Ram Charan Upasana : మళ్ళీ ఫారిన్ టూర్ వేసిన రామ్ చరణ్, ఉపాసన - ఎక్కడికి వెళ్ళారంటే? 

రామ్ చరణ్, ఉపాసన దంపతులు మళ్ళీ ఫారిన్ టూర్ వేశారు. ఈసారి వాళ్ళు ఎక్కడికి వెళ్ళారంటే? 

రామ్ చరణ్, ఉపాసన దంపతులు

సూపర్ స్టార్ మహేష్ బాబు ఫ్యామిలీతో ఎక్కువగా ఫారిన్ టూర్లు వేస్తూ ఉంటారని ఇండస్ట్రీ జనాలు సరదాగా అంటుంటారు. ప్రస్తుతం ఘట్టమనేని ఫ్యామిలీ పారిస్ ట్రిప్ వేశారు. మహేష్ విషయాన్ని కాసేపు పక్కన ఉంచితే... రామ్ చరణ్ చాలా సైలెంట్‌గా ఫారిన్ టూర్లకు వెళ్లి వస్తున్నారు. 

మాల్దీవుల్లో చరణ్ అండ్ ఉపాసన!
ఇప్పుడు రామ్ చరణ్, ఆయన సతీమణి ఉపాసన (Upasana Konidela) మాల్దీవుల్లో ఉన్నారు. హైదరాబాద్ ఎయిర్ పోర్టులో శనివారం మధ్యాహ్నం దంపతులు ఇద్దరూ కనిపించారు. ఈ ఏడాది చరణ్, ఉపాసన మూడో ఫారిన్ టూర్ ఇది. ఆస్కార్స్ కోసం అమెరికా వెళ్లి వచ్చారు. ఆ తర్వాత సీమంతం కోసం దుబాయ్ వెళ్లి వచ్చారు. ఇదిగో ఇప్పుడు మాల్దీవ్స్ టూర్! బహుశా... 2023 ఎండ్ అయ్యే సరికి ఎక్కువ ఫారిన్ టూర్స్ వేసిన స్టార్ రామ్ చరణ్ అవుతారేమో!?

కుటుంబం... సినిమా... రెండిటిని బ్యాలన్స్ చేస్తూ మెగా పవర్ స్టార్ రామ్ చరణ్ ముందుకు సాగుతున్నారు. పర్ఫెక్ట్ ప్లానింగుతో లైఫ్ లీడ్ చేస్తున్నారు. ఆస్కార్స్ వేడుక ముగిసిన తర్వాత అమెరికా నుంచి వచ్చిన రామ్ చరణ్ (Ram Charan)... వెంటనే 'గేమ్ చేంజర్' షూటింగులో పాల్గొన్నారు. ఇండియన్ స్టార్ కొరియోగ్రాఫర్ ప్రభుదేవా కొరియోగ్రఫీ నృత్య దర్శకత్వంలో ఓ సాంగ్ చేశారు. తర్వాత దుబాయ్ ట్రిప్ వేశారు. 

రామ్ చరణ్ సినిమాలకు వస్తే... 'గేమ్ చేంజర్' తర్వాత సానా బుచ్చిబాబు దర్శకత్వంలో ఓ సినిమా చేయనున్నారు. ఆ తర్వాత కన్నడ దర్శకుడు నర్తన్, తమిళ దర్శకుడు లోకేష్ కానగరాజ్ సినిమాలు లైనులో ఉన్నాయి. 

 

 

 

 

 

View this post on Instagram

 

 

 

 

 

 

 

 

 

 

 

A post shared by RamcharanCults (@ramcharan_crazy_fans_2.0)

దుబాయ్‌లో ఉపాసన సీమంతం
రామ్ చరణ్, ఉపాసన దంపతులు కొన్ని రోజుల క్రితం దుబాయ్‌లో ఉన్నారు. అతి కొద్ది మంది కుటుంబ స‌భ్యులు, కొంత మంది సన్నిహిత మిత్రుల సమక్షంలో ఉపాసన సీమంతం వేడుకలు జరిగాయి. ఉపాసన సోద‌రి అనుష్పాల కామినేని, సింధూరి రెడ్డి ఈ వేడుకను నిర్వ‌హించారు. ఉపాసన సీమంతం వేడుకకు ఆమె అమ్మమ్మ, డాక్టర్ ప్రతాప్ సి. రెడ్డి భార్య సుచరితా రెడ్డి కూడా పాల్గొన్నారు. హుందాగా క‌నిపించి అంద‌రి హృద‌యాల‌ను ఆమె దోచుకున్నారు. ఇన్‌స్టాగ్రామ్‌లో శ్రీమంతం వేడుక వీడియో షేర్ చేశారు ఉపాసన

బేబీ బంప్‌తో కనబడుతున్న ఉపాసన
ఆస్కార్ వేడుకల నుంచి ఉపాసనను గమనిస్తే... బేబీ బంప్‌తో కనబడుతున్నారు. ఆ మధ్య జరిగిన రామ్ చరణ్ బర్త్ డే (Ram Charan Birthday) ఫొటోల్లోనూ ఉపాసన బేబీ బంప్ హైలైట్ అయ్యింది.రామ్ చరణ్ పుట్టిన రోజున ఉపాసన వేసుకున్న డ్రస్ చూశారా? బ్లూ కలర్ డ్రస్ ధరించారు. అందులో బేబీ బంప్ చాలా క్లారిటీగా కనిపించింది. దీంతో ఉపాసన ప్రెగ్నెన్సీపై అనుమానులు అన్నీ క్లియర్ అవుతాయని చెప్పవచ్చు.

రామ్ చరణ్ (Ram Charan), ఉపాసన (Upasana) వివాహం ఎప్పుడు జరిగిందో గుర్తు ఉందా? జూన్ 14, 2012లో వాళ్ళిద్దరి పెళ్లి జరిగింది. వివాహమైన పదకొండేళ్లకు వాళ్లిద్దరూ తల్లిదండ్రులు కానున్నారు. అపోలో ఆస్పత్రిలో ఇక్కడి వైద్యులతో పాటు కొంత మంది విదేశీ వైద్యుల పర్యవేక్షణలో డెలివరీకి ఏర్పాట్లు జరుగుతున్నాయి.