KVN Productions: జననాయగన్ నుంచి కేడీ వరకూ అన్నిటీలో ఎదురీత... కేవీఎన్ ప్రొడక్షన్స్‌కు దెబ్బ మీద దెబ్బ

KD The Devil Trailer: కోట్ల రూపాయలు పట్టుకుని సినిమాలు ప్రొడ్యూస్ చేయాలని వచ్చిన కేవీఎన్ ప్రొడక్షన్స్ సంస్థకు దెబ్బ మీద దెబ్బ తగులుతోంది. ఇప్పుడీ సంస్థకు సెన్సార్ నుంచి మరో షాక్ తగిలింది.

దెబ్బ మీద దెబ్బ... పాపం కేవీఎన్ ప్రొడక్షన్స్ పరిస్థితి

Source : https://www.instagram.com/kvn.productions/

KVN Productions Vs CBFC: ఇప్పుడు కేవీఎన్ ప్రొడక్షన్స్ పరిస్థితి అసలు ఏమాత్రం బాగా లేదనిపిస్తోంది. ప్రతీ విషయంలో వారికి ఏదో ఒక రూపంలో ఎదురు దెబ్బ తగులుతూనే ఉంది. ఇప్పటికీ 'జన నాయగన్' థియేటర్లోకి రాలేదు. సంక్రాంతి నుంచి వారు సెన్సార్ బోర్డుతో పోరాడుతూనే ఉన్నారు. ఆన్ లైన్లోకి సినిమా లీకై వచ్చింది గానీ.. థియేటర్లోకి మాత్రం ఇంకా రావడం లేదు. దీంతో కేవీఎన్ ప్రొడక్షన్స్‌కి భారీ మొత్తంలో నష్టం వాటిల్లినట్టు తమిళ్ సినిమా ఇండస్ట్రీ వర్గాలే చెబుతున్నాయి. ఇదిలా ఉంటే... ఆ మధ్య యాక్షన్ ప్రిన్స్ ధృవ్ సర్జా (అర్జున్ మేనల్లుడు) హీరోగా నటించిన 'కేడీ ది డెవిల్' నుంచి ఓ పాటను రిలీజ్ చేశారు. ఆ పాటలోని డబుల్ మీనింగ్ డైలాగ్స్ దెబ్బకు నేషనల్ వైడ్‌గా చర్చలు స్టార్ట్ అయ్యాయి.

సంజయ్ దత్, నోరా ఫతేహి మీద పిక్చరైజ్ చేసిన పాట సాహిత్యం గురించి చిలికి చిలికి గాలివానలా మారుతుందని గ్రహించి వివాదం పెద్దది కానివ్వకుండా దెబ్బకు ఆ పాటను, లిరిక్స్‌‌ని మార్చేశారు. తాజాగా మరో సమస్య కేవీఎన్‌ను చుట్టుముట్టింది. టీజర్, ట్రైలర్‌లో ఉన్న అభ్యంతరకర సన్నివేశాల్ని తీసివేయమని సెన్సార్ ఒత్తిడి తెచ్చినట్టుంది. అందుకే ఇప్పటికే ఉన్న టీజర్,ట్రైలర్‌ను డిలీట్ చేసి.. మళ్లీ కొత్త వర్షెన్‌ను అప్ లోడ్ చేస్తామని కేవీఎన్ ప్రకటించింది. అన్నట్టు ఈ సినిమా ఏప్రిల్ 30న థియేటర్లలోకి వస్తోంది.

The trailer of KD: The Devil recently released on YouTube inadvertently included certain uncertified content during certification process.

We have therefore taken down the trailer and will be uploading a revised version shortly, in compliance with the certification guidelines.…

— KVN Productions (@KvnProductions) April 24, 2026

కన్నడ రాకింగ్ స్టార్ యశ్ 'టాక్సిక్' ఒక్కటీ కేవీఎన్ ప్రొడక్షన్స్ సంస్థకు కాస్త ఊరట ఇచ్చే సినిమా. మార్చి 26న విడుదల కావాల్సిన ఆ సినిమా వాయిదా పడినా... జూన్ 4న థియేటర్లలోకి రావడం కన్ఫర్మ్. సో... అది కేవీఎన్ ప్రొడక్షన్స్ అధినేత వెంకట్ కె నారాయణకు డబ్బులు తీసుకు వచ్చే సినిమాలా కనబడుతోంది.

ఇక కేవీఎన్ ప్రొడక్షన్స్ తెలుగులోనూ క్రేజీ ప్రాజెక్టుల్ని లాక్ చేసుకున్న సంగతి తెలిసిందే. మెగాస్టార్ చిరంజీవి, బాబీ కొల్లి ప్రాజెక్ట్‌ని కేవీఎన్ నిర్మిస్తోంది. ఈ సినిమా విషయంలోనూ ఎక్కడ వేసిన గొంగళి అక్కడే అన్నట్టుగా మారింది. హరీష్ శంకర్ ఆ మధ్య తనకు కేవీఎన్ ప్రొడక్షన్స్ నుంచి అడ్వాన్స్ వచ్చిందని చెప్పారు. ఆయన సినిమా ఎప్పుడు స్టార్ట్ అవుతోందో తెలియదు. ఇతర ప్రాజెక్టుల ప్రభావం కావొచ్చు.. బౌండెడ్ స్క్రిప్ట్ విషయంలో కావొచ్చు.. కారణం ఏదైనా కూడా ఈ ప్రాజెక్ట్ ఇంకా ముందుకు రాలేకపోతోంది. అలా కేవీఎన్ పట్టిన ప్రతీ ప్రాజెక్ట్ ఎక్కడోచోట ఏదో ఒక రకమైన సమస్యను ఎదుర్కొంటూనే ఉంటోంది.