Yadagirigutta: గ్రిల్స్ మధ్య ఇరుక్కున్న బాలుని తల - చాకచక్యంగా బయటకు తీసిన భక్తులు, యాదాద్రి ఆలయంలో ఘటన

Yadadri News: యాదగిరిగుట్ట క్యూలైన్‌లో ఓ బాలునికి ప్రమాదం తప్పింది. స్వామి దర్శనం కోసం వేచి చూస్తుండగా బాలుని తల గ్రిల్స్ మధ్యలో ఇరుక్కుపోయింది. తోటి భక్తులు బాలున్ని రక్షించారు.

గ్రిల్స్ మధ్యలో ఇరుక్కున్న బాలుని తల

Source : Twitter (X)

Boy Head Stucked In Que Line Grills In Yadagirigutta: యాదగిరిగుట్టపై (Yadagirigutta) ఓ బాలునికి ప్రమాదం తప్పింది. స్వామి దర్శనం కోసం క్యూలైన్‌లో వేచి చూస్తుండగా బాలుని తల గ్రిల్స్ మధ్యలో ఇరుక్కుపోయింది. గమనించిన తోటి భక్తులు బాలున్ని రక్షించారు. వివరాల్లోకి వెళ్తే.. హైదరాబాద్ బోడుప్పల్‌కు చెందిన ఓ కుటుంబం ఆదివారం ఉదయం స్వామి వారి దర్శనం కోసం రూ.150 టికెట్ ప్రవేశ క్యూలైన్‌లో వేచి ఉన్నారు. ఈ క్రమంలో దయాకర్ అనే బాలుడి తల గ్రిల్స్ మధ్యలో ఇరుక్కుపోయింది. దీంతో బాలుడి కుటుంబసభ్యులు ఆందోళనకు గురయ్యారు. వెంటనే గమనించిన తోటి భక్తులు బాలుడి తలను జాగ్రత్తగా బయటకు తీశారు. బాలుడికి ప్రమాదం తప్పడంతో అంతా ఊపిరి పీల్చుకున్నారు.