![ABP Premium](https://cdn.abplive.com/imagebank/Premium-ad-Icon.png)
Upcoming Movies: ఈ వారం థియేటర్లో ఒకే ఒక్క సినిమా - ఓటీటీలోకి బోల్డ్ సినిమాలు, ఆసక్తికరమైన వెబ్ సిరీసులు!
Upcoming Theater/OTT Movies: ఎప్పటిలాగే సినీ అభిమానులను అలరించడానికి ఈ వారం కూడా థియేటర్, ఓటీటీలలో కొత్త సినిమాలు, ఆసక్తికరమైన వెబ్ సిరీసులు రాబోతున్నాయి.
![Upcoming Movies: ఈ వారం థియేటర్లో ఒకే ఒక్క సినిమా - ఓటీటీలోకి బోల్డ్ సినిమాలు, ఆసక్తికరమైన వెబ్ సిరీసులు! Kalki 2898 AD release date and Upcoming Theater OTT Movies in the last week of month of June 2024 Upcoming Movies: ఈ వారం థియేటర్లో ఒకే ఒక్క సినిమా - ఓటీటీలోకి బోల్డ్ సినిమాలు, ఆసక్తికరమైన వెబ్ సిరీసులు!](https://feeds.abplive.com/onecms/images/uploaded-images/2024/06/24/b6685a41b4d1e648891b310785f831ed1719231152292686_original.jpg?impolicy=abp_cdn&imwidth=1200&height=675)
Upcoming Theatre/OTT Movies: గత వారం సినీ ప్రియులను అలరించడానికి రీరిలీజులతో కలుపుకొని దాదాపు డజను చిత్రాలు థియేటర్లలోకి వచ్చాయి. వాటిల్లో 'నింద' సినిమా ఒక్కటే ఉన్నంతలో ప్రేక్షకుల దృష్టిని ఆకర్షించగా.. మిగతావన్నీ అలా వచ్చి ఇలా వెళ్లిపోయాయి. అయితే ఈ వారం మాత్రం ఒకే ఒక్క సినిమా బిగ్ స్క్రీన్ లను తాకడానికి రెడీ అయింది. 'కల్కి 2898 AD' చిత్రం ఒక్కటే పాన్ ఇండియా వైడ్ గా భారీ స్థాయిలో రిలీజ్ కాబోతోంది. అందుకే ఎవరూ దీనికి పోటీగా మరో చిత్రాన్ని విడుదల చేసే సాహసం చెయ్యలేదు.
'కల్కి 2898 AD':
రెబల్ స్టార్ ప్రభాస్ హీరోగా డైరెక్టర్ నాగ్ అశ్విన్ దర్శకత్వంలో రూపొందుతున్న ఎపిక్ సైన్స్ ఫిక్షన్ ఫాంటసీ యాక్షన్ మూవీ 'కల్కి 2898 ఏడీ'. ఇందులో బిగ్ బీ అమితాబ్ బచ్చన్, విశ్వనటుడు కమల్ హాసన్, బాలీవుడ్ భామలు దీపికా పదుకొణె, దిశాపటానీ కీలక పాత్రలు పోషిస్తున్నారు. భారీ బడ్జెట్, స్టార్ కాస్టింగ్ తో తెరకెక్కిన ఈ సినిమా జూన్ 27వ తేదీ గురువారం ప్రేక్షకుల ముందుకు రానుంది. అంతకంటే ఒక్క రోజు ముందుగా బుధవారమే యూఎస్ లో ప్రీమియర్స్ పడబోతున్నాయి.
'కల్కి 2898 AD' చిత్రాన్ని తెలుగు, తమిళ, కన్నడ, మలయాళ, హిందీ భాషల్లో 3డీ & ఇమ్యాక్స్ ఫార్మాట్ లలో రిలీజ్ చేయబోతున్నారు. తెలంగాణలో అదనపు షోలతో పాటుగా రేట్లు పెంచుకోడానికి ప్రభుత్వం అనుమతి లభించింది. దీంతో రాష్ట్ర వ్యాప్తంగా కొన్ని మల్టీఫ్లెక్స్ లలో రోజుకి 30 నుంచి 42 షోలు ప్రదర్శించబోతున్నారు. ఇప్పటికే అడ్వాన్స్ బుకింగ్స్ ఓపెన్ అవ్వడంతో, ఆన్ లైన్ టికెట్స్ కోసం డార్లింగ్ ఫ్యాన్స్ పోటెత్తుతున్నారు. చాలా నెలల తర్వాత వస్తోన్న పెద్ద హీరో సినిమా కావడంతో ట్రేడ్ వర్గాలు ఆసక్తిగా ఎదురుచూస్తున్నారు.
Experience the new world of #Kalki2898AD in 𝟑𝐃 in just 3 days…
— Vyjayanthi Movies (@VyjayanthiFilms) June 24, 2024
Book your tickets now 🎟️ https://t.co/xbbZpkWzqs@SrBachchan @ikamalhaasan #Prabhas @deepikapadukone @nagashwin7 @DishPatani @Music_Santhosh @VyjayanthiFilms @Kalki2898AD @saregamaglobal @saregamasouth… pic.twitter.com/hfZRHxnS6N
హిందూ పురాణాలు స్ఫూర్తితో భవిష్యత్ ప్రపంచం ఎలా ఉంటుందో ఊహించి తీసిన ఫాంటసీ మూవీ 'కల్కి 2898 ఏడీ'. కాశీ, కాంప్లెక్స్, శంబల అనే మూడు ప్రపంచాల మధ్య జరిగే కథ ఇది. దీంట్లో భైరవగా ప్రభాస్, అశ్వద్ధామగా అమితాబ్, సుప్రీం యాస్కిన్ గా కమల్ హసన్, రాక్సీగా దిశా పటాని, కైరాగా అన్నా బెన్, ఉత్తరగా మాళవిక అయ్యర్ కనిపించనున్నారు. ఇప్పటికే రిలీజ్ చేసిన ప్రమోషనల్ కంటెంట్ కు మంచి రెస్పాన్స్ వచ్చింది. ఆడియన్స్ ను సరికొత్త వరల్డ్ లోకి తీసుకెళ్తుందనే అభిప్రాయాన్ని కలిగించింది. వైజయంతీ మూవీస్ బ్యానర్ లో రాబోతున్న ఈ సినిమా బాక్సాఫీసు వద్ద ఎలాంటి సంచలనాలు సృష్టిస్తుందో చూడాలి.
'లవ్ మౌళి':
ఈ వారం థియేటర్లలో ఒక్క సినిమా రిలీజ్ అవుతుండగా.. ఓటీటీలో సైతం ఒకే ఒక్క తెలుగు చిత్రం స్ట్రీమింగ్ కు సిద్ధమవుతోంది. నవదీప్ హీరోగా నటించిన 'లవ్ మౌళి' మూవీ తెలుగు ఓటీటీ ‘ఆహా’ వేదికగా జూన్ 27వ తేదీ నుంచి అందుబాటులోకి రానుంది. అవనీంద్ర దర్శకత్వంలో తెరకెక్కిన ఈ బోల్డ్ అండ్ లవ్ రొమాంటిక్ చిత్రంలో ఫంకూరీ గిద్వానీ హీరోయిన్ గా నటించింది. రానా దగ్గుపాటి క్యామియో అప్పీరియన్స్ ఇచ్చారు. ఈ మధ్యనే థియేటర్లలో విడుదలైన ఈ చిత్రం, బిగ్ స్క్రీన్ మీద పెద్దగా ఆకట్టుకోలేదు. ఇప్పుడు ఓటీటీ ప్రేక్షకులను ఏమాత్రం అలరిస్తుందో చూడాలి.
ఈ వారం ఓటీటీలో అలరించే మరికొన్ని సినిమాలు, వెబ్ సిరీసులు ఇవే!
అమెజాన్ ప్రైమ్ వీడియో:
సివిల్ వార్ (తెలుగు డబ్బింగ్) - జూన్ 28
శర్మాజీ కీ బేటీ (హిందీ) - జూన్ 28
నెట్ ఫ్లిక్స్:
వరస్ట్ రూమ్మేట్ ఎవర్ 2 (వెబ్ సిరీస్) - జూన్ 26
దట్ నైన్టీస్ 2 (వెబ్ సిరీస్) - జూన్ 27
సుపాసెల్ (వెబ్ సిరీస్) - జూన్ 27
మై లేడీ జానీ (వెబ్ సిరీస్) - జూన్ 27
ఎ ఫ్యామిలీ ఎఫైర్ (ఇంగ్లీష్) - జూన్ 28
ఓనింగ్ మాన్ హట్టన్ (వెబ్ సిరీస్) - జూన్ 28
ది వర్ల్ విండ్ (కొరియన్ సిరీస్) - జూన్ 28
డిస్నీ+హాట్ స్టార్:
ది బేర్ (వెబ్ సిరీస్) - జూన్ 27
జీ5:
రౌతూ కా రాజ్ (హిందీ) - జూన్ 28
Also Read: KALKI VS KALKI 2898 AD: 'కల్కి' మూవీ టికెట్ బుకింగ్స్పై రాజశేఖర్ ఫన్నీ పోస్ట్ వైరల్
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)