Jailer 2 Leak : రజనీ కాంత్ 'జైలర్ 2' ఫుటేజీ లీక్ - చిత్ర నిర్మాణ సంస్థ స్ట్రాంగ్ వార్నింగ్... జన నాయగన్ లీక్ మరువక ముందే...

Jailer 2 Footage : కోలీవుడ్ ఇండస్ట్రీలో మరో మూవీ రిలీజ్‌కు ముందే లీకుల బారిన పడింది. రజనీ కాంత్ జైలర్ 2 సెట్స్ నుంచి ఓ వీడియో నెట్టింట వైరల్ అవుతోంది.

జైలర్ 2 ఫుటేజీ లీక్

Source : https://www.youtube.com/watch?v=PmPoS5oyuBw

Rajinikanth's Jailer 2 Footage Leaked Online : కోలీవుడ్ ఇండస్ట్రీని వరుస లీకులు ఇబ్బంది పెడుతున్నాయి. దళపతి విజయ్ జన నాయగన్ లీక్ కేసు ఇంకా పూర్తిగా మరువక ముందే మరో స్టార్ హీరో మూవీకి సంబంధించిన వీడియో సోషల్ మీడియాలో ప్రత్యక్షమైనట్లు తెలుస్తోంది.

జైలర్ 2 ఫుటేజీ లీక్

సూపర్ స్టార్ రజనీ కాంత్ బ్లాక్ బస్టర్ సీక్వెల్ 'జైలర్ 2'కు సంబంధించి ఓ ఫుటేజీ సోషల్ మీడియాలో వైరల్ అవుతోంది. ఇది చూసిన తలైవా అభిమానులు ఒక్కసారిగా షాక్ అయ్యారు. దీనిపై చిత్ర నిర్మాణ సంస్థ సన్ పిక్చర్స్ రియాక్ట్ అయ్యింది. 'జైలర్ 2 సెట్స్ నుంచి ఓ వీడియో లీక్ అయి సోషల్ మీడియాలో వైరల్ అవుతున్నట్లు మా దృష్టికి వచ్చింది. మా యాంటీ పైరసీ బృందం దీన్ని తొలగించేందుకు చర్యలు చేపట్టింది.

ఈ క్లిప్ షేర్ చేయడం లేదా డౌన్ లోడ్ చేయడం వంటివి చెయ్యొద్దు. అలా చేసిన వారిపై కఠిన చర్యలు తీసుకుంటాం. వారి అకౌంట్స్ సస్పెండ్ అయ్యి క్రిమినల్ కేసులు ఎదుర్కోవాల్సి ఉంటుంది.' అంటూ స్ట్రాంగ్ వార్నింగ్ ఇచ్చింది. గతంలో లోకేశ్ కనగరాజ్ దర్శకత్వంలో వచ్చిన కూలీ మూవీ నుంచి రిలీజ్‌కు ముందే వీడియో లీక్ అయ్యింది. సెట్‌లో నాగార్జునకు సంబంధించి ఓ వీడియో లీక్ కావడం అప్పట్లో కలకలం రేపింది.

ఈ మూవీకి నెల్సన్ దిలీప్ కుమార్ దర్శకత్వం వహిస్తుండగా... 2023లో వచ్చిన జైలర్ మూవీకి సీక్వెల్‌గా ఈ మూవీని రూపొందిస్తున్నారు. రిటైర్డ్ పోలీస్ ఆఫీసర్ ముత్తువేల్ పాండియన్ పాత్రలో రజనీ అదరగొట్టారు. ఆయన భార్యగా రమ్యకృష్ణ, కరుణాడ చక్రవర్తి శివరాజ్ కుమార్, మలయాళ స్టార్ మోహన్ లాల్, జాకీ ష్రాఫ్, సునీల్, వినాయకన్ వంటి స్టార్స్ నటించారు. సీక్వెల్‌లో కొత్త రోల్స్ యాడ్ కానున్నట్లు తెలుస్తోంది. సన్ పిక్చర్స్ బ్యానర్‌పై కళానిధి మారన్ మూవీని... ఫస్ట్ పార్ట్‌ను మించి భారీ బడ్జెట్‌తో నిర్మిస్తున్నారు.

విగ్రహాల చోరీ ముఠా వల్ల ఓ రిటైర్స్ పోలీస్ ఆఫీసర్ ఫ్యామిలీ ఎన్ని ఇబ్బందులు ఎదుర్కొంది? తన కుటుంబాన్ని కాపాడుకునేందుకు సదరు ఆఫీసర్ ఏం చేశాడు? క్లైమాక్స్‌లో ఆయనకు తెలిసిన షాకింగ్ నిజం వంటి వాటిని ఫస్ట్ పార్ట్‌లో చూపించగా... ఇంట్రెస్టింగ్ కాన్సెప్ట్‌తో సీక్వెల్ తెరకెక్కుతోంది. ఇప్పటికే షూటింగ్ చివరి దశకు చేరుకోగా... జూన్ 12న మూవీ రిలీజ్ చేసేందుకు మేకర్స్ ప్లాన్ చేస్తున్నారు.

మరిన్ని చదవండి

రాముడిది నార్త్... రావణుడిది సౌత్ - రామాయణంపై సెటైర్స్... ప్రకాష్ రాజ్‌పై క్రిమినల్ కేసు