Mrunal Thakur : వాలెంటైన్స్ డే... పెళ్లి రూమర్స్ - అప్పుడే పెళ్లి చేసుకుంటానన్న హీరోయిన్ మృణాల్

Mrunal Thakur Reaction : హీరోయిన్ మృణాల్ ఠాకూర్ తన పెళ్లిపై ఫుల్ క్లారిటీ ఇచ్చేశారు. తాజాగా ఓ ఆంగ్ల మీడియాకు ఇచ్చిన ఇంటర్వ్యూలో తన పెళ్లికి టైం రావాలని అన్నారు.

పెళ్లిపై మృణాల్ ఠాకూర్ రియాక్షన్

Source : https://www.instagram.com/p/DUCqbidCI8J/?img_index=5

Mrunal Thakur Comments About Her Marriage : 'సీతారామం' బ్యూటీ మృణాల్ ఠాకూర్ ప్రేమ, పెళ్లి వార్తలు గత కొద్ది రోజులుగా హాట్ టాపిక్‌గా మారాయి. సోషల్ మీడియాలో ఎక్కడ చూసిన ధనుష్, మృణాల్ పెళ్లి చేసుకోబోతున్నారంటూ ప్రచారం సాగింది. కొందరు మరో అడుగు ముందుకు వేసి వారి పెళ్లి డేట్ కూడా ఫిక్స్ చేసేశారు. వాలెంటైన్స్ డే సందర్భంగా ఈ నెల 14న వీరిద్దరూ పెళ్లి చేసుకోబోతున్నారంటూ రూమర్స్ వచ్చాయి. మృణాల్ ఒక్క ఇంటర్వ్యూతోనే ఈ రూమర్లన్నింటికీ చెక్ పెట్టేశారు. 

పెళ్లిపై మృణాల్ క్లారిటీ

తాజాగా ఓ ఆంగ్ల మీడియాకు ఇచ్చిన ఇంటర్వ్యూలో తన పెళ్లిపై క్లారిటీ ఇచ్చారు మృణాల్. తాను పెళ్లి చేసుకుంటానని కానీ టైం రావాలని అన్నారు. 'నా లైఫ్‌లోకి సరైన వ్యక్తి వచ్చినప్పుడే వివాహ బంధంలోకి అడుగు పెడతాను. అప్పుడు నేనే స్వయంగా చెబుతాను. నా సోషల్ మీడియా అకౌంట్స్‌లో నేనే పోస్ట్ చేస్తాను. ఈ విషయాన్ని మీతో పంచుకునే ఫస్ట్ వ్యక్తిని నేనే.' అని స్పష్టం చేశారు.

వాళ్లకు 'ఏప్రిల్ ఫూల్ డే'

రీసెంట్‌గా ఓ ఇంటర్వ్యూలో ధనుష్‌తో పెళ్లి అంటూ వస్తోన్న రూమర్స్‌పై స్ట్రాంగ్ రియాక్షన్ ఇచ్చారు మృణాల్. 'నేను పెళ్లి చేసుకుంటున్నానా? లేదు. నాకైతే ఫిబ్రవరి 14న ఏప్రిల్ ఫూల్స్ డే జరుపుకొంటున్నట్లు అనిపించింది. అలా రూమర్స్ ప్రచారం చేసే వాళ్లకు నిజంగా అది ఏప్రిల్ ఫూల్ డే. ఇది ఎవరు ఎక్కడ ఎలా ప్రారంభించారో నాకు తెలియదు. నేను ఎప్పుడూ ఏమీ చెప్పకపోయినా మృణాల్ చెప్పిందంటూ రాస్తున్నారు. వీటిని చూసి వావ్ ఇదేమిటి? అని అనుకున్నా.' అంటూ సెటైరికల్ కామెంట్స్ చేశారు. గతంలోనూ ఆమె టీం పెళ్లి రూమర్స్‌పై ఫుల్ క్లారిటీ ఇచ్చినా రూమర్స్ మాత్రం ఆగలేదు.

అందుకే బ్రేకప్..

ఇక లేటెస్ట్ మూవీ ప్రమోషనల్ ఇంటర్వ్యూలో తన మాజీ ప్రియుడి గురించి సైతం ఓపెన్ అయ్యారు మృణాల్. తాను యాక్టింగ్ చేయడం తన ప్రియుడికి నచ్చకపోవడం వల్లే బ్రేకప్ చెప్పాడని తెలిపింది. 'నేను యాక్ట్ చేయడం నచ్చక నాకు బ్రేకప్ చెప్పాడు. దూకుడు ఎక్కువ నాతో ఉండలేనన్నాడు. అతనితో బంధం ముగిసిపోయినందుకు నేనేం బాధ పడలేదు. చాలా ఇంపల్సివ్‌గా ఉంటావు.

హీరోయిన్‌వి అది కూడా నచ్చదంటూ బ్రేకప్ చెప్పాడు. అలాంటి వాళ్లతో కంటిన్యూ కావడం కష్టం. అతని మనస్తత్వం గురించి తెలిసి జాలిపడ్డాను. అందుకే విడిపోయాం.' అని చెప్పారు.

ఇక సినిమాల విషయానికొస్తే... మృణాల్ నటించిన లేటెస్ట్ బాలీవుడ్ మూవీ 'దో దివానే శహర్ మే' ఈ నెల 20న ప్రేక్షకుల ముందుకు రానుంది. ఇక తెలుగులోనూ యంగ్ హీరో అడివి శేష్‌తో 'డెకాయిట్' మూవీ చేస్తున్నారు. ఈ రొమాంటిక్ యాక్షన్ థ్రిల్లర్ సమ్మర్ స్పెషల్‌గా ఏప్రిల్ 10న ప్రేక్షకుల ముందుకు రానుంది.

 

మరిన్ని చదవండి

కోలీవుడ్ స్టార్ ధనుష్‌కు లీగల్ నోటీసులు - 20 కోట్లు చెల్లించాలంటూ...