Nithiin: టాలీవుడ్ హీరోకు ధోనీ సర్‌ప్రైజ్‌ గిఫ్ట్, నెట్టింట్లో ఫోటో వైరల్
Nithiin: టాలీవుడ్ నటుడు నితిన్ కు అరుదైన గిఫ్ట్ అందింది. టీమిండియా మాజీ కెప్టెన్ ధోని సైన్ చేసిన టీషర్ట్ ను బహుమతిగా అందుకున్నారు. ప్రస్తుతం ఈ ఫోటో సోషల్ మీడియాలో వైరల్ అవుతోంది.
Nithiin gets a special gift from MS Dhoni: టాలీవుడ్ హీరో నితిన్ తాజాగా నటిస్తున్న చిత్రం ‘ఎక్స్‌ ట్రా ఆర్డినరీ మ్యాన్‌’. యాక్షన్‌ ఎంటర్‌టైనర్‌గా రూపొందుతున్న ఈ సినిమాకు వక్కంతం వంశీ దర్శకత్వం వహిస్తున్నారు. క్యూట్ బ్యూటీ శ్రీలీల ఈ సినిమాలో హీరోయిన్ గా నటిస్తోంది. ఇప్పటికే షూటింగ్ పూర్తి చేసుకున్న ఈ సినిమా ప్రస్తుతం పోస్టు ప్రొడక్షన్ పనులు జరుపుకుంటోంది. డిసెంబర్ 8న ప్రపంచ వ్యాప్తంగా ప్రేక్షకుల ముందుకు వస్తోంది. ఇప్పటికే ఈ సినిమా నుంచి విడుదలైన ఫస్ట్ లుక్ పోస్టర్లు, పాటలు ప్రేక్షకులను ఆకట్టుకుంటున్నాయి. డేంజర్ పిల్లా, బ్రష్‌ వేసుకో అనే పాటలు సంగీత ప్రియులను బాగా అలరిస్తున్నాయి.
ధోని నుంచి సర్‌ప్రైజ్‌ గిఫ్ట్ అందుకున్న నితిన్
‘ఎక్స్‌ట్రా ఆర్డినరీ మ్యాన్‌’ విడుదల దగ్గర పడుతున్న నేపథ్యంలో చిత్రబృందం ప్రమోషన కార్యక్రమాలను ముమ్మరంగా నిర్వహిస్తోంది. నితిన్ తో పాటు మూవీ యూనిట్ వరుస ఇంటర్వ్యూలతో సినిమాపై హైప్ క్రియేట్ చేస్తున్నారు. ఈ నేపథ్యంలో నితిన్ సోషల్ మీడియాలో పోస్టు చేసిన ఓ ఫోటో బాగా వైరల్ అవుతోంది. టీమిండియా మాజీ కెప్టెన్ మహేంద్ర సింగ్ ధోనీ సైన్ చేసిన టీ షర్ట్‌ ను నితిన్ కు గిఫ్ట్ గా అందించాడు. నితిన్ తాజా మూవీ ‘ఎక్స్‌ ట్రా ఆర్డినరీ మ్యాన్‌’ సినిమా విజయం సాధించాలని ఆకాంక్షిస్తూ బెస్ట్ విషెస్ చెప్పారు. ఈ సర్‌ప్రైజ్‌ గిఫ్ట్ పై నితిన్ స్పందించాడు. “ఎక్స్‌ ట్రా ఆర్డినరీ మ్యాన్‌ నుంచి ఎక్స్‌ ట్రా ఆర్డినరీ బహుమతి. ఈ కానుక అందించిన ధోనికి ధన్యవాదాలు. లవ్‌ యూ” అంటూ ట్వీట్ చేశాడు. టీషర్ట్ పట్టుకొని దిగిన స్టిల్‌ ను షేర్ చేశాడు. ప్రస్తుతం ఈ ఫోటో సోషల్ మీడియాలో హల్ చల్ చేస్తోంది. ఇంతకీ ధోనీని నితిన్ ఎప్పుడు? ఎక్కడ కలిశాడో? తెలియాల్సి ఉంది.
EXTRAORDINARY gift from an EXTRAORDINARY MAN… Thankuu @msdhoni sir for this!! Love u ❤️ pic.twitter.com/dNTeXl1JOe
— nithiin (@actor_nithiin) November 29, 2023
డిసెంబర్ 8న ప్రపంచ వ్యాప్తంగా విడుదల
‘ఎక్స్‌ ట్రా ఆర్డినరీ మ్యాన్‌’ సినిమా కామెడీ యాక్షన్‌ డ్రామా నేపథ్యంలో రూపొందుతోంది. ఈ చిత్రంలో మోస్ట్ వాంటెడ్ బ్యూటీ శ్రీలీల హీరోయిన్‌గా నటిస్తోంది. యాంగ్రీ యంగ్‌ మ్యాన్‌ డాక్టర్ రాజశేఖర్‌ ముఖ్యపాత్రలో కనిపించబోతున్నారు. ఈ చిత్రాన్ని నితిన్ హోం బ్యానర్‌ శ్రేష్ఠ్‌ మూవీస్‌ పై సుధాకర్‌ రెడ్డి నిర్మిస్తున్నారు. ఈ సినిమాలో నితిన్ స్మగ్లర్‌ గా కనిపించనున్నట్టు ప్రచారం జరుగుతోంది. అటు నితిన్ వెంకీ కుడుముల దర్శకత్వంలో ఓ సినిమా చేయబోతున్నట్లు తెలుస్తోంది. ఇప్పటికే ఈ సినిమాకు ఆయన గ్రీన్ సిగ్నల్ ఇచ్చారట. ఈ మూవీని మైత్రీ మూవీ మేకర్స్ పై నవీన్‌ యేర్నేని, వై రవి శంకర్‌ సంయుక్తంగా నిర్మిస్తున్నారు. జీవీ ప్రకాశ్ కుమార్ సంగీతం అందించనున్నారు. అటు నితిన్ నటించిన ‘ఎక్స్‌ ట్రా ఆర్డినరీ మ్యాన్‌’ సినిమా డిసెంబర్ 8న ప్రపంచ వ్యాప్తంగా థియేటర్లలో విడుదల కానుంది.
Read Also: ఆ సన్నివేశాలు చేయడానికి భయపడ్డా, ఆలియా సపోర్ట్ చేసింది: రణబీర్ కపూర్
ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆 *T&C Apply
టాప్ హెడ్ లైన్స్
ట్రెండింగ్ వార్తలు
