Movie Release this Week: రాజ రాజ చోర, తరగతి గది దాటి, 'ఫాస్ట్ అండ్ ఫ్యూరియస్ సీరీస్ 9 సహా ఈ వారం థియేటర్లు, ఓటీటీలో రిలీజయ్యే సినిమాలేంటో తెలుసా....

ప్రతి శుక్రవారం థియేటర్లలో కొత్త మూవీల సందడి ఉండడంతో ఈ వారం ఏ సినిమాలు రిలీజ్ అవుతాయో అని ఎదురుచూసేవారు. కానీ కరోనా కారణంగా ఆ జాబితాలోకి ఓటీటీలు చేరాయ్. థియేటర్ ఆర్ ఓటీటీ..ఈ వారం రిలీజ్ లు ఏంటంటే...

ఈ వారం థియేటర్లు, ఓటీటీలో రిలీజయ్యే సినిమాలు

క‌రోనా ప్రభావం సినీ ఇండ‌స్ట్రీపై తీవ్రంగానే ఉంద‌ని చెప్పాలి. 2020లో క‌రోనా కార‌ణంగా అనేక సినిమాలు విడుద‌ల‌కు నోచుకోలేదు. దీంతో సినిమాలన్ని ఓటీటీ వేదిక‌గా రిలీజ్ కావ‌డం మొద‌లు పెట్టాయి. ఏడాది ఆరంభంలో కరోనా ప్రభావం తగ్గడంతో థియేటర్లలో రిలీజవడం మొదలుపెట్టాయి. క‌రోనా సెకండ్ వేవ్ దెబ్బకి మళ్లీ  ఓటీటీనే ప్రత్యామ్నయంగా క‌నిపించింది. మళ్లీ ఇప్పుడిప్పడే  థియేటర్లు తెరుచుకోవడంతో ఒక్కో సినిమా థియేటర్లలో రిలీజ్‌కు సిద్ధమైతే...కొన్ని సినిమాలు మాత్రం ఓటీటీ మార్గమే బెస్టనుకుంటున్నారు. ఇక ఈవారం ఓటీటీ, థియేటర్లలో విడుదల కానున్న సినిమాలేంటో చూద్దాం.

రాజ రాజ చోర

హసిత్‌ గోలి దర్శకత్వంలో శ్రీ విష్ణు హీరోగా తెరకెక్కిన చిత్రం 'రాజ రాజ చోర'. సాఫ్ట్‌వేర్‌ ఇంజినీర్‌గా చెప్పుకుంటూ తిరిగే ఓ దొంగ కథే ఈ మూవీ. మేఘా ఆకాశ్‌, సునయన హీరోయిన్లుగా నటిస్తున్నారు. రవిబాబు, తనికెళ్ల భరణి కీలక పాత్రల్లో కనిపించనున్నారు. టీజీ విశ్వ ప్రసాద్‌, అభిషేక్‌ అగర్వాల్‌ నిర్మాతలు. ఈ మూవీ ఆగస్టు 19న థియేటర్స్ సందడి చేయనుంది.

క్రేజీ అంకుల్స్‌

క్రేజీ అంకుల్స్‌' సత్తిబాబు దర్శకత్వంలో తెరకెక్కుతున్న ఈ చిత్రంలో బుల్లితెర యాంకర్ శ్రీముఖి ప్రధానపాత్రలో నటిస్తోంది. క్రేజీ అంకుల్స్‌గా రాజా రవీంద్ర, మనో, భరణి సందడి చేయనున్నారు. ఈ మూవీ ఆగస్టు 19న థియేటర్లలో విడుదల కానుంది.

'కనబడుటలేదు'

సునీల్‌ ప్రధాన పాత్రలో రూపొందిన క్రైమ్‌, సస్పెన్స్‌ థ్రిల్లర్‌ 'కనబడుటలేదు'. ఈ మూవీ కూడా ఆగస్టు 19న ప్రేక్షకుల ముందుకు రానుంది. ఇందులో సునీల్‌ డిటెక్టివ్‌గా కనిపించనున్నాడు. సస్పెన్స్‌ థ్రిల్లర్‌కు ప్రేమకథ కూడా జోడించి దర్శకుడు బాలరాజు ఈ చిత్రాన్ని రూపొందించారు. రామ్ గోపాల్ వర్మకు చెందిన స్పార్క్ ఓటీటీలో ఇది విడుదల కానుంది.

'ఫాస్ట్‌ అండ్‌ ఫ్యూరియస్‌'

హాలీవుడ్ మూవీస్‌ని ఫాలో అయ్యేవారికి ఈ వారం అదిరిపోయే ట్రీట్ ఇవ్వనుంది ఫాస్ట్‌ అండ్‌ ఫ్యూరియస్‌' టీమ్. ఈ సిరీస్‌లో ఇప్పటి వరకు వచ్చిన 8 మూవీస్ ప్రేక్షకులను ఆకట్టుకున్నాయి. ఇక భారీ యాక్షన్ సీన్స్‌తో తొమ్మిదో సీరీస్ ప్రేక్షకుల ముందుకు రాబోతోంది. విన్‌ డీజిల్‌, మిచెల్లీ రోడ్రిగోజ్‌, టైర్సీ గిబ్సన్‌ కీలక పాత్రలు పోషించిన ఈ సినిమా ఆగస్టు 19న ఇంగ్లీష్‌, హిందీ తెలుగుతోపాటు, ఇతర భారతీయ భాషల్లోనూ విడుదల కానుంది.

'బజార్‌ రౌడీ'

'హృదయకాలేయం', 'కొబ్బరిమట్ట' సినిమాలతో హీరోగా గుర్తింపు పొందిన సంపూర్ణేశ్‌ బాబు హీరోగా.. వసంత నాగేశ్వరరావు దర్శకత్వంలో తెరకెక్కిన మూవీ 'బజార్‌ రౌడీ'. మహేశ్వరి వద్ది హీరోయిన్.

ఓటీలో విడుదలయ్యే సినిమాలేంటంటే...

నెట్‌ఫ్లిక్స్‌ 

కామెడీ ప్రీమియం లీగ్‌ కామెడీ షో (ఆగస్టు 20)

స్వీట్‌గర్ల్‌ (ఆగస్టు 21)

అమెజాన్‌ ప్రైమ్‌

ఇవాన్‌ అల్మైటీ (ఆగస్టు 16)

ద స్కెలిటన్‌ ట్విన్స్‌ (ఆగస్టు 17)

నైన్‌ పర్‌ఫెక్ట్‌ స్ట్రేంజర్స్‌ (ఆగస్టు 18)

అన్నెట్టే (ఆగస్టు 20)

కిల్లర్‌ ఎమాంగ్‌ అజ్‌ (ఆగస్టు 20)

హోమ్‌ (ఆగస్టు 19)

జీ 5

200 హల్లా హో  (ఆగస్టు 20)

ఆల్ట్‌ బాలాజీ

కార్టెల్‌ (ఆగస్టు 20)

ఆహా...

తరగతి గది దాటి  ( ఆగస్టు 20)