Naveen Polishetty: నవీన్ పోలిశెట్టి ‘సింగిల్ హ్యాండ్’ కష్టాలు - ఈ వీడియో చూస్తే నవ్వకుండా ఉండలేరు
Naveen Polishetty: నవీన్ పోలిశెట్టికి ఒక యాక్సిడెంట్ వల్ల గాయాలు అయ్యాయని కొన్నాళ్ల క్రితం ప్రకటించాడు. అయితే ఆ గాయాల వల్ల ఎలా ఇబ్బందులు పడుతున్నాడో చూపిస్తూ తాజాగా ఒక రీల్ షేర్ చేశాడు.
Naveen Polishetty: ఇతర హీరోలలాగా బ్యాక్ టు బ్యాక్ చిత్రాలు చేయకపోయినా యూత్ దృష్టిలో స్పెషల్గా నిలిచిపోయాడు నవీన్ పోలిశెట్టి. తనకు ఒక సినిమాతో పాపులారిటీ రాగానే తొందరపడి స్క్రిప్ట్స్ను సెలక్ట్ చేసుకోకుండా ఏడాదికి లేదా రెండేళ్లకు మంచి కంటెంట్ ఉన్న మూవీస్తో ప్రేక్షకుల ముందుకు రావడం మొదలుపెట్టాడు నవీన్. అందుకే యూత్లో ఈ యంగ్ హీరోకు చాలానే క్రేజ్ ఉంది. తాజాగా ఒక యాక్సిడెంట్ వల్ల తన చేతికి, కాలికి గాయాలయ్యాయని ప్రకటించాడు నవీన్ పోలిశెట్టి. ఇప్పుడు చేతికి జరిగిన గాయం వల్ల కట్టుతో తాను ఎన్ని కష్టాలు పడుతున్నాడో చూపించి అందరినీ నవ్వించాడు.
నవీన్ ఫ్రస్ట్రేషన్..
చేతికట్టుతో తాను ఎంత కష్టపడుతున్నాడో చెప్తూ.. నవీన్ పోలిశెట్టి ఒక వీడియోను విడుదల చేశాడు. ఇందులో కూడా తన కష్టాలు చూపిస్తూ ప్రేక్షకులను నవ్వించాడు. ఆ వీడియో మొదలవ్వగానే నవీన్.. టీవీ చూస్తూ ఉంటాడు. ఏ ఛానెల్ మార్చినా కూడా హీరోలు చేతి గురించి చెప్పే డైలాగులే కనిపిస్తుంటాయి. దాంతో తన చేతికి తగిలిన గాయాన్ని చూసి బాధపడుతుంటాడు. ‘‘చేతి మీద డైలాగ్ లేని ఛానెల్ ఏమైనా పెట్టు’’ అని తన ఫ్రెండ్తో అంటాడు. అందుకే సినిమాలు వద్దని క్రికెట్ ఛానెల్ పెట్టినా కూడా అందులో ఎంపైర్ తన రెండు చేతులూ పైకెత్తి చూపిస్తాడు. అది చూసి నవీన్కు ఫ్రస్ట్రేషన్ వస్తుంది. అందుకే టీవీ ఆఫ్ చేసేయమంటాడు.
విరూపాక్ష చేయిస్తా..
చప్పట్లు కొట్టాలంటే కూడా రెండు చేతులు కావాలి కదా.. ఈ లాజిక్ను కూడా నవీన్ పోలిశెట్టి కామెడీ చేశాడు. తన గాయం వల్ల రెండు చేతులతో చప్పట్లు కొట్టలేడు కాబట్టి ఒక చేతిని తన చెంపకు కొట్టుకుంటాడు. ‘‘గోవా ప్లాన్కు హ్యాండ్ ఇవ్వొద్దు’’ అని ఒక ఫ్రెండ్ అంటే ‘‘వాడికి హ్యాండ్ ఉంటే కదా ఇవ్వడానికి’’ అని మరొక ఫ్రెండ్ కామెడీ చేస్తాడు. అది విని ఫీల్ అయిన నవీన్.. ‘‘రాత్రి నీ మీద విరూపాక్ష చేయిస్తా’’ అని నవ్వుతూ బెదిరిస్తాడు. పార్టీకి వెళ్లినప్పుడు అక్కడ ఉన్న డీజే హ్యాండ్స్ అప్ అంటుంటే నవీన్కు ఫ్రస్ట్రేషన్ వచ్చి ‘‘డీజేవా పోలీసా నువ్వు’’ అని సీరియస్ అవుతాడు.
View this post on Instagram
నవ్వించడం ఇష్టం..
కుడి చేతికి గాయమవ్వడం వల్ల ఎడమ చేతితో తింటుంటే సంస్కారం లేదా అని నవీన్ పోలిశెట్టిని తిడతారు. దీంతో తన పెట్ డాగ్లాగానే తను కూడా నేరుగా తలను ప్లేట్లో పెట్టి తినడం మొదలుపెడతాడు. అలా తన చేతికి జరిగిన గాయాన్ని కారణంగా చూపించి అందరినీ నవ్వించాడు ఈ యంగ్ హీరో. ‘‘కామెడీ అనేది జీవితంలోని కష్టాలను ఎదుర్కోవడానికి ధైర్యం ఇస్తుంది. నవ్వుతూ ఉండండి. నాకు మిమ్మల్ని నవ్వించడం ఇష్టం. పూర్తిగా కోలుకున్న తర్వాత వెండితెరపై కలుద్దాం’’ అంటూ వీడియోను ముగించాడు నవీన్ పోలిశెట్టి.
Also Read: అరుదైన ఘనత సాధించిన ధనుష్ 'రాయన్' - ఏకంగా ఆస్కార్ లైబ్రరీలో చోటు
Before You Go
Illu Illalu Pillalu Serial Actor Sai Kumar Kola | సీరియల్ నటుడు సాయి కుమార్ కోలా రియల్ లైఫ్
టాప్ హెడ్ లైన్స్
ట్రెండింగ్ వార్తలు
