Matka Trailer: వరుణ్ తేజ్ గట్టిగా కొట్టేలా ఉన్నాడే... మట్కా ట్రైలర్ వచ్చిందిరోయ్, చూశారా?

Varun Tej's Matka Trailer: మెగా ప్రిన్స్ వరుణ్ తేజ్ హీరోగా రూపొందుతున్న లేటెస్ట్ సినిమా 'మట్కా'. ఈ రోజు మెగాస్టార్ చిరంజీవి ట్రైలర్ లాంచ్ చేశారు. అది ఎలా ఉందో చూడండి.

'మట్కా'లో వరుణ్ తేజ్

Source : ABPLIVE AI

Matka Movie Trailer Review: మెగా ప్రిన్స్ వరుణ్ తేజ్ కథానాయకుడిగా నటించిన తాజా సినిమా 'మట్కా'. 'పలాస' ఫేమ్ కరుణ కుమార్ దర్శకత్వం వహిస్తున్నారు. ఈ సినిమా ట్రైలర్ నేడు మెగాస్టార్ చిరంజీవి చేతుల మీదుగా విడుదలైంది. అది ఎలా ఉంది? అనేది ఒకసారి చూడండి. 

Presenting the official trailer of #MATKA!

--https://t.co/J4iA1bKZBK

Very proud to see your hunger for unique scripts & your versatility never ceases to amaze me, my dear @IamVarunTej 😊❤️ & This one looks fabulous 👌

My best wishes to the entire team for the release on Nov… pic.twitter.com/KiwPHpCGlw

— Chiranjeevi Konidela (@KChiruTweets) November 2, 2024

వరుణ్ తేజ్ గట్టిగా కొట్టేలా ఉన్నాడే!
హీరోగా పరిచయమైన 'ముకుంద' నుంచి లాస్ట్ సినిమా 'ఆపరేషన్ వేలంటైన్' వరకు వరుణ్ తేజ్ పలు ప్రయోగాలు చేశారు. కమర్షియల్ సినిమాలు కొన్ని చేసినా గానీ ఎక్కువగా కంటెంట్ ఓరియెంటెడ్ సబ్జక్ట్స్ సెలెక్ట్ చేసుకున్నారు. కొన్ని విజయాలు అందిస్తే... కొన్ని ఆశించిన ఫలితాలు ఇవ్వలేదు. అయితే... వరుణ్ తేజ్ ప్రయత్నంలో ఎక్కడా లోపం లేదు. బ్యాక్ టు బ్యాక్ ఫ్లాప్స్ తర్వాత కాస్త గ్యాప్ తీసుకుని వరుణ్ చేసిన సినిమా 'మట్కా'. ఇవాళ విడుదలైన ట్రైలర్ చూస్తే గట్టిగా కొట్టేలా ఉన్నాడు.

విశాఖ నేపథ్యంలో 'మట్కా'ను తెరకెక్కిస్తున్నారు. ఓ సామాన్య యువకుడు 'మట్కా' సామ్రాజ్యానికి అధినేతగా ఎలా ఎదిగాడు? డబ్బు కోసం ఏం చేశాడు? అనేది క్లుప్తంగా కథ. ఇప్పటికే విడుదలైన టీజర్, సాంగ్స్ ద్వారా కొంత కథ చెప్పారు. కానీ, ఇవాళ విడుదలైన ట్రైలర్ చూస్తే... కథ కంటే వరుణ్ తేజ్ పెర్ఫార్మన్స్ ఎక్కువ ఆకట్టుకుంటోంది. గెటప్స్ పరంగా వేరియేషన్ చూపించడం గానీ, నటనలో ఇంటెన్స్ గానీ సూపర్ అని చెప్పాలి.

నవంబర్ 14న 'మట్కా' పాన్ ఇండియా రిలీజ్!
Matka Movie Release Date: 'మట్కా' చిత్రాన్ని నవంబర్ 14 న థియేటర్లలోకి  తీసుకు వస్తున్నారు. ఈ సినిమాను వైర ఎంటర్‌టైన్‌మెంట్స్, ఎస్‌ఆర్‌టి ఎంటర్‌టైన్‌మెంట్స్‌ పతాకాలపై డాక్టర్ విజయేందర్ రెడ్డి తీగల, రజనీ తాళ్లూరి ప్రొడ్యూస్ చేస్తున్నారు.

'మట్కా' సినిమాలో వరుణ్ తేజ్ సరసన మీనాక్షి చౌదరి నటించారు. నోరా ఫతేహి కీలక పాత్ర చేశారు. ఇంకా ఇందులో నవీన్ చంద్ర, సలోని, అజయ్ ఘోష్, కన్నడ కిషోర్, రవీంద్ర విజయ్ ఇతర కీలక పాత్రలు పోషిస్తున్నారు. ఈ చిత్రానికి జీవీ ప్రకాష్ కుమార్ సంగీతం అందించగా... ఎ కిషోర్ కుమార్ సినిమాటోగ్రఫీ  బాధ్యతలు నిర్వర్తించారు. ఈ చిత్రానికి కథ - స్క్రీన్‌ ప్లే - మాటలు - దర్శకత్వం: కరుణ కుమార్, నిర్మాతలు: డాక్టర్ విజయేందర్ రెడ్డి తీగల - రజనీ తాళ్లూరి.