War 2 Release Date: ‘వార్ 2’ రిలీజ్ డేట్ ఫిక్స్, ఎన్టీఆర్ బాలీవుడ్ డెబ్యూ మూవీ విడుదల ఎప్పుడంటే?

War 2 Release Date: ప్రతిష్టాత్మక బాలీవుడ్ మూవీ ‘వార్ 2’ రిలీజ్ డేట్ ఫిక్స్ అయ్యింది. ఇండిపెండెన్స్ డే కానుక‌గా 2025 ఆగ‌స్ట్ 14న ఈ సినిమాను ప్రేక్ష‌కుల ముందుకు తీసుకురాబోతున్నట్లు మేకర్స్ ప్రకటించారు.

హృతిక్ రోష‌న్, ఎన్టీఆర్(Photo Credit: Jr NTR/Hrithik Roshan/Instagram)

War 2 Release Date: భారతీయ సినీ అభిమానులు ఎంతగానో ఎదురు చూస్తున్న సినిమా ‘వార్ 2’. YRF స్పై యూనివ‌ర్స్‌ లో 6వ చిత్రంగా వ‌స్తున్నఈ సినిమాకు సంబంధించి మేకర్స్ అదిరిపోయే అప్ డేట్ ఇచ్చారు. ఈ మూవీ రిలీజ్ డేట్ ను అఫీషియల్ గా అనౌన్స్ చేశారు. ఇండిపెండెన్స్ డే కానుక‌గా 2025 ఆగ‌ష్టు 14న విడుద‌ల చేయ‌నున్న‌ట్లు ప్ర‌క‌టించారు. ‘బ్ర‌హ్మ‌స్త’ సినిమాతో బ్లాక్ బస్టర్ హిట్ కొట్టిన  అయాన్ ముఖ‌ర్జీ ‘వార్‌ 2’ సినిమాకు దర్శకత్వం వహిస్తున్నారు. ఇండియన్ సూపర్ హీరో హృతిక్ రోష‌న్‌, టాలీవుడ్ స్టార్ హీరో జూ.ఎన్టీఆర్ ఈ సినిమాలో నటిస్తున్నారు. 'ఆర్ఆర్ఆర్' లాంటి గ్లోబల్ హిట్ తర్వాత ఎన్టీఆర్ చేస్తున్న బాలీవుడ్ మూవీ కావడంతో హిందీతో పాటు తెలుగులోనూ ఈ ప్రాజెక్టుపై భారీ హైప్ నెలకొంది. 2019లో హృతిక్, టైగర్ ష్రాఫ్, వాణి కపూర్ కలిసి నటించిన ‘వార్’కు సీక్వెల్ గా ఈ చిత్రం తెరకెక్కుతున్నది. 

#BreakingNews… YRF ANNOUNCES ‘WAR 2’ RELEASE DATE: INDEPENDENCE DAY WEEKEND 2025… The sixth film from #YRFSpyUniverse - #War2 - now has a release date… Get ready for mayhem at the #Boxoffice on 14 Aug 2025 [Thursday]… #AyanMukerji directs the film that’s produced by #YRF. pic.twitter.com/dHQ6BHQ9Es

— taran adarsh (@taran_adarsh) November 29, 2023

నెగెటివ్ రోల్ లో ఎన్టీఆర్!

‘వార్ 2’ సినిమాతో టాలీవుడ్ యంగ్ టైగర్ జూనియ‌ర్ ఎన్టీఆర్ బాలీవుడ్‌లోకి అడుగు పెట్టబోతున్నారు. స్పై యాక్ష‌న్ థ్రిల్ల‌ర్‌గా తెర‌కెక్కుతోన్న ఈ సినిమాలో హృతిక్ రోష‌న్ హీరోగా నటిస్తుండగా, ఎన్టీఆర్ నెగెటివ్ రోల్ పోషిస్తున్నట్లు తెలుస్తోంది. హృతిక్ రోష‌న్‌కు ధీటుగా ప‌వ‌ర్‌ ఫుల్‌ పాత్రలో కనిపిస్తారనే టాక్ నడుస్తోంది. 2024 ఫిబ్ర‌వ‌రి నుంచి ‘వార్ 2’ సినిమాలో ఎన్టీఆర్ పాల్గొంటారనే ప్రచారం జరుగుతోంది. భారీ యాక్ష‌న్ ఎపిసోడ్‌తో ఎన్టీఆర్ మూవీ సెట్స్ లోకి అడుగు పెడతారని తెలుస్తోంది. ముంబైలో షెడ్యూల్ లో ఎన్టీఆర్, హృతిక్ రోష‌న్‌ మీద ఇంటెన్స్ యాక్ష‌న్ ఎపిసోడ్స్‌ ను తెరకెక్కించేందుకు దర్శకుడు ముఖ‌ర్జీ ప్లాన్ ప్లాన్ చేస్తున్నారట. ఇక ఈ సినిమాలో బాలీవుడ్ బ్యూటీ కియారా అద్వానీ హీరోయిన్‌గా న‌టించ‌నున్న‌ట్లు తెలిసింది.

‘దేవర’ షూటింగ్ లో ఎన్టీఆర్ బిజీ

ఎన్టీఆర్ ప్రస్తుతం కొరటాల శివ దర్శకత్వంలో 'దేవర' షూటింగ్ తో బిజీగా ఉన్నారు. ఈ సినిమాలో జాన్వీ క‌పూర్ హీరోయిన్‌గా న‌టిస్తోంది. 'జనతా గ్యారేజ్' వంటి కమర్షియల్ సక్సెస్ తర్వాత కొరటాల, ఎన్టీఆర్ కాంబినేషన్లో రాబోతున్న 'దేవర'పై ఇప్పటికే భారీ అంచనాలు నెలకొన్నాయి. అందుకు తగ్గట్లే ఈ సినిమాని తెరకెక్కిస్తున్న కొరటాల. కోలీవుడ్ మ్యూజిక్ సెన్సేషన్ అనిరుద్ రవిచంద్రన్ సంగీతం అందిస్తున్న ఈ చిత్రంలో, బాలీవుడ్ అగ్ర హీరో సైఫ్ అలీ ఖాన్ విలన్ గా కనిపించనున్నారు. బాలీవుడ్ సీనియర్ యాక్టర్ సంజయ్ దత్ కూడా అతిధి పాత్రలో నటిస్తున్నారు.  రెండు భాగాలుగా రాబోతున్న ఈ చిత్రాన్ని ఎన్టీఆర్ ఆర్ట్స్, యువ సుధా ఆర్ట్స్ బ్యానర్లపై నందమూరి కళ్యాణ్ రామ్, సుధాకర్ మిక్కిలినేని సంయుక్తంగా నిర్మిస్తున్నారు. రత్న వేలు సినిమాటోగ్రఫీ అందిస్తున్న ఈ సినిమా మొదటి భాగాన్ని వచ్చే ఏడాది వేసవి కానుకగా ఏప్రిల్ 5న విడుదల చేయనున్నారు. ‘దేవ‌ర’ త‌ర్వాత ప్ర‌శాంత్ నీల్‌తో ఎన్టీఆర్ ఓ సినిమా చేయ‌బోతున్నారు.

ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆 *T&C Apply