Praneeth Hanumanthu: ప్రణీత్ హనుమంతు ఎవరు? అతని బ్యాగ్రౌండ్ ఏమిటి? ఏయే సినిమాల్లో నటించాడు?
Who Is Praneeth Hanumanthu: ప్రణీత్ హనుమంతు మీద చర్యలు తీసుకోవాలని నెటిజనులు, సెలబ్రిటీలు ఆగ్రహం వ్యక్తం చేశారు. తెలంగాణ సీఎం రేవంత్ రెడ్డి, తెలుగు రాష్ట్రాల డీజీపీలు స్పందించారు. అసలు ఎవరితను?
Know About Praneeth Hanumanthu: ప్రణీత్ హనుమంతు... గత రెండు మూడు రోజులుగా సోషల్ మీడియాలో ఈ పేరు ప్రముఖంగా వినబడుతోంది. యూట్యూబ్ కంటెంట్ క్రియేటర్గా కొంత మంది ప్రేక్షకులకు అతడు తెలుసు. నటుడిగా మరీ ఎక్కువ మందికి తెలియకపోవచ్చు గానీ ఇప్పుడిప్పుడే అవకాశాలు అందుకుంటూ గుర్తింపు తెచ్చుకునే ప్రయత్నం చేస్తున్నాడు. ఇప్పుడు అతని పేరు వైరల్ కావడానికి కారణం ఏమిటి? అతని కుటుంబ నేపథ్యం ఏమిటి? ఏయే సినిమాలు చేశాడు? అనే వివరాల్లోకి వెళితే...
ప్రణీత్ హనుమంతు వివాదం ఏమిటి?
Praneeth Hanumanthu Controversy: యూట్యూబ్ వేదికగా రోస్ట్ వీడియోస్ చేస్తూ ప్రణీత్ హనుమంతు పాపులర్ అయ్యాడు. అమెరికాలో నివసించే తెలుగు ఫ్యామిలీ షేర్ చేసిన రీల్ మీద... తండ్రీ కుమార్తె బంధాన్ని అపహాస్యం చేస్తూ... ప్రణీత్ హనుమంతు జోక్స్ వేశాడు. అతడి బ్యాచ్ హేయమైన, నీచమైన కామెంట్స్ చేశారు. అతడి వ్యాఖ్యల పట్ల ప్రజలు నుంచి తీవ్ర ఆగ్రహం వ్యక్తం అయ్యింది. హీరో సాయి దుర్గా తేజ్ అందరి కంటే ముందుగా స్పందించాడు. అతడి మీద చర్యలు తీసుకోవాలని తెలుగు రాష్ట్రాల ముఖ్యమంత్రులకు, పోలీస్ ఉన్నతాధికారులకు రిక్వెస్ట్ చేశారు. తెలంగాణ సీఎం రేవంత్ రెడ్డి, డిప్యూటీ సీఎం భట్టి విక్రమార్క, ఏపీ - తెలంగాణ డీజీపీలు స్పందించారు.
Also Read: నా హక్కులు వదులుకునేందుకు సిద్ధం, ఆ ముసుగు తీసేయండీ... ప్రణీత్ హనుమంతు మీద సాయి తేజ్ ఫైర్
మంచు మనోజ్, నారా రోహిత్, విశ్వక్ సేన్, 'శశివదనే' నిర్మాత అహితేజ బెల్లంకొండ సైతం ప్రణీత్ హనుమంతు వ్యాఖ్యలను ఖండించారు. అతడి మీద చర్య తీసుకోవాలని కోరారు. పోలీసులు కేసు నమోదు చేశారు.
ప్రణీత్ హనుమంతు తండ్రి ఐఏఎస్ అధికారా?
Praneeth Hanumanthu Father and Family Background: ప్రణీత్ హనుమంతు తండ్రి పేరు హెచ్. అరుణ్ కుమార్. ఆయన ఐఏఎస్ అధికారి. మొన్నటి వరకు ఏపీలో సివిల్ సప్లయిస్ అండ్ ఈవో సెక్రటరీగా విధులు నిర్వహించారని సమాచారం. ఆయన 2004 బ్యాచ్ ఐఏఎస్ అధికారి అని తెలుస్తోంది.
View this post on Instagram
Praneeth Hanumanthu And Aye Jude Relation: ప్రణీత్ హనుమంతు అన్నయ్య కూడా యూట్యూబర్. అతను స్టైలింగ్ టిప్స్ ఇస్తూ పాపులర్ అయ్యారు. 'ఏ జూడ్' ఛానల్ కొందరికి తెలిసే ఉంటుంది. అందులో కనిపించే వ్యక్తి పేరు అజయ్ హనుమంతు. ప్రణీత్ సోదరుడు. అతడికి సొంత అన్నయ్య.
సినిమాల్లోనూ నటించిన ప్రణీత్ హనుమంతు!
Praneeth Hanumanthu Films List: సుధీర్ బాబు కథానాయకుడిగా వచ్చిన తాజా సినిమా 'హరోం హర'లో ప్రణీత్ హనుమంతు నటించాడు. తమిళనాడు ప్రాంతానికి చెందిన డాన్ తరహా పాత్ర పోషించాడు. 'హరోం హర' కంటే ముందు ఆహా ఓటీటీలో విడుదల అయిన ఒరిజినల్ ఫిల్మ్ 'మై డియర్ దొంగ'లో ప్రాంక్ స్టార్ రోల్ చేశాడు. 'కీడా కోలా' విడుదలకు ముందు దర్శక నటుడు తరుణ్ భాస్కర్ చేసిన ప్రమోషనల్ వీడియో గుర్తు ఉందా? కామెడీ కింగ్ బ్రహ్మానందం గెటప్స్ రీ క్రియేట్ చేశారు. ఆ వీడియో వెనుక సృష్టికర్త ప్రణీత్ హనుమంతే.
Also Read: మహారాజా ఓటీటీ రిలీజ్ డేట్ ఫిక్స్ - Netflixలో స్ట్రీమింగ్ అయ్యేది ఎప్పట్నించి అంటే?
View this post on Instagram
View this post on Instagram
ప్రణీత్ హనుమంతు కొన్ని సినిమాల విడుదలకు ముందు ప్రమోషనల్ ఇంటర్వ్యూలు సైతం చేశారు. 'హాయ్ నాన్న' విడుదలకు ముందు నానితో, 'భజే వాయు వేగం' విడుదలకు ముందు కార్తికేయ గుమ్మకొండతో ప్రణీత్ హనుమంతు స్పెషల్ వీడియోస్ చేశారు. హ్యూమర్ కోసం అతడి వీడియోస్ చూసే కొందరు ఆడియన్స్ సైతం తండ్రీ కుమార్తె బంధం మీద చేసిన వీడియో మీద ఆగ్రహం వ్యక్తం చేస్తున్నారు. అతడి ఫ్యామిలీ మీద కొందరు నెటిజనులు కామెంట్స్ చేయడంతో ప్రణీత్ హనుమంతు క్షమాపణలు కోరుతూ ఓ వీడియో విడుదల చేశారు. అందులో తనను తాను సమర్ధించుకుంటూ డార్క్ హ్యూమర్ అని పేర్కొనడం పట్ల మరింత ఆగ్రహం వ్యక్తం అవుతోంది.
Also Read: పవన్ కళ్యాణ్ను ఏపీ సీఎం చేయాలి - భారతీయుడు 2 ప్రీ రిలీజ్లో ఎస్జే సూర్య
View this post on Instagram
Praneeth @phanumantwo posted a reel with a message which we are supposed to consider as an apology. He says that dark comedy based bath tub joke is being wrongly projected. This “apology” clearly shows he has no remorse. He still thinks the joke misfired and not the thought…
— .... (@ynakg2) July 7, 2024
టాప్ హెడ్ లైన్స్
ట్రెండింగ్ వార్తలు
