Manchu Manoj Daughter: అమ్మాయికి పేరు పెట్టిన మనోజ్, మౌనిక - ఆ ఇద్దరి పేర్లు కలిసి వచ్చేలా!

Manchu Manoj Daughter Name: మంచు మనోజ్, మౌనిక భూమా మంచు దంపతులు తమ కుమార్తెకు నామకరణం చేశారు. ఫస్ట్ ఫోటో సైతం విడుదల చేశారు. ఆ పేరు ఏమిటి? ఆ పేరు పెట్టడం వెనుక కారణం ఏమిటో తెలుసుకోండి.

మంచు మనోజ్ ఫ్యామిలీ ఫోటో (Image Courtesy: manojkmanchu/ Instagram)

Source : Other

Manchu Manoj and Bhuma Mounika daughter name: యువ కథానాయకుడు, రాకింగ్ స్టార్ మంచు మనోజ్ తన కుమార్తెను పరిచయం చేశారు. భార్య భూమా మౌనికా రెడ్డి, తనయుడు ధైరవ్, తాను కలిసి దిగిన ఫోటో షేర్ చేసిన మనోజ్... అమ్మాయి పేరు వెల్లడించారు. 

దేవసేన శోభా ఎంఎం... డాటర్ ఆఫ్ మనోజ్!
తమ కుమార్తెకు దేవసేన శోభా ఎంఎం అని మంచు మనోజ్, మౌనిక దంపతులు నామకరణం చేశారు. ఆ పేరు పెట్టడానికి గల కారణాన్ని సైతం మంచు మనోజ్ తెలిపారు.

''మీ అందరి (ప్రేక్షకులు, అభిమానుల) ఆశీస్సులతో మా బిడ్డ దేవసేన శోభ ఎంఎం (Devasena Shobha MM)ను మీకు పరిచయం చేస్తున్నాం. ఇప్పటికే ఎంఎం పులి  (MM Puli) అనే తన ముద్దు పేరు ద్వారా మీ అందరికీ మా అమ్మాయి బాగా తెలుసు. ఆ పరమశివుని భక్తులమైన మేము మా చిన్నారి తల్లి పేరును సాక్షాత్తు ఆ శివుని కుటుంబంలో సుబ్రహ్మణ్య స్వామి భార్య అయిన 'దేవసేన' పేరును మా పాపకు పెట్టుకున్నాం. మా అత్తగారు స్వర్గీయ శ్రీమతి శోభా నాగిరెడ్డి  పేరు నుంచి 'శోభ' అనే పేరును తీసుకున్నాం. వారి ఆశీస్సులు ఎల్లప్పుడూ మా కుటుంబంపై ఉంటాయి'' అని మంచు మనోజ్ సోషల్ మీడియాలో ఓ లేఖ షేర్ చేశారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Manoj Manchu (@manojkmanchu)

చిట్టి చెల్లెల్ని ప్రేమగా చూసుకుంటున్న అన్న!
తన చిట్టి చెల్లెలు దేవసేన శోభా ఎంఎంను అన్నయ్య ధైరవ్ నాగిరెడ్డి ఎంతో ప్రేమగా, చాలా జాగ్రత్తగా చూసుకుంటున్నాడని మంచు మనోజ్ తెలిపారు.‌ తన మామయ్య గారు శ్రీ భూమా నాగిరెడ్డి గారి వారసత్వం ఇలాగే కొనసాగుతోందని ఆయన పేర్కొన్నారు.

తల్లిదండ్రులకూ, తోబుట్టువులకూ థాంక్స్!
అమ్మాయికి పేరు పెట్టిన విషయాన్ని వెల్లడించిన లేఖలో తల్లిదండ్రులకు, తమ తోబుట్టువులకు సైతం మనోజ్ థాంక్స్ చెప్పారు. ''మా జీవితంలో అడుగుడునా అండగా ఉంటూ... మాకు కొండంత బలంగా నిలుస్తున్న మా తల్లిదండ్రులు శ్రీ మోహన్ బాబు గారు, శ్రీమతి నిర్మలా దేవి గారి ఆశీస్సులు మాకు ఎల్లప్పుడూ ఉంటాయి. నా జీవితంలో మొదటి నుంచి ప్రతి విషయంలో నాకు తోడుగా ఉంటున్న మా అక్క లక్ష్మీ మంచు గారికి నా హృదయపూర్వక ధన్యవాదాలు. ఈ సందర్భంగా మౌనిక తోబుట్టువులు అఖిల భూమా, విఖ్యాత్ భూమా, వారి కుటుంబ సభ్యులు అందరికీ నా కృతజ్ఞతలు. మొదటి నుండి నాకు తోడుగా ఉన్న స్నేహితులకు ప్రత్యేక ధన్యవాదాలు. మా ఇంటి దీపం, మా కంటి వెలుగు, మా చిన్నారి దేవసేన శోభాకు మీ అందరి దీవెనలు కావాలి'' అని మనోజ్ ఆ లేఖను ముగించారు. ఈ ఏడాది ఏప్రిల్ 13న తమకు కుమార్తె జన్మించిన విషయాన్ని వెల్లడించారు.