Golden Globes 2026: గోల్డెన్ గ్లోబ్ అవార్డుల్లో ప్రజెంటర్‌గా ప్రియాంక చోప్రా... ఫుల్ లిస్ట్ ఇదుగో

Golden Globes 2026 Presenters: గోల్డెన్ గ్లోబ్స్ 2026 అవార్డుల ప్రెజెంటర్ల జాబితాలో ప్రియాంక చోప్రా చేరారు. ఈ వేడుకలో ఆమెతో పాటు అటెండ్ అయ్యే స్టార్స్ ఎవరంటే?

ప్రియాంకా చోప్రా

Source : Imdb

బాలీవుడ్ కాదు... హాలీవుడ్ నుంచి గ్లోబల్ ఎంటర్టైన్మెంట్ ఇండస్ట్రీలో తనకంటూ ప్రత్యేక గుర్తింపు తెచ్చుకున్న ప్రియాంక చోప్రా 83వ గోల్డెన్ గ్లోబ్స్ అవార్డ్స్ 2026లో ప్రజెంటర్‌గా నామినేట్ చేయబడింది. ప్రియాంకతో పాటు జూలియా రాబర్ట్స్, జార్జ్ క్లూనీ, మిలా కునిస్, ఆనా డి అర్మాస్, జెన్నిఫర్ గార్నర్ వంటి సూపర్ స్టార్లు కూడా ఈ షోలో ప్రజెంటర్లుగా ఉంటారు.

గోల్డెన్ గ్లోబ్స్ 2026 ప్రజెంటర్లు ఎవరంటే?
ఈ సంవత్సరం గోల్డెన్ గ్లోబ్స్ అవార్డుల్లో చాలా మంది ప్రముఖుల పేర్లు చేర్చారు. ఎమ్మాండా సేఫ్రెడ్, అయో ఎడెబిరి, క్రిస్ పైన్, కోనర్ స్టోరీ, కోల్మెన్ డొమింగో, డేవ్ ఫ్రాంకో వంటి ప్రముఖులు కూడా అవార్డుల కార్యక్రమంలో ప్రజెంటర్లుగా పాల్గొంటారు. దీనితో పాటు కైలా సెడ్విక్, లాలిసా మనోబల్, మెకాలే కుల్కిన్, స్నూప్ డాగ్ కూడా ఈసారి గోల్డెన్ గ్లోబ్స్ కు అటెండ్ అవుతారు.

More #GoldenGlobes presenters just dropped! 👀

Don’t miss the 83rd Annual Golden Globes LIVE this Sunday at 8 ET | 5 PT @CBS and @paramountplus! pic.twitter.com/1pjcckCQAE

— Golden Globes (@goldenglobes) January 8, 2026

గోల్డెన్ గ్లోబ్స్ ప్రత్యేకత
ఈ గోల్డెన్ గ్లోబ్స్ అవార్డుల కార్యక్రమం CBSలో ప్రత్యక్ష ప్రసారం చేస్తారు. పారామౌంట్ ప్లస్‌లో కూడా ప్రసారం అవుతుంది. ఈ కార్యక్రమంలో నికీ గ్లేజర్ హోస్ట్‌ చేస్తారు. ఇంతకు ముందు కూడా ఆయన హోస్ట్‌ చేసిన సంగతి తెలిసిందే. ఈ షో ఆదివారం PT 5 గంటలకు, ET 8 గంటలకు ప్రత్యక్ష ప్రసారం అవుతుంది. ఇది భారతదేశంలో ఉదయం 6.30 గంటలకు వస్తుంది.

ప్రియాంక చోప్రా కొత్త సినిమాలు
ప్రియాంక చోప్రా ప్రస్తుతం కొత్త సినిమాలతో బిజీగా ఉంది. దర్శక ధీరుడు ఎస్ఎస్ రాజమౌళి సినిమా 'వారణాసి'లో కనిపించనుంది. ఈ సినిమాలో ఆమె మహేష్ బాబుతో కలిసి స్క్రీన్ షేర్ చేసుకోనుంది. దీనితో పాటు ప్రియాంక త్వరలో 'సిటాడెల్' రెండవ సీజన్లో కూడా కనిపించనుంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Priyanka (@priyankachopra)

ప్రియాంక చోప్రా 'ది బ్లఫ్' అనే మరో సినిమా ప్రాజెక్ట్ చేస్తోంది. అందులో ఆమె 19వ శతాబ్దపు కరేబియన్ సముద్రపు దొంగ పాత్రను పోషిస్తుంది. కార్ల్ అర్బన్ కూడా ఆమెతో పాటు నటిస్తున్నారు. ప్రియాంక ఇటీవల 'హెడ్స్ ఆఫ్ స్టేట్'లో ఇద్రిస్ ఎల్బా,  జాన్ సీనాతో కలిసి నటించింది. అదొక యాక్షన్ థ్రిల్లర్.