Nara Rohit: నారావారి ఇంట మరో వారసుడు... రోహిత్, శిరీష దంపతులకు అబ్బాయి

Nara Rohit Becomes Father: నారా చంద్రబాబు నాయుడు సోదరుని కుమారుడు నారా రోహిత్ తండ్రి అయ్యారు. ఆయన భార్య శిరీష పండంటి మగబిడ్డకు జన్మ ఇచ్చారు.

నారా రోహిత్‌, శిరీష దంపతులకు మగబిడ్డ: చంద్రబాబు కుటుంబంలో వారసుడి రాకతో సంబరాలు!

Source : https://www.instagram.com/rohithnara/

Show Quick Read

Key points generated by AI, verified by newsroom

• నారా రోహిత్, శిరీష దంపతులకు పండంటి మగబిడ్డ జన్మించాడు.
• జూన్ 23న జన్మించిన బిడ్డతో వారి కుటుంబంలో ఆనందం నిండింది.
• ముఖ్యమంత్రి చంద్రబాబు నాయుడు మేనల్లుడు రోహిత్ తండ్రి అయ్యారు.
• పలువురు సినీ, రాజకీయ ప్రముఖులు వారికి అభినందనలు తెలిపారు.

ఏపీ ముఖ్యమంత్రి నారా చంద్రబాబు నాయుడు కుటుంబంలో ఓ సంతోషకరమైన శుభ పరిణామం చోటు చేసుకుంది. ఆయన సోదరుని కుమారుడు, యంగ్ హీరో నారా రోహిత్ తండ్రి అయ్యారు. ఆయన భార్య, నటి శిరీష పండంటి మగ బిడ్డకు జన్మ ఇచ్చారు. ఆ వివరాల్లోకి వెళితే...

రోహిత్ - శిరీష దంపతులకు అబ్బాయి
నారా రోహిత్, ఆయన సతీమణి శిరీషకు తల్లిదండ్రులుగా ప్రమోషన్ వచ్చింది. తమ జీవిత ప్రయాణంలో కొత్త అధ్యాయాన్ని, ప్రయాణాన్ని ప్రారంభించారు. జూన్ 23న ఈ దంపతులు పండంటి బిడ్డకు జన్మ ఇచ్చినట్లు తెలిసింది. గత ఏడాది అక్టోబర్ 30వ తేదీన ఈ దంపతులు పెళ్లి జరిగిన విషయం తెలిసిందే.  పెళ్లి ఫోటోలను దంపతులు ఇద్దరూ సోషల్ మీడియాలో షేర్ చేశారు.

కథానాయకుడిగా తెలుగు ప్రేక్షకులలో నారా రోహిత్ మంచి పేరు తెచ్చుకున్నారు. 'వీర భోగ వసంత రాయులు' తర్వాత ఆరేళ్ళు విరామం తీసుకుని 'ప్రతినిధి 2' చేశారు. ఆ తర్వాత 'భైరవం', 'సుందరకాండ' సినిమాలతో ప్రేక్షకుల ముందుకు వచ్చారు. ప్రస్తుతం ఆయన చేతిలో రెండు మూడు సినిమాలు ఉన్నాయి. హీరోగా ఒక వైపు బిజీ... మరో వైపు వ్యక్తిగత జీవితంలోనూ సంతోషం నెలకొంది.

ప్రస్తుతం కుటుంబంతో కలిసి ఆనంద క్షణాలను ఆస్వాదిస్తున్నారు నారా రోహిత్. అయితే... ఆయన తదుపరి సినిమా కోసం ఎదురుచూస్తున్న అభిమానులకు ఈ 'పేరెంట్‌ హుడ్' న్యూస్ పెద్ద సర్‌ప్రైజ్‌. తండ్రి కావడంతో సినిమా చిత్రీకరణలకు కొన్ని రోజులు విరామం ఇచ్చే అవకాశం ఉంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Siree Lella (@siree_lella)

ప్రస్తుతం నారా రోహిత్, శిరీష దంపతులకు సోషల్ మీడియా వేదికగా పలువురు సినీ - రాజకీయ ప్రముఖుల అభినందనలు తెలియజేస్తున్నారు. రామూర్తి నాయుడు మరణం తర్వాత నారా రోహిత్ పెళ్లి బాధ్యతలను చంద్రబాబు నాయుడు - భువనేశ్వరి దంపతులు తమ భుజాలపై వేసుకున్నారు. ముఖ్యంగా రోహిత్ పెళ్లి విషయంలో భువనేశ్వరి అంతా తానై చూసుకున్నారు. ఇప్పుడు వాళ్ళ ఇంట మరో వారసుడు రావడంతో నారా వారి అభిమానులు సంతోషం వ్యక్తం చేస్తున్నారు. నారా చంద్రబాబు నాయుడు తనయుడు లోకేష్ - బ్రాహ్మణి దంపతులకు ఓ బిడ్డ జన్మించారు. నారా వారి మొదటి వారసుడు దేవాన్ష్. నారా చంద్రబాబు నాయుడు తమ్ముడి ఇంట కూడా అబ్బాయి జన్మించడం విశేషం.