Padipotunna Song : ప్రేమలో 'పడిపోతున్న' అబ్బాయ్ - 'గేమ్ ఆన్'లో కొత్త సాంగ్ 

అనగనగా ఓ యువకుడు. జీవితంలో ఏమీ సాధించలేని వ్యక్తిగా... నిరాశతో లూజ‌ర్ కింద మిగిలిపోతున్న సమయంలో విచిత్రమైన పరిస్థితిలో చిక్కుకుంటాడు. అతని జీవితం ఓ ఆట మొదలవుతుంది. అది అతడిని ఏ తీరాలకు చేర్చింది? మధ్యలో ఏమైంది? అనే కథతో రూపొందిన సినిమా 'గేమ్ ఆన్' (Game On Movie). ఇందులో గీతానంద్ హీరో. నేహా సోలంకి (Neha Solanki) హీరోయిన్. వీళ్ళిద్దరిపై ఓ ప్రేమ పాట తెరకెక్కించారు. 

ప్రేమలో పడిపోతున్నా
'పడిపోతున్నా... నిన్ను చూస్తూనే! పడిపోతున్నా... ప్రేమలోనే!'' అంటూ సాగే గీతాన్ని శుక్రవారం ఉదయం 11.07 గంటలకు విడుదల చేయనున్నారు. కిట్టూ విస్సాప్రగడ సాహిత్యం అందించిన ఈ పాటను అనురాగ్ కులకర్ణి, హారికా నారాయణ్ ఆలపించారు. అశ్విన్, అర్జున్ సంగీతం అందించారు. సినిమాలో రెండో పాట ఇది. 

'గేమ్ ఆన్'లో మొదట పాట 'రిచో రిచ్'ను కొన్ని రోజుల క్రితం విడుదల చేశారు. ఆల్మోస్ట్ 3.5 మిలియన్ వ్యూస్ వచ్చాయి. ఆ పాటకు లభిస్తున్న స్పందన తమకు ఎంతో సంతోషాన్ని కలిగించిందని చిత్ర బృందం తెలిపింది. 

Also Read : మృగాలను భయపెట్టే మగాడిగా ఎన్టీఆర్ - స్టోరీలైన్ చెప్పేసిన కొరటాల

గేమ్ ఆన్... ఇదొక ఎమోషనల్ జర్నీ!
'గేమ్ ఆన్' చిత్రాన్ని (Game On Movie) క‌స్తూరి క్రియేష‌న్స్ ప్రొడ‌క్ష‌న్, గోల్డెన్ వింగ్ ప్రొడ‌క్ష‌న్స్‌ పతాకాలపై రవి కస్తూరి నిర్మిస్తున్నారు. ఈ చిత్రానికి ద‌యానంద్ ద‌ర్శ‌క‌త్వం వహిస్తున్నారు. ఇంటెన్స్ క్యారెక్ట‌ర్స్ మ‌ధ్య జ‌రిగే ఎమోష‌న‌ల్ జ‌ర్నీగా సినిమాను రూపొందించామని దర్శక నిర్మాతలు తెలిపారు.

చిత్ర నిర్మాత ర‌వి క‌స్తూరి మాట్లాడుతూ ''సినిమా టైటిల్, ఫస్ట్ లుక్ ప్రేక్షకులను ఆకట్టుకున్నాయి. ఆల్రెడీ విడుదలైన టీజర్, ప్రచార చిత్రాలు డిస్ట్రిబ్యూషన్ వర్గాల్లో సినిమాపై ఆసక్తి పెంచాయి. దాంతో సినిమాపై మాకు చాలా మంచి నమ్మకం ఏర్పడింది. కొత్తదనంతో కూడిన సినిమాలను తెలుగు ప్రేక్షకులు ఎప్పుడూ ఎంకరేజ్ చేస్తారు. మా సినిమాను కూడా ఆదరిస్తారని ఆశిస్తున్నాం. ఈ సినిమాకు ఇద్దరు అన్న దమ్ములుగా వర్క్ చేస్తున్నారు. మా గీతానంద్, దర్శకుడు దయానంద్ అన్నదమ్ములే. వాళ్ళు చెప్పిన చెప్పిన కంటెంట్ నచ్చడంతో సినిమా నిర్మించా. టీమ్ అందరూ చక్కగా పని చేశారు. అర‌వింద్ విశ్వనాథన్ అద్భుతమైన విజువ‌ల్స్ అందించారు'' అని చెప్పారు. 

Also Read : బ్రహ్మికి చిరు, చరణ్ సత్కారం - స్టార్స్‌ను మెప్పిస్తున్న 'రంగమార్తాండ'

చిత్ర దర్శకుడు ద‌యానంద్ మాట్లాడుతూ ''రొటీన్ సినిమాలకు భిన్నమైన కథతో తీసిన చిత్రమిది. ఇప్పుడు తెలుగులో డిఫ‌రెంట్ సినిమాలు వస్తున్నాయి. వరుస విజయాలు సాధిస్తున్నాయి. ఆ జాబితాలో మా 'గేమ్ ఆన్' కూడా చేరుతుందని భావిస్తున్నాను. ఈ సినిమాలో చాలా ట్విస్టులు, ట‌ర్నులు ఉన్నాయి. యాక్ష‌న్‌, రొమాన్స్, ఎమోష‌న్స్... అన్ని అంశాలు ఉన్నాయి. మా కథ నచ్చి సినిమా చేయడానికి వచ్చిన నిర్మాతకు థాంక్స్'' అని అన్నారు.

ఆదిత్య మీన‌న్, మ‌ధుబాల‌, 'బిగ్ బాస్' వాసంతి కృష్ణన్, కిరిటీ, 'శుభ‌లేక' సుధాక‌ర్‌ త‌దిత‌రులు నటించిన ఈ చిత్రానికి నిర్మాణ సంస్థలు : క‌స్తూరి క్రియేష‌న్స్ ప్రొడ‌క్ష‌న్‌, గోల్డెన్ వింగ్ ప్రొడ‌క్ష‌న్స్‌, ఎడిట‌ర్ : వంశీ అట్లూరి, స్టంట్స్‌:  రామ‌కృష్ణ‌న్‌, న‌భా స్టంట్స్‌, సంగీతం : న‌వాబ్ గ్యాంగ్‌, అశ్విన్ - అరుణ్‌, నేపథ్య సంగీతం : అభిషేక్ ఎ.ఆర్‌ మాటలు :  విజ‌య్ కుమార్ సిహెచ్‌, ఛాయాగ్రహణం :  అర‌వింద్ విశ్వ‌నాథ‌న్‌, నిర్మాత‌ : ర‌వి క‌స్తూరి, ద‌ర్శ‌క‌త్వం : ద‌యానంద్‌.