Ram Charan RC17 Update : రామ్ చరణ్, సుకుమార్ మూవీ - షూటింగ్ స్టార్ట్ అయ్యేది అప్పుడే!

Ram Charan Sukumar : గ్లోబల్ స్టార్ రామ్ చరణ్ నెక్స్ట్ మూవీపై ఓ క్రేజీ న్యూస్ వైరల్ అవుతోంది. సుకుమార్ దర్శకత్వంలో రాబోతోన్న ఈ మూవీ షూటింగ్ త్వరలోనే ప్రారంభం కానుంది.

రామ్ చరణ్, సుకుమార్ మూవీ అప్డేట్

Source : https://www.youtube.com/watch?v=Ua5ZY0V35hA

Ram Charan Sukumar Movie RC17 Shooting Update : గ్లోబల్ స్టార్ రామ్ చరణ్ అవెయిటెడ్ విలేజ్ స్పోర్ట్స్ డ్రామా పెద్ది జూన్ 4న ప్రేక్షకుల ముందుకు రానుంది. ప్రస్తుతం షూటింగ్ పూర్తి కాగా... పోస్ట్ ప్రొడక్షన్ వర్క్స్, ప్రమోషనల్ ఈవెంట్స్‌పై మూవీ టీం ఫోకస్ చేసింది. త్వరలోనే ట్రైలర్ కట్ రిలీజ్ చేయనున్నారు. ఈ క్రమంలో అందరి చూపు చరణ్ నెక్స్ట్ మూవీపై పడింది. స్టార్ డైరెక్టర్ సుకుమార్‌తో ఆయన తదుపరి సినిమా చేయనున్నట్లు ఎప్పుడో ఫిక్స్ అయ్యింది.

షూటింగ్ ఎప్పుడంటే?

'RC17' వర్కింగ్ టైటిల్‌తో ఈ ప్రాజెక్ట్ తెరకెక్కనుండగా... షూటింగ్‌పై ఓ క్రేజీ న్యూస్ వైరల్ అవుతోంది. ఇప్పటికే స్క్రిప్ట్ పనులు చివరి దశకు చేరుకున్నాయని... కైమాక్స్‌తో పాటు కొన్నింటికి సుకుమార్ తుది మెరుగులు దిద్దుతున్నట్లు తెలుస్తోంది. ప్రముఖ చిత్ర నిర్మాణ సంస్థ మైత్రీ మూవీ మేకర్స్ ఈ మూవీని నిర్మిస్తుండగా... జులై నుంచి షూటింగ్ ప్రారంభించేందుకు సన్నాహాలు చేస్తున్నట్లు సమాచారం. జూన్ 4న పెద్ది తర్వాత కాస్త గ్యాప్ తీసుకుని పూజా కార్యక్రమాలతో షూటింగ్ స్టార్ట్ కానుంది.

చరణ్, సుక్కూ కాంబోలో వచ్చిన 'రంగస్థలం' బాక్సాఫీస్ వద్ద సంచలన విజయం సాధించింది. ఈ క్రమంలో రెండో మూవీపై భారీ హైప్ క్రియేట్ అవుతోంది. పెద్దిలో పక్కా మాస్ లుక్‌లో కనిపించగా... చరణ్ గ్రేస్‌కు తగ్గట్లుగానే తనదైన శైలిలో పవర్ ఫుల్ మాస్ యాక్షన్ కథను సుకుమార్ రెడీ చేసినట్లు సమాచారం. త్వరలోనే దీనికి సంబంధించి మరిన్ని వివరాలు వెల్లడి కానున్నాయి.

'పుష్ప' ఫ్రాంచైజీతో పాన్ ఇండియా సక్సెస్ అందుకున్నారు సుకుమార్. వరల్డ్ వైడ్‌గా రూ.1,800 కోట్లకు పైగా ఈ మూవీ కలెక్షన్స్ సాధించింది. ఆయన నుంచి రాబోయే నెక్స్స్ మూవీ అంతకు మించిన స్థాయిలో ఉండడం ఖాయమని... అందులోనూ చరణ్‌తో మూవీ కావడంతో గత రికార్డులు చెరిపేయడం పక్కా అంటూ మెగా అభిమానులు కామెంట్స్ చేస్తున్నారు.

పెద్ది ట్రైలర్ ఎప్పుడంటే?

ఇక చరణ్, బుచ్చిబాబు కాంబోలో వచ్చిన పెద్ది కోసం ఈగర్‌గా వెయిట్ చేస్తున్నారు. ఇప్పటికే రిలీజ్ చేసిన సాంగ్స్, గ్లింప్స్ భారీ హైప్ క్రియేట్ చేయగా ట్రైలర్ సరికొత్త ట్రెండ్ క్రియేట్ చేయడం ఖాయమని అంటున్నారు. ఈ నెల 17న లేదా 18న ట్రైలర్ రిలీజ్ చేసేందుకు ప్లాన్ చేస్తున్నారు. 

మూవీలో చరణ్ సరసన జాన్వీ కపూర్ హీరోయిన్‌గా నటిస్తున్నారు. కన్నడ స్టార్ శివరాజ్ కుమార్, మీర్జాపూర్ ఫేం దివ్యేందు శర్మ, బొమన్ ఇరానీ, జగపతి బాబు, డైలాగ్ కింగ్ సాయికుమార్ కీలకపాత్రలు పోషిస్తున్నారు. మైత్రీ మూవీ మేకర్స్, సుకుమార్ రైటింగ్స్ సమర్పణలో వృద్ధి సినిమాస్ బ్యానర్‌పై వెంకట సతీష్ కిలారు నిర్మిస్తున్నారు. పాన్ ఇండియా స్థాయిలో జూన్ 4 సినిమా రిలీజ్ కానుంది.

మరిన్ని చదవండి

విజయ్ తర్వాత ఎన్టీఆరే! తమిళనాడులో విజయ్ పార్టీ టీవీకే విజయంతో హోరెత్తిపోతున్న సోషల్ మీడియా!