Hrithik Roshan: హృతిక్ రోషన్... హోంబలే ఫిలిమ్స్... 'కేజీఎఫ్' నిర్మాతతో గ్రీక్ గాడ్ పాన్ ఇండియా సినిమా

Hombale Films: కన్నడ సినిమాలతో పాన్ ఇండియా సక్సెస్‌లు కొట్టిన ప్రొడక్షన్ హౌస్ హోంబలే ఫిలిమ్స్. ఇప్పుడు హిందీ హీరోలతో సినిమాలు చేసేందుకు రెడీ అవుతోంది. హృతిక్ తో సినిమా అనౌన్స్ చేసింది.

హృతిక్ రోషన్... హోంబలే ఫిలిమ్స్... 'కేజీఎఫ్' నిర్మాతలతో గ్రీక్ గాడ్ పాన్ ఇండియా సినిమా

Source : https://x.com/hombalefilms

హోంబలే ఫిలిమ్స్... 'కేజీఎఫ్'కు ముందు ఈ ప్రొడక్షన్ హౌస్ గురించి తెలుగు, హిందీ ప్రేక్షకులకు తెలిసింది తక్కువ. యష్ హీరోగా ప్రశాంత్ వర్మ దర్శకత్వం వహించిన ఆ సినిమా పాన్ ఇండియా సక్సెస్ తర్వాత ఒక్కసారిగా అందరికీ తెలిసింది. 'కేజీఎఫ్'కు ముందు కన్నడలో మూడు సినిమాలు తీసినా... ఆ మూవీ తెచ్చిన గుర్తింపు ఎక్కువ.

'కేజీఎఫ్' తర్వాత 'కేజీఎఫ్ 2',  రిషబ్ శెట్టి 'కాంతార', రెబల్ స్టార్ ప్రభాస్ హీరోగా ప్రశాంత్ వర్మ తీసిన 'సలార్' సినిమాలు హోంబలే ఫిలిమ్స్ సంస్థకు పాన్ ఇండియా విజయాలు అందించాయి.‌ సౌత్ హీరోలతో తీసిన సినిమాలతో నార్త్ ఇండియాలోనూ సక్సెస్ కొట్టిన హోంబలే ఫిలిమ్స్ అధినేత విజయ్ కిరగందూర్ ఇప్పుడు హిందీ హీరోతో సినిమా తీయడానికి రెడీ అయ్యారు.

హృతిక్ రోషన్ హీరోగా హోంబలే సినిమా
బాలీవుడ్ గ్రీక్ గాడ్ హృతిక్ రోషన్ కథానాయకుడిగా హోంబలే ఫిలిమ్స్ పతాకం మీద భారీ పాన్ ఇండియా ప్రాజెక్ట్ ప్రొడ్యూస్ చేయనున్నట్లు విజయ్ కిరగందూర్ అనౌన్స్ చేశారు. హృతిక్ లాంటి హీరోతో సినిమా చేస్తుండడం చాలా సంతోషంగా ఉందని ఆయన పేర్కొన్నారు. 

హోంబలే ఫిలిమ్స్ సంస్థ కొన్నేళ్లుగా యూనిక్ స్టోరీలతో భారీ సినిమాలు ప్రొడ్యూస్ చేస్తోందని, ఆ సంస్థలో సినిమా చేస్తుండడం సంతోషంగా ఉందని హృతిక్ రోషన్ పేర్కొన్నారు. ఈ సినిమా ప్రారంభించేందుకు తాను ఆసక్తిగా ఎదురు చూస్తున్నట్లు తెలిపారు.

They call him the Greek God. He's ruled hearts, shattered limits and we see the phenomenon he truly is!
We are proud to welcome @iHrithik to the @hombalefilms family for a collaboration, years in the making. A tale of grit, grandeur and glory is set to unfold, where intensity… pic.twitter.com/ZU2FHKjKdm

— Hombale Films (@hombalefilms) May 28, 2025

Hrithik Roshan Upcoming Movies: హృతిక్ రోషన్ ప్రస్తుతం చేస్తున్న సినిమా విషయానికి వస్తే... మ్యాన్ ఆఫ్ మాసెస్ ఎన్టీఆర్, ఆయన కలిసి 'వార్ 2' చేస్తున్నారు. యష్ రాజ్ ఫిలిమ్స్ స్పై యూనివర్స్ ఫ్రాంచైజీలో రూపొందుతున్న ఈ సినిమా ఆగస్టు 14న థియేటర్లలోకి రానుంది. అది కాకుండా త్వరలో హృతిక్ రోషన్ మెగాఫోన్ పట్టుకునేందుకు రెడీ అయ్యారు. 'క్రిష్ 4' సినిమాకు ఆయన డైరెక్షన్ చేయనున్న సంగతి తెలిసిందే. మరి, హోంబలే ఫిలిమ్స్ సంస్థలో ఎటువంటి సినిమా చేస్తారో చూడాలి. హృతిక్ రోషన్, హోంబలే ఫిలిమ్స్ కాంబినేషన్ అనగానే ఆడియన్స్ అందరికీ ఇంట్రెస్ట్ క్రియేట్ అయ్యింది. నార్త్ హీరో, సౌత్ ప్రొడ్యూసర్ కాంబో క్యూరియాసిటీ క్రియేట్ చేస్తోంది.