ఎట్టకేలకు కూతురిని కెమెరాకి పరిచయం చేసిన రణ్ బీర్, ఆలియా.. రాహా ఎంత అందంగా ఉందో చూశారా?

Ranbir Alia Daughter Pictures : రణబీర్ ఆలియా తమ కూతురిని తాజాగా మొదటిసారి కెమెరాకి పరిచయం చేశారు. అందుకు సంబంధించిన ఫోటోలు, వీడియోలు నెట్టింట వైరల్ అవుతున్నాయి.

రణబీర్, ఆలియా, రాహా(Photo Credit: Ranbir kapoor/Instagram)

Raha Kapoor First Ever Appearance : బాలీవుడ్ క్యూట్ కపుల్ రణ్ బీర్ కపూర్, అలియా భట్ గురించి సినిమా ఇండస్ట్రీలో అందరికీ తెలిసే ఉంటుంది. ఐదేళ్లుగా ప్రేమలో ఉన్న ఈ జంట గతేడాది పెళ్ళి బంధంతో ఒక్కటయ్యారు. వీరి ప్రేమకు ప్రతిరూపంగా కుమార్తె రాహా కపూర్ జన్మించింది. కూతురుతో టైమ్ స్పెండ్ చేయడం కోసం.. సినిమాలకు కూడా గ్యాప్ ఇచ్చి మరీ పాపను చూసుకుంటున్నారు ఈ బాలీవుడ్ జంట. రీసెంట్ గా ఫస్ట్ మ్యారేజ్ ఆనివర్సరీ కూడా కంప్లీట్ చేసుకున్నారు. ఇదిలా ఉంటే  రణ్ బీర్ ఆలియా ఇప్పటివరకు కూతురి ముఖాన్ని కెమెరాలకు చూపించలేదు.

సోషల్​మీడియాలోను ఒక్క ఫొటో కూడా పోస్ట్​ చేయలేదు. అంతే కాకుండా చిన్నారికి రెండేళ్లు వచ్చే వరకు.. ఫొటోలు పోస్ట్​ చేయరని ఆలియా సన్నిహితులు తెలిపారు. ఇక ఎట్టకేలకు తమ కూతురిని కెమెరాకు పరిచయం చేశారు ఈ బాలీవుడ్ కపుల్. క్రిస్మస్ సందర్భంగా రణబీర్ ఆలియా కూతురుతో ముంబైలో సందడి చేశారు. మొట్టమొదటిసారి ఈ జంట తమ కూతురిని మీడియా ముందుకు తీసుకురావడంతో మీడియా వాళ్లంతా ఆ చిన్నారిని ఫోటోలు తీస్తూ రణ్ బీర్, ఆలియా జంటకి క్రిస్మస్ శుభాకాంక్షలు తెలిపారు. ఇక మొదటిసారి కూతుర్ని కెమెరాకి పరిచయం చేయడంతో రాహకి సంబంధించిన ఫోటోలు, వీడియోలు సోషల్ మీడియా అంతటా తెగ వైరల్ గా మారుతున్నాయి.

రణ్ బీర్, ఆలియాల ముద్దుల కూతురు రాహా చూడటానికి చాలా అందంగా, ఎంతో బబ్లీగా ఉంది. ఈ ఫోటోలు చూసిన ఫ్యాన్స్ నెటిజన్స్ రాహ చాలా అందంగా ఉందని, ఎంతో క్యూట్ గా ఉందంటూ, పాపకి ఆలియా పోలికలే వచ్చాయంటూ.. ఇలా రకరకాల కామెంట్స్ చేస్తున్నారు. అంతేకాకుండా రన్ బీర్, ఆలియా ఫ్యాన్స్ ఈ చిన్నారికి సంబంధించిన ఫోటోలు, వీడియోలను నెట్టింట తెగ షేర్ చేస్తున్నారు. ఇక రణ్ బీర్ కపూర్ రీసెంట్ గా 'యానిమల్' సినిమాతో కెరీర్ లోనే బిగ్గెస్ట్ అందుకున్న విషయం తెలిసిందే. అర్జున్ రెడ్డి మూవీ ఫేమ్ సందీప్ రెడ్డి వంగ దర్శకత్వం వహించిన ఈ సినిమా డిసెంబర్ 1న పాన్ ఇండియా స్థాయిలో విడుదలై సంచలన విజయాన్ని అందుకుంది.

విడుదలై మూడు వారాలు అవుతున్నా ఇప్పటికీ థియేటర్స్ లో డీసెంట్ కలెక్షన్స్ అందుకుంటుంది. ఇప్పటివరకు వరల్డ్ వైడ్ గా రూ.860 కోట్లకు పైగా కలెక్షన్స్ అందుకని రూ.1000 కోట్ల దిశగా పరుగులు పెడుతోంది. రష్మిక మందన హీరోయిన్గా నటించిన ఈ చిత్రంలో బాలీవుడ్ సీనియర్ యాక్టర్స్ అనిల్ కపూర్, బాబీ డియోల్ కీలక పాత్రలు పోషించారు. ఇక యానిమల్ తర్వాత సుమారు 6 నెలల పాటు రణ్ బీర్ సినిమాలకు గ్యాప్ ఇవ్వనున్నట్లు తెలుస్తోంది. అందుకు కారణం తన కూతురే అని ఇటీవల ఓ ఇంటర్వ్యూలో వెల్లడించాడు. తన కూతురు పుట్టినప్పటినుంచి షూటింగ్స్ తో బిజీగా ఉండడం వల్ల ఆమెతో టైం స్పెండ్ చేయలేకపోయానని, అందుకే ఆరు నెలల పాటు సినిమాలకు విరామం తీసుకుంటున్నట్లు తెలిపాడు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Pinkvilla (@pinkvilla)