Game Changer Teaser: ‘అయాం అన్‌ప్రిడిక్టబుల్’ - మెగా ఫ్యాన్స్‌కు మాస్ ట్రీట్ ఇచ్చిన శంకర్!

Game Changer Teaser Launched: 'గేమ్ ఛేంజర్' సినిమా నుంచి చాలా రోజుల నుంచి మెగా ఫ్యాన్స్ ఎదురు చూస్తున్న టీజర్ రానే వచ్చింది. మరి ఈ టీజర్ ఎలా ఉందో చూసేద్దాం పదండి.

Game Changer Teaser

Source : twitter

Ram Charan Game Changer Teaser: మెగా అభిమానులంతా ఎప్పుడెప్పుడా అని ఎదురు చూస్తున్న 'గేమ్ ఛేంజర్' మూవీ నుంచి తాజాగా టీజర్ రిలీజ్ అయింది. మొత్తానికి మూడేళ్లుగా ఎన్నో ఆశలతో ఎదురు చూస్తున్నా మెగా ఫ్యాన్స్ కు ఈరోజు అసలైన ట్రీట్ వచ్చేసింది. మరి ఈ టీజర్ ఎలా ఉంది? టీజర్ లోని విశేషాలు ఏంటి?

విజనరీ డైరెక్టర్ శంకర్ దర్శకత్వంలో మెగా పవర్ స్టార్ రామ్ చరణ్ హీరోగా నటిస్తున్న పాన్ ఇండియా పొలిటికల్ ఎంటర్టైనర్ 'గేమ్ ఛేంజర్'. ప్రముఖ టాలీవుడ్ నిర్మాత దిల్ రాజు ఈ సినిమాను శ్రీ వెంకటేశ్వర క్రియేషన్స్ బ్యానర్ పై భారీ బడ్జెట్ తో నిర్మిస్తున్నారు. ఇక ఈ సినిమాలో రామ్ చరణ్ సరసన బాలీవుడ్ బ్యూటీ కియారా అద్వానీ హీరోయిన్ గా నటిస్తోంది. అలాగే ఎస్జే సూర్య, సునీల్, అంజలి తదితరులు కీలకపాత్రలు పోషిస్తున్నారు. ఇప్పటికే ఈ సినిమా నుంచి రెండు పాటలు, పలు పోస్టర్స్ రిలీజ్ కాగా సినిమాపై అంచనాలను పెంచేశాయి. అలాగే నిన్న రాత్రి 'గేమ్ ఛేంజర్'కు సంబంధించిన చిన్న ప్రోమోను రిలీజ్ చేసి మరింత క్యూరియాసిటీని పెంచారు మేకర్స్. ఇక ఈరోజు టీజర్ లాంచ్ ఈవెంట్ గ్రాండ్ గా లక్నోలో జరుగుతున్న సంగతి తెలిసిందే. 

నిర్మాత దిల్ రాజు ఈ మూవీ టీజర్ లాంచ్ ఈవెంట్ లో నవంబర్ 9న జరగబోతుందని అనౌన్స్ చేసినప్పటి నుంచి సోషల్ మీడియాలో 'గేమ్ ఛేంజర్' ట్రెండింగ్ లో ఉంది. దానికి తగ్గట్టుగానే తాజాగా రిలీజ్ అయిన ట్రైలర్ కూడా ఆసక్తికరంగా ఉంది. చెప్పినట్టుగానే మేకర్స్ శనివారం సాయంత్రం 6 గంటలకు టీజర్ ను రిలీజ్ చేశారు. టీజర్ లో శంకర్ మార్క్ భారీ విజువల్స్ కనిపించాయి. ఆఖర్లో ‘అయాం అన్‌ప్రిడిక్టబుల్’ అంటూ రామ్ చరణ్ కొత్త తరహా బాడీ లాంగ్వేజ్‌లో చెప్పే డైలాగ్ టీజర్‌కు హైలెట్. అలాగే బ్యాక్గ్రౌండ్ స్కోర్ కూడా అద్భుతంగా ఉంది. తమన్ అందించిన మ్యూజిక్ ఈ టీజర్ లో మెయిన్ హైలెట్ అని చెప్పొచ్చు. అదిరిపోయే యాక్షన్ సీన్స్ తో పాటు ఈ సినిమాలో రామ్ చరణ్ స్టైలిష్ గా కనిపించబోతున్నాడని టీజర్ ద్వారా వెల్లడించారు. టీజర్ చూస్తుంటే థియేటర్లలో ఈ సినిమా దుమ్మురేపడం ఖాయం అనిపిస్తోంది. 

కాగా టీజర్ లాంచ్ ఈవెంట్ లో భాగంగా 'గేమ్ ఛేంజర్' చిత్ర బృందం అంతా లక్నోకు వెళ్లిన సంగతి తెలిసిందే. కాగా టీజర్ ని తెలుగు లో దిల్ రాజు యూట్యూబ్ ఛానల్లో, తమిళ్ లో సరిగమ తమిళ్ ఛానల్లో, హిందీలో జీ స్టూడియోస్ ఛానల్లో రిలీజ్ చేశారు. కాగా 'గేమ్ ఛేంజర్' పాన్ ఇండియా మూవీగా జనవరి 10న భారీ ఎత్తున థియేటర్లలోకి రాబోతోంది. ఇక టీజర్ తో మొదలైన ప్రమోషన్ కార్యక్రమాలు జనవరి దాకా జోరుగా నడవబోతున్నాయి. ఈ ఈవెంట్ తర్వాత అమెరికా డల్లాస్ లో ఓ భారీ ఈవెంట్ ను నిర్వహించబోతున్నారు. అలాగే జనవరి మొదటి వారంలో ఏపీ తెలంగాణలో కూడా ఇలాంటి ఈవెంట్ ఉంటుంది. అయితే జనవరి మొదటి వారంలో 'గేమ్ ఛేంజర్' సినిమా ప్రీ రిలీజ్ ఈవెంట్ ఉండొచ్చు.