Game Changer : 'గేమ్ ఛేంజర్' పాటల కోసమే అన్ని కోట్లా? ఒక్కో పాట స్పెషల్ ఏంటంటే?

Game Changer : రామ్ చరణ్ 'గేమ్ ఛేంజర్' మూవీలోని ఒక్కో పాట ఒక్కో విజువల్ వండర్ గా ఉండబోతోంది. ఇందులోకి 5 పాటల కోసమే ఏకంగా 75 కోట్లు ఖర్చు పెట్టారట మేకర్స్.

గేమ్ ఛేంజర్

Source : twitter

Game Changer Movie Songs : గ్లోబల్ స్టార్ రామ్ చరణ్ హీరోగా నటిస్తున్న పాన్ ఇండియా మూవీ 'గేమ్ ఛేంజర్' జనవరి 10న రిలీజ్ కు సిద్ధంగా ఉన్న సంగతి తెలిసిందే. ఇప్పటికే ఈ సినిమా నుంచి రిలీజ్ అయిన టీజర్, పాటలు సినిమాపై అంచనాలను భారీగా పెంచాయి. అయితే రీసెంట్ గా డల్లాస్ లో జరిగిన ప్రీ రిలీజ్ ఈవెంట్ 'గేమ్ ఛేంజర్'పై మరింత బజ్ క్రియేట్ చేసింది. ఇక ఈ సినిమా పాటల కోసం దాదాపు 75 కోట్లను మేకర్స్ ఖర్చు చేశారన్న వార్త హైప్ గ్రాఫ్ ను భారీగా పెంచేస్తోంది. సినిమాలో మొత్తం 5 పాటలు ఉండగా, ఒక్కో పాటను అద్భుతమైన లొకేషన్స్, సెట్స్ లో... అదిరిపోయే స్టెప్పులతో, పవర్ ఫుల్ మ్యూజిక్ తో విజువల్ వండర్ గా నిర్మించినట్టుగా తెలుస్తోంది. 

1. 'జరగండి' సాంగ్ 

ముందుగా 'జరగండి' పాట గురించి మాట్లాడుకుంటే 70 అడుగుల కొండపైనున్న ఓ పల్లెటూరులో, ప్రత్యేకంగా నిర్మించిన సెట్ లో 13 రోజుల పాటు 'జరగండి' పాటను చిత్రీకరించారు. ఈ పాటలో దాదాపు 600 మంది డాన్సర్లతో 8 రోజులపాటు షూట్ చేశారు. ప్రభుదేవా కొరియోగ్రఫీ అందించారు. ఇక ఈ పాటకు ఫస్ట్ టైం ఎకో ఫ్రెండ్లీ కాస్ట్యూమ్స్ ని వాడారు. జనపనారతో చేసిన ఆ కాస్ట్యూమ్స్ ను అశ్విన్ - రాజేష్ డిజైన్ చేశారు.

2. 'రా మచ్చా మచ్చా' సాంగ్ 

రెండో పాట రామ్ చరణ్ ఇంట్రడక్షన్ సాంగ్ 'రా మచ్చా మచ్చా'. గణేష్ ఆచార్య కొరియోగ్రఫీ అందించిన ఈ సాంగ్ ను ఇండియాలోని జానపద కళలకు నివాళిగా రూపొందించారు. ఇందులో 1000 కంటే ఎక్కువ మంది జానపద కళాకారులు డాన్స్ చేసినట్టుగా తెలుస్తోంది. భారతదేశంలోని పలు గొప్ప సంస్కృతులకు అద్దం పట్టే విధంగా ఈ పాటను రూపొందించారు. అందులో ఇండియాలోని 10 జానపద డాన్సులు ఉన్నట్టుగా తెలుస్తోంది. 

1) గుస్సాడి - ఆదిలాబాద్ 
2) చావు - పశ్చిమ బెంగాల్
3) ఘుమ్రా - ఒరిస్సా - మటిల్కల
4) గొరవర - కుణిత (కర్ణాటక)
5) కుమ్ముకోయ - శ్రీకాకుళం
6) రణప - ఒరిస్సా
7) పైకా - జార్ఖండ్
8) హలక్కీ - వొక్కలిగ - కర్ణాటక.
9) తాపిత గుళ్లు - విజయనగరం
10) దురువా - ఒరిస్సా

3. 'నానా హైరానా' సాంగ్ 

మూడో పాట 'నానా హైరానా'. ఈ రొమాంటిక్ పాటను ఫస్ట్ టైం ఇండియాలోనే ఇన్‌ఫ్రారెడ్ కెమెరాలో చిత్రీకరించారు. న్యూజిలాండ్ లోని అద్భుతమైన లోకేషన్లలో రామ్ చరణ్ కియారా అద్వానీపై రూపొందిన ఈ పాట బెస్ట్ మెలోడీగా రెస్పాన్స్ ను దక్కించుకుంటోంది. పాపులర్ బాలీవుడ్ డిజైనర్ మనీష్ మల్హోత్రా ఈ పాటకు కాస్ట్యూమ్ డిజైన్ చేశారు. ఈ పాటను 6 రోజులపాటు చిత్రీకరించారు. 

4. 'ధోప్' సాంగ్ 

నాలుగో పాట 'ధోప్' విషయానికి వస్తే... ఇదో టెక్నో డాన్స్ నెంబర్. ఈ పాటను కోవిడ్ సెకండ్ వేవ్ టైమ్ లోనే షూట్ చేసినట్టుగా తెలుస్తోంది. ఆర్ఎఫ్సి లో వేసిన మూడు కాస్ట్లీ సెట్ లలో 8 రోజుల పాటు దీన్ని షూట్ చేశారు. ఇక ఈ పాట కోసం ప్రత్యేక విమానంలో దాదాపు 100 మంది ప్రొఫెషనల్ డాన్సర్లను రష్యా నుంచి రప్పించినట్టుగా తెలుస్తోంది. ఈ సాంగ్లో రామ్ చరణ్ తో పాటు కియారా కూడా అదిరిపోయే స్టెప్పులు వేశారు. 

5. 'ద సర్ప్రైజ్ ప్యాకేజీ' సాంగ్ 

ఐదవ పాట సర్ప్రైజ్ ప్యాకేజీ.. ఈ పాటను ప్రేక్షకులు వెండితెరపై చూసి థ్రిల్ ఫీల్  అవ్వడం ఖాయమని అంటున్నారు. గోదావరి బ్యాక్ డ్రాప్ లో ఈ సాంగ్ ను చిత్రీకరించారు.