానీ ఆ తర్వాత వచ్చిన ‘మీటర్’, ‘రూల్స్ రంజన్’ మాత్రం థియేటర్లలో ఎప్పుడు వచ్చాయో, ఎప్పుడు వెళ్లిపోయాయో చాలామంది ప్రేక్షకులకు తెలియదు. బ్యాక్ టు బ్యాక్ ఫ్లాప్స్ రావడంతో అసలు కిరణ్ అప్‌కమింగ్ మూవీ ఏంటి అని అప్డేట్ కూడా బయటికి రావడం లేదు. ఒక సినిమా సెట్స్‌పై ఉండగానే.. మరో రెండు సినిమాలను ఒప్పుకొని వాటి షూటింగ్‌ను స్టార్ట్ చేసే కిరణ్ ప్రస్తుతం కాస్త సైలెంట్ అయ్యాడు. హిట్, ఫ్లాప్‌తో సంబంధం లేకుండా మూడు, నాలుగు నెలలకు ఒక సినిమాను విడుదల చేస్తున్నందుకు కిరణ్ అబ్బవరంపై ట్రోలింగ్ కూడా జరుగుతోంది. కనీసం ‘రూల్స్ రంజన్’ అయినా హిట్ అవుతుంది అనుకుంటే నేహా శెట్టి గ్లామర్ కూడా ఈ మూవీని కాపాడలేకపోయింది.
Also Read: ‘వార్ 2’ రిలీజ్ డేట్ ఫిక్స్, ఎన్టీఆర్ బాలీవుడ్ డెబ్యూ మూవీ విడుదల ఎప్పుడంటే?
ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆 *T&C Apply
టాప్ హెడ్ లైన్స్
ట్రెండింగ్ వార్తలు
