The Paradise: డిఫరెంట్ రోల్... డిఫరెంట్ లుక్... 'ప్యారడైజ్'లో నేచరల్ స్టార్ నాని పేరు కూడా...

Nani First Look: నేచరల్ స్టార్ నాని అవెయిటెడ్ మూవీ 'ది ప్యారడైజ్' నుంచి ఫస్ట్ లుక్ రివీల్ చేశారు మేకర్స్. డిఫరెంట్ టైటిల్‌లో డిఫరెంట్ లుక్‌తో గూస్ బంప్స్ తెప్పించారు.

ప్యారడైజ్ నుంచి నాని ఫస్ట్ లుక్

Source : https://x.com/SLVCinemasOffl/

Nani's First Look From The Paradise Movie: ఈ ఏడాది 'హిట్ 3' బ్లాక్ బస్టర్ సక్సెస్ అందుకున్నారు నేచరల్ స్టార్ నాని. ప్రస్తుతం 'దసరా' ఫేం శ్రీకాంత్ ఓదెలతో 'ది ప్యారడైజ్' మూవీ చేస్తున్నారు. వీరి కాంబోలో ఇది రెండో మూవీ కాగా ఇప్పటికే రిలీజ్ చేసిన లుక్స్, గ్లింప్స్ గూస్ బంప్స్  తెప్పించగా తాజాగా మూవీలో నాని పేరు రివీల్ చేస్తూ ఫస్ట్ లుక్ రిలీజ్ చేశారు మేకర్స్.

ధగడ్... టైటిల్ కూడా...

ఈ మూవీలో ఎన్నడూ చూడని ఓ డిఫరెంట్ లుక్‌లో నాని కనిపించనున్నట్లు ఇదివరకే స్పష్టమైంది. ఆయన 'జడల్' పాత్రలో కనిపించనున్నట్లు టీం తెలిపింది. నేచరల్ స్టార్ ఫస్ట్ లుక్ గూస్ బంప్స్ తెప్పిస్తోంది. 'ఇది ఒక అల్లికగా ప్రారంభమై... విప్లవంగా ముగిసింది.' అంటూ టీం పేర్కొంది. ముక్కుకు పుడకలు, గుబురు గెడ్డం, రెండు జడలు, వెనుక వెపన్స్‌తో కూడిన చక్రం... టైటిల్‌కు తగ్గట్టుగానే ఊర మాస్ లుక్‌లో అదరగొట్టగా భారీ హైప్ క్రియేట్ అవుతోంది. లుక్స్‌నే ఇలా ఉంటే మూవీ ఇక అదిరిపోతుందంటూ సోషల్ మీడియాలో నాని ఫ్యాన్స్ కామెంట్స్ చేస్తున్నారు.

Presenting Natural Star @NameisNani as '𝐉𝐀𝐃𝐀𝐋' from #TheParadise 💥💥

It started as a braid.
It ended as a revolution.

In CINEMAS 𝟐𝟔𝐭𝐡 𝐌𝐀𝐑𝐂𝐇, 𝟐𝟎𝟐𝟔.
Releasing in Telugu, Hindi, Tamil, Kannada, Malayalam, Bengali, English, and Spanish.

Natural Star… pic.twitter.com/86nP8UK6sE

— SLV Cinemas (@SLVCinemasOffl) August 8, 2025

స్టోరీ అదేనా?

'చరిత్రలో అంతా చిలుకలు పావురాల గురించి రాశారు కానీ అదే జాతిలో పుట్టిన కాకుల గురించి ఎవరూ రాయలేదు. ఇది కడుపు మండిన కాకుల కథ. జమానాకెళ్లి నడిచే శవాల కథ. అమ్మ రొమ్ములో పాలు లేక రక్తం పోసి పెంచిన ఓ జాతి కథ.' అంటూ గ్లింప్స్‌లో ఇచ్చిన ఎలివేషన్ మామూలుగా లేదు. నాని లుక్ కూడా అదిరిపోయింది. దీంతో ఈ మూవీ స్టోరీ ఏంటి అనే దానిపై సర్వత్రా ఆసక్తి నెలకొంది. చరిత్రలో లేని అట్టడుగున ఉన్న ఓ వర్గానికి నాయకుడిగా నాని కనిపించనున్నారని అర్థమవుతోంది. ఆయనకు కాకి రెక్కలు తొడిగినట్లుగా ఉన్న లుక్ భారీ హైప్ క్రియేట్ చేస్తోంది. 1960 బ్యాక్ డ్రాప్‌లో ఓ గ్యాంగ్ స్టర్ డ్రామాగా మూవీని తెరకెక్కించనున్నట్లు తెలుస్తోంది.

నాని, శ్రీకాంత్ ఓదెల కాంబోలో వచ్చిన 'దసరా' మూవీ బాక్సాఫీస్ వద్ద మంచి విజయాన్ని అందుకుంది. ఈ మూవీ కూడా అంతే స్థాయిలో హిట్ అవుతుందని అంతా భావిస్తున్నారు. మూవీని ఎస్ఎల్‌వీ సినిమాస్ బ్యానర్‌పై సుధాకర్ చెరుకూరి భారీ బడ్జెట్‌తో నిర్మిస్తున్నారు. బాలీవుడ్ యాక్టర్ రాఘవ్ జ్యూయెల్ కీలక పాత్ర పోషించనున్నట్లు తెలుస్తోంది. వచ్చే ఏడాది మార్చి 26న 'ది ప్యారడైజ్' మూవీని తెలుగు, హిందీ, తమిళం, కన్నడ, మలయాళంతో పాటు బెంగాళీ, ఇంగ్లీష్, స్పానిష్ భాషల్లోనూ రిలీజ్ చేయనున్నారు.

మరిన్ని చదవండి

రుక్మిణీ వసంత్ కాదు... కనకవతి - 'కాంతార' ప్రీక్వెల్‌లో హీరోయిన్ లుక్ రిలీజ్