Jason Sanjay: దళపతి విజయ్‌కు షాక్ ఇవ్వబోతున్న కొడుకు... జాసన్ సంజయ్ అంత పని చేస్తాడా?

Jason Sanjay Vs Vijay: దళపతి విజయ్ విడాకుల వ్యవహారంలో మరొక ట్విస్ట్ చోటు చేసుకునేలా కనబడుతోంది. ఆయన తనయుడు జాసన్ సంజయ్ ఏం చేస్తారనేది డిస్కషన్ పాయింట్ అవుతోంది.

విజయ్ కొడుకు జాసన్ సంజయ్ సంచలన నిర్ణయం... తండ్రికి షాక్ ఇవ్వనున్నారా?

Source : https://www.instagram.com/actorvijay/

దళపతి విజయ్ (Thalapathy Vijay) రాజకీయ ప్రవేశం తర్వాత తమిళ రాజకీయాలు కొత్త మలుపు తీసుకుంది. రాజకీయ, సిద్ధాంత పరమైన పోరు ఉంటుందని ముందు నుంచి అభిమానులతో పాటు తమిళ ప్రజలు భావించారు. అయితే ఆ విమర్శలు రాజకీయాల నుంచి ఆయన కుటుంబం వైపు మళ్లింది. త్రిష ఇంటి నుంచి బయటకు వచ్చి విజయ్ రాజకీయాలు చేయాలని ప్రత్యర్థులు విమర్శించారు.

విజయ్ - త్రిష సంబంధాన్ని, విమర్శలు నిజం చేస్తూ విజయ్ నుంచి విడాకులు కోరుతూ ఆయన భార్య సంగీత కోర్టుకు వెళ్లడమే కాదు... తన భర్తకు మరొక నటితో వివాహేతర సంబంధం ఉందని ఆరోపించారు. ఇప్పుడీ వ్యవహారంలో మరొక ట్విస్ట్ చోటు చేసుకునేలా ఉంది. విజయ్ తనయుడు జాసన్ సంజయ్ తండ్రికి ట్విస్ట్ ఇచ్చేలా ఉన్నారు.

విజయ్ వర్సెస్ జాసన్ సంజయ్...
తండ్రికి షాక్ ఇవ్వనున్న తనయుడు!
విడాకుల కోసం కోర్టు మెట్లు ఎక్కిన సంగీతకు తనయుడు జాసన్ సంజయ్ నుంచి నైతిక మద్దతు లభించింది. ఇన్‌స్టాగ్రామ్‌లో తండ్రిని అన్ ఫాలో చేశారు కొడుకు. ఆ న్యూస్ వైరల్ అయ్యింది. ఇప్పుడు అంతకు మించిన షాక్ తండ్రికి ఇవ్వడానికి జాసన్ సంజయ్ రెడీ అవుతున్నట్లు తెలిసింది.

తండ్రి హీరో అయితే... అదీ స్టార్ హీరో అయితే... తనయుడు సైతం తండ్రి బాటలో నడుస్తూ హీరోలు అవ్వడం ఇండియన్ సినిమా ఇండస్ట్రీలో కనిపించే కామన్ ట్రెండ్. బట్, తండ్రి విజయ్ బాటలో కాకుండా తాతయ్య ఎస్ఏ చంద్రశేఖర్ బాటలో నడుస్తూ దర్శకుడు కావాలని డిసైడ్ అయ్యారు జాసన్ సంజయ్. సందీప్ కిషన్ కథానాయకుడిగా 'సిగ్మా' సినిమాను తెరకెక్కిస్తున్నారు. ఆ సినిమాతో విజయ్ (Sigma Movie Tamil)కు షాక్ తగలబోతోందని టాక్.

 

 

 

 

 

View this post on Instagram

 

 

 

 

 

 

 

 

 

 

 

A post shared by Lyca Productions (@lycaproductions)

తమ పేరు చివర తండ్రి పేరును రాయడం తమిళంలో సహజం. అయితే... 'సిగ్మా' సినిమా క్రెడిట్స్‌లో తండ్రి పేరును తీసేయాలని జాసన్ సంజయ్ డిసైడ్ అయ్యారట. తెరపై తన పేరును జాసన్ సంజయ్ విజయ్ అని కాకుండా కేవలం జాసన్ సంజయ్ అని మాత్రమే వేసుకోవాలని డిసైడ్ అయ్యారట. నిజానిజాలు సినిమా విడుదల అయితే గానీ తెలియదు. విడాకుల వ్యవహారంలో తల్లికి మద్దతుగా జాసన్ సంజయ్ నిలుస్తున్నారని తెలిసింది. మరి తనయుడి గురించి విజయ్ ఏం చెబుతారో చూడాలి.